တၢ်သးကညီၤ
တၢ်ဂ့ၤတၢ်ဝါအဂၤလၢ အဘၣ်ထွဲလိာ်သးဒီး တၢ်သးကညီၤန့ၣ် မ့ၢ်မနုၤလဲၣ်.
-
တၢ်အဒိအတဲာ်လၢ လံာ်စီဆှံပူၤ–
-
စံး ၅၁:၁, ၂—ဖဲစီၤပၤဒၤဝံးဃ့ဝဲလၢ ယဟိဝၤယွၤ ကသးကညီၤအီၤအခါ အဃ့ဝဲလၢ ယဟိဝၤယွၤ ကပျၢ်ကွံာ်အတၢ်ဒဲးဘး ဒီးမၤကဆှီထီၣ်အီၤ.
-
လူၤ ၁၀:၂၉-၃၇—ဘၣ်ဃးဒီး တၢ်သးကညီၤန့ၣ် ယ့ၣ်ၡူးဟ့ၣ်ပှၤတၢ်မၤလိ ခီဖျိ အတဲဝဲဘၣ်ဃးဒီး ပှၤၡၤမရံဖိတဂၤလၢ အပာ်ဖျါထီၣ် တၢ်သူၣ်ဂ့ၤသးဝါ ဒီးတၢ်ဒိသူၣ်ဒိသးလၢ ပှၤယူဒၤဖိတဂၤအဖီခိၣ်.
-
ဘၣ်မနုၤအဃိ ပှၤဟီၣ်ခိၣ်ဖိ ကိးဂၤဒဲးလိၣ်ဘၣ် တၢ်သးကညီၤလဲၣ်.
စံး ၁၃၀:၃; စံၣ် ၇:၂၀; ၁ ယိၤ ၁:၈
ကွၢ်စ့ၢ်ကီး ၁ စီၤပၤ ၈:၄၆-၅၀
ဘၣ်ဃးဒီး တၢ်သးကညီၤန့ၣ် ယဟိဝၤယွၤ ပာ်လီၤန့ၢ်ပှၤ အဒိအတဲာ်ဒ်လဲၣ်.
၂ မိၤ ၃၄:၆; ဃ့ ၉:၁၇; စံး ၁၀၃:၈; ၂ ကရံၣ် ၁:၃
-
တၢ်အဒိအတဲာ်လၢ လံာ်စီဆှံပူၤ–
-
ဘး ၄၂:၁, ၂, ၆-၁၀; ယၤ ၅:၁၁—ယဟိဝၤယွၤ ပာ်ဖျါထီၣ် တၢ်သးကညီၤလၢ စီၤယိၤဘးအဖီခိၣ် ဒီးသိၣ်လိအီၤလၢ အကအိၣ်ဒီး တၢ်သးကညီၤစ့ၢ်ကီး.
-
လူၤ ၁၅:၁၁-၃၂—ယ့ၣ်ၡူးပာ်ဖျါထီၣ်န့ၢ်ပှၤ ယဟိဝၤယွၤ အတၢ်သးကညီၤ ခီဖျိ ဖဲအတဲဖျါထီၣ်ဝဲ ဘၣ်ဃးဒီး ဖိခွါလၢအကျဲကမၣ်တဂၤ ပီၢ်ယၢ်လီၤက့ၤအသးအခါ အပါပာ်ဖျါထီၣ် တၢ်အဲၣ်ဒီး တၢ်သးကညီၤဒ်လဲၣ်.
-
ဘၣ်မနုၤအဃိ ယဟိဝၤယွၤ ပာ်ဖျါထီၣ် တၢ်သးကညီၤ လၢပဖီခိၣ်လဲၣ်.
ကွၢ်စ့ၢ်ကီး တံ ၃:၄, ၅
ယ့ၣ်ၡူးခရံာ် အတၢ်ဟ့ၣ်လုၢ်ထီၣ်သးန့ၣ် ဘၣ်ထွဲလိာ်အသးဒီး တၢ်ပျၢ်တၢ်ဒဲးဘးဒ်လဲၣ်.
ဘၣ်မနုၤအဃိ ပကဘၣ်ဃ့ တၢ်သးကညီၤလဲၣ် ဒီးပပာ်ဖျါထီၣ်လၢ ပစံးဘျုးစံးဖှိၣ် တၢ်ဟ့ၣ်အံၤ ကသ့ဒ်လဲၣ်.
-
တၢ်အဒိအတဲာ်လၢ လံာ်စီဆှံပူၤ–
-
စံး ၅၁:၁-၄—စီၤပၤဒၤဝံး သူၣ်အုးသးအုး ခီဖျိလၢ အမၤဘၣ်တၢ်ကမၣ်ဖးဒိၣ် ဒီးလၢတၢ်ဆီၣ်လီၤသးအပူၤ အဃ့ဝဲလၢ ယဟိဝၤယွၤ ကပာ်ဖျါထီၣ် တၢ်သးကညီၤလၢအဖီခိၣ်.
-
လူၤ ၁၈:၉-၁၄—ယ့ၣ်ၡူးတဲနၢ်ပၢၢ်ပှၤ ဘၣ်ဃးဒီး ပှၤလၢအအၢၣ်လီၤ အတၢ်ကမၣ်လၢ တၢ်ဆီၣ်လီၤသးအပူၤန့ၣ် ယဟိဝၤယွၤ ကပာ်ဖျါထီၣ် တၢ်သးကညီၤ လၢအဝဲသ့ၣ်အဖီခိၣ်.
-
ပှၤလၢအမၤဘၣ် တၢ်ကမၣ်ဖးဒိၣ်န့ၣ် ဘၣ်မနုၤအဃိ အဝဲသ့ၣ်နာ်ဝဲလၢ အဒိးန့ၢ်ဘၣ်တၢ်သးကညီၤ သ့ဝဲလဲၣ်.
-
တၢ်အဒိအတဲာ်လၢ လံာ်စီဆှံပူၤ–
-
၂ ကွဲး ၃၃:၉-၁၃, ၁၅—စီၤမနၤၡ့ၤ မ့ၢ်စီၤပၤလၢ အအၢအသီဒိၣ်မးတဂၤ ဘၣ်ဆၣ် အပီၢ်ယၢ်လီၤက့ၤအသး ဒီးဃ့ဝဲလၢ ယဟိဝၤယွၤ ကပာ်ဖျါထီၣ် တၢ်သးကညီၤလၢအဖီခိၣ်. ဒီးစီၤမနၤၡ့ၤ ပီၢ်ယၢ်လီၤက့ၤအသးနီၢ်ကီၢ်န့ၣ် အပာ်ဖျါထီၣ်ဝဲလၢ အတၢ်မၤ အဃိ ယဟိဝၤယွၤ ဟ့ၣ်က့ၤအီၤလၢ စီၤပၤအလီၢ်အလၤ.
-
နါ ၃:၄-၁၀—ပှၤနံၤနဝ့ဖိတဖၣ် မ့ၢ်ပှၤလၢ အမၤဆူၣ်မၤစိးတၢ် ဒီးမၤသံတၢ် ဘၣ်ဆၣ် ဖဲအဝဲသ့ၣ် ဃၣ်ကွံာ်အသးလၢ အကျဲအၢကျဲသီအခါ အဝဲသ့ၣ်ဒိးန့ၢ်ဘၣ် ကစၢ်ယွၤ အတၢ်သးကညီၤ.
-
ဒ်သိး ပကဒိးန့ၢ်ဘၣ် ယဟိဝၤယွၤ အတၢ်သးကညီၤအဂီၢ် ဘၣ်မနုၤအဃိ ပကဘၣ် အၢၣ်လီၤပတၢ်ကမၣ်လဲၣ်.
ပကဒိးန့ၢ်ဘၣ် ယဟိဝၤယွၤ အတၢ်သးကညီၤ ဒီးတၢ်ပျၢ်တၢ်ကမၣ် ဘၣ်ဆၣ် ပတပူၤဒီး တၢ်သိၣ်က့ၤသီက့ၤဘၣ် မ့တမ့ၢ် တၢ်ကီတၢ်ခဲလၢ တၢ်ကမၣ်လၢ ပမၤတ့ၢ်အဃိဘၣ်.
ဘၣ်မနုၤအဃိ ပကဘၣ်ပာ်ဖျါထီၣ် တၢ်သးကညီၤလၢ ပှၤဂၤအဖီခိၣ်လဲၣ်.
ပမ့ၢ်တပာ်ဖျါထီၣ် တၢ်သးကညီၤ လၢပှၤဂၤအဖီခိၣ်ဘၣ်န့ၣ် အမၤဘၣ်ဒိ ပတၢ်ရ့လိာ်သးဒီး ယဟိဝၤယွၤ သ့ဒ်လဲၣ်.
ကွၢ်စ့ၢ်ကီး ကတိၤ ၂၁:၁၃
-
တၢ်အဒိအတဲာ်လၢ လံာ်စီဆှံပူၤ–
-
မး ၁၈:၂၃-၃၅—ယ့ၣ်ၡူးပာ်ဖျါထီၣ် တၢ်အဒိဘၣ်ဃးဒီး ပှၤလၢအတသးအိၣ် ပာ်ဖျါထီၣ် တၢ်သးကညီၤလၢ ပှၤဂၤအဖီခိၣ်ဘၣ်န့ၣ် အဝဲသ့ၣ်စ့ၢ်ကီး တဒိးန့ၢ်ဘၣ် ယဟိဝၤယွၤ အတၢ်သးကညီၤဘၣ်.
-
လူၤ ၁၀:၂၉-၃၇—တၢ်အဒိလၢ အမံၤဟူသၣ်ဖျါတခါန့ၣ် ပာ်ဖျါထီၣ်န့ၢ်ပှၤလၢ ပှၤလၢအတသးအိၣ် ပာ်ဖျါထီၣ် တၢ်သးကညီၤဘၣ်န့ၣ် ယဟိဝၤယွၤဒီးယ့ၣ်ၡူး တဘၣ်သူၣ်ဘၣ်သး အဝဲသ့ၣ်ဘၣ်. ဒီးပှၤလၢ အပာ်ဖျါထီၣ် တၢ်သးကညီၤ ဒ်ပှၤၡၤမရံဖိတဂၤန့ၣ် ယဟိဝၤယွၤ ဒီးယ့ၣ်ၡူး ဘၣ်သူၣ်ဘၣ်သး အဝဲသ့ၣ်.
-
ပှၤလၢအအိၣ်ဒီး တၢ်သးကညီၤန့ၣ် ယဟိဝၤယွၤ ရ့ဒီးအဝဲသ့ၣ်ဒ်လဲၣ်.