တၢ်အဒိအတဲာ်လၢ လံာ်စီဆှံပူၤ–

• ၁ မူၤ ၁၅:၃, ၉-၂၃—ဖဲဝံၡမူၤအ့လး ဘှီဘၣ်ထီၣ် စီၤပၤစီလူးအခါ စီၤစီလူး တဲပူၤဖျဲးအသး ဒီးတဒိကနၣ် တၢ်ဟ့ၣ်ကူၣ်ဘၣ်အဃိ အလီၤဂာ်ဒ်သိး အတဒိကနၣ် ယဟိဝၤယွၤ အတၢ်ဟ့ၣ်ကူၣ်စ့ၢ်ကီးဘၣ်.

• ၂ ကွဲး ၂၅:၁၄-၁၆, ၂၇—ဖဲစီၤပၤအမၤစယါ မၤကမၣ်တၢ်အခါ ယဟိဝၤယွၤ အဝံလဲၤဟ့ၣ်ကူၣ်ဟ့ၣ်ဖးအီၤဘၣ်ဆၣ် အတဒိကနၣ်ဝဲအဃိ အတၢ်ရ့လိာ်သးဒီး ယဟိဝၤယွၤဟးဂီၤဝဲ ဒီးယဟိဝၤယွၤ တဒီသဒၢအီၤလၢၤဘၣ်.

တၢ်အဒိအတဲာ်လၢ လံာ်စီဆှံပူၤ–

• ၃ ယိၤ ၉, ၁၀—ခီဖျိလၢ စီၤဒံအိၤတြ့ၤဖံ တပာ်ကဲဝဲ ပှၤတီခိၣ်ရိၤမဲတၢ်လၢ တၢ်အိၣ်ဖှိၣ်အပူၤဘၣ်အဃိ တၢ်မၢဖိယိၤဟၣ် ပာ်ဒ့ၣ်ပာ်ကမၣ်အီၤ.

တၢ်အဒိအတဲာ်လၢ လံာ်စီဆှံပူၤ–

• ၁ မူၤ ၂၃:၁၆-၁၈—စီၤယိနၤသၣ်န့ၣ် အသးပှၢ်န့ၢ်ဒံး စီၤဒၤဝံးအနံၣ် ၃၀. စီၤဒၤဝံး ဒိကနၣ်ဝဲ စီၤယိနၤသၣ် အတၢ်ဟ့ၣ်ကူၣ်ဟ့ၣ်ဖးအဃိ အဒိးန့ၢ်ဘၣ်တၢ်အဘျုး.

• ၁ စီၤပၤ ၁၂:၁-၁၇—စီၤပၤရဃၤဘၣ် တဒိကနၣ် ပှၤသူၣ်က့သးပှၢ်အတၢ်ဟ့ၣ်ကူၣ်ဘၣ်. လၢတၢ်န့ၣ်အလီၢ် အဒိကနၣ်ဝဲ ပှၤသးစၢ်တဖၣ် အတၢ်ဟ့ၣ်ကူၣ်အဃိ အထံၣ်ဘၣ်ဒီး တၢ်ကီတၢ်ခဲ.

တၢ်အဒိအတဲာ်လၢ လံာ်စီဆှံပူၤ–

• ၁ မူၤ ၂၅:၁၄-၃၅—စီၤဒၤဝံး ဒိကနၣ်ဝဲ နီၢ်အဘံၤကါယံးလး အတၢ်ဟ့ၣ်ကူၣ်အဃိ ပှၤသးသမူပူၤဖျဲး ဒီးစီၤဒၤဝံးစ့ၢ်ကီး တလူလီၤဝဲတၢ်သွံၣ်ဘၣ်.

• ၂ မူၤ ၂၀:၁၅-၂၂—ခီဖျိလၢ ပိာ်မုၣ်လၢအကူၣ်တၢ်သ့တဂၤ လၢအအိၣ်လၢ ဝ့ၢ်အၤဘ့ၤလးန့ၣ် အတၢ်ဟ့ၣ်ကူၣ်အဃိ ပှၤဒီတဝ့ၢ် အသးသမူပူၤဖျဲးဝဲ.

• ၂ စီၤပၤ ၅:၁-၁၄—ခီဖျိလၢ ပှၤအံၣ်စရ့လးမုၣ်ဖိအဃိ သုးခိၣ်ဖးဒိၣ် သ့ၣ်ညါထီၣ်ဝဲလၢ အတၢ်ဆါအၢန့ၣ် ဘျါကွံာ်ဝဲသ့.

တၢ်အဒိအတဲာ်လၢ လံာ်စီဆှံပူၤ–

• ၁ ကွဲး ၁၀:၁၃, ၁၄—စီၤပၤစီလူး တလဲၤဃ့တၢ်ဟ့ၣ်ကူၣ်လၢ ယဟိဝၤယွၤ အအိၣ်ဘၣ် လၢတၢ်န့ၣ်အလီၢ် အလဲၤဃ့တၢ်ဟ့ၣ်ကူၣ်လၢ ပှၤလၢအဆဲးကျိးဒီးပှၤသံ. ဒီးခီဖျိလၢ အတၢ်သးတီတအိၣ်ဘၣ်အဃိ အဘၣ်သံဝဲ.

• ၂ ကွဲး ၂၂:၂-၅, ၉—စီၤအဃၤစယၤ ဒိကနၣ်ဝဲ ပှၤဟ့ၣ်ကူၣ်တၢ်လၢအကမၣ်တဖၣ် အတၢ်ဟ့ၣ်ကူၣ်အဃိ လၢခံကတၢၢ်န့ၣ် အဘၣ်သံဝဲ.

• ဘး ၂၁:၇, ၁၄-၁၆—စီၤယိၤဘး တဆိကမိၣ်တၢ်ဒ် ပှၤလၢအတဒိကနၣ် ယဟိဝၤယွၤ အကလုၢ်အသိးဘၣ်.

တၢ်အဒိအတဲာ်လၢ လံာ်စီဆှံပူၤ–

• ၁ မူၤ ၁:၉-၁၆—ပှၤလုၢ်တၢ်ဒိၣ် စီၤဧ့လံၤန့ၣ် တသ့ၣ်ညါဝဲ တၢ်ဂ့ၢ်လီၤတံၢ်လီၤဆဲး ဘၣ်သနာ်က့ အဝဲသိၣ်ဝဲ နီၢ်ဃးနၤဆူၣ်ဆူၣ် မ့ၢ်လၢ အဆိမိၣ်ကမၣ်ဝဲလၢ နီၢ်ဃးနၤ မူၤသံးအဃိ.

• မး ၁၆:၂၁-၂၃—တၢ်မၢဖိပ့းတရူး တသ့ၣ်ညါဝဲ တၢ်ဂ့ၢ်တၢ်ကျိၤ လီၤတံၢ်လီၤဆဲး ခဲလၢာ်ဘၣ်သနာ်က့ အသိၣ်ဝဲယ့ၣ်ၡူး. တၢ်လၢစီၤပ့းတရူး မၤဝဲန့ၣ် တမ့ၢ်တၢ်လၢအဘၣ် ယဟိဝၤယွၤ အသးဘၣ် အဘၣ်လၢ မုၣ်ကီၤလံၢ်အသးဟီ.

 တၢ်အဒိအတဲာ်လၢ လံာ်စီဆှံပူၤ–

• ၂ မိၤ ၃:၁၃-၁၈—စီၤမိၤၡ့ ဃ့တၢ်ဟ့ၣ်ကူၣ် လၢယဟိဝၤယွၤအအိၣ် ဒ်သိးအကစံးဆၢဝဲ ပှၤအံၣ်စရ့လးဖိတဖၣ် ဖဲအဝဲသ့ၣ် သံကွၢ်တၢ်အခါ.

• ၁ စီၤပၤ ၃:၅-၁၂—ဖဲစီၤၡလိၤမိၤ ကဲထီၣ်စီၤပၤ သီသီအခါ အဃ့ဝဲလၢ ယဟိဝၤယွၤ ကဟ့ၣ်အီၤတၢ်ကူၣ်သ့. အဃိ အဒိးန့ၢ်ဘၣ် တၢ်ဆိၣ်ဂ့ၤလၢ ယဟိဝၤယွၤ အအိၣ်အါမး.

တၢ်အဒိအတဲာ်လၢ လံာ်စီဆှံပူၤ–

• မး ၄:၁-၁၁—ယ့ၣ်ၡူးသူဝဲ ကစၢ်ယွၤအကလုၢ်ကထါ ဒ်သိးကစံးဆၢဝဲ မုၣ်ကီၤလံၢ်အဂီၢ်.

• ယိၤ ၁၂:၄၉, ၅၀—ယ့ၣ်ၡူးသိၣ်လိဝဲ ပှၤဂၤသ့ၣ်တဖၣ် တၢ်လၢအပၢ်သိၣ်လိအီၤ အဃိ ပကြၢးကွၢ်လိ အဒိအတဲာ်.

တၢ်အဒိအတဲာ်လၢ လံာ်စီဆှံပူၤ–

• ၂ ကွဲး ၁၉:၂, ၃—ယဟိဝၤယွၤ ဆှၢလီၤအပှၤခၢၣ်စးလၢ ကလဲၤသိၣ်ဝဲ စီၤပၤယဟိၤၡၤဖး ဒီးပတြၢၤစ့ၢ်ကီးဝဲ စီၤပၤယဟိၤၡၤဖး ခီဖျိ တၢ်ဂ့ၤလၢအမၤတ့ၢ်ဝဲ.

• လီၣ် ၂:၁-၄, ၈, ၉, ၁၂-၁၄, ၁၈-၂၀—တချုးလၢ ယ့ၣ်ၡူးသိၣ်ဝဲ တၢ်အိၣ်ဖှိၣ်တဖၣ်ဒံးဘၣ်အခါ အပတြၢၤဆိဝဲ.

တၢ်အဒိအတဲာ်လၢ လံာ်စီဆှံပူၤ–

• မး ၁၈:၂၃-၃၅—ယ့ၣ်ၡူးဟ့ၣ်တၢ်အဒိလၢ ဘၣ်မနုၤအဃိ အရ့ဒိၣ်လၢ ပကဘၣ်ပျၢ်ကွံာ် ပှၤဂၤအတၢ်ကမၣ်လဲၣ်.

 တၢ်အဒိအတဲာ်လၢ လံာ်စီဆှံပူၤ–

• ၁ မူၤ ၁၅:၂၃-၂၉—ဝံၡမူၤအ့လး တပျံၤဒီးတအါနၣ်ဝဲ စီၤပၤစီလူးဘၣ်.

• ၁ စီၤပၤ ၂၂:၁၉-၂၈—ဝံမံၤကါယၤ ကထံၣ်ဘၣ်ဒီး တၢ်လီၤဘၣ်ယိၣ် ဒီးတၢ်မၤအၢမၤနးဘၣ်ဆၣ် အတပျံၤ စီၤပၤအၤဃာ်ဘၣ်. အဝဲဆဲးဟ့ၣ်ပလီၢ်ဝဲ စီၤပၤအၤဃာ်ဒူဒူ.

တၢ်အဒိအတဲာ်လၢ လံာ်စီဆှံပူၤ–

• လူၤ ၂၂:၃၁-၃၄—စီၤပ့းတရူး မၤဘၣ်တၢ်ကမၣ်ဖးဒိၣ် သနာ်က့ ယ့ၣ်ၡူးနာ်ဝဲလၢ အကဆဲးမၤတၢ်လၢအဘၣ် ဒီးမၤစၢၤပှၤ.

• ဖံၤ ၂၁—တၢ်မၢဖိပီလူး နာ်ဝဲလၢ စီၤဖံၤလ့မိၣ် ကမၤထွဲဝဲ အတၢ်ဟ့ၣ်ကူၣ်လၢ အဒိးသန့ၤထီၣ်အသးလၢ ကစၢ်ယွၤအကလုၢ်ကထါအပူၤ.