တၢ်ဟ့ၣ်ကူၣ်ဟ့ၣ်ဖး
တူၢ်လိာ်ပှၤဂၤ အတၢ်ဟ့ၣ်ကူၣ်ဟ့ၣ်ဖး
ဘၣ်မနုၤအဃိ ပကြၢးဃုကွၢ် တၢ်ဟ့ၣ်ကူၣ်ဟ့ၣ်ဖးလၢ လံာ်စီဆှံပူၤလဲၣ်.
စံး ၃၂:၈; ကတိၤ ၁၅:၂၂; ၁၉:၂၀; ၂၀:၁၈
ကွၢ်စ့ၢ်ကီး ကတိၤ ၁၁:၁၄; ၡါ ၂၈:၂၉; ယံး ၃၂:၁၉
ဖဲပှၤဟ့ၣ်ကူၣ်ဟ့ၣ်ဖးပှၤအခါ လၢပကတဲပူၤဖျဲးသးအလီၢ် ဘၣ်မနုၤအဃိ ပကြၢးတူၢ်လိာ် တၢ်ဟ့ၣ်ကူၣ်လဲၣ်.
ကွၢ်စ့ၢ်ကီး ကတိၤ ၁:၂၃-၃၁; ၁၅:၃၁
-
တၢ်အဒိအတဲာ်လၢ လံာ်စီဆှံပူၤ–
-
၁ မူၤ ၁၅:၃, ၉-၂၃—ဖဲဝံၡမူၤအ့လး ဘှီဘၣ်ထီၣ် စီၤပၤစီလူးအခါ စီၤစီလူး တဲပူၤဖျဲးအသး ဒီးတဒိကနၣ် တၢ်ဟ့ၣ်ကူၣ်ဘၣ်အဃိ အလီၤဂာ်ဒ်သိး အတဒိကနၣ် ယဟိဝၤယွၤ အတၢ်ဟ့ၣ်ကူၣ်စ့ၢ်ကီးဘၣ်.
-
၂ ကွဲး ၂၅:၁၄-၁၆, ၂၇—ဖဲစီၤပၤအမၤစယါ မၤကမၣ်တၢ်အခါ ယဟိဝၤယွၤ အဝံလဲၤဟ့ၣ်ကူၣ်ဟ့ၣ်ဖးအီၤဘၣ်ဆၣ် အတဒိကနၣ်ဝဲအဃိ အတၢ်ရ့လိာ်သးဒီး ယဟိဝၤယွၤဟးဂီၤဝဲ ဒီးယဟိဝၤယွၤ တဒီသဒၢအီၤလၢၤဘၣ်.
-
ဖဲဒီပုၢ်ဝဲၢ်လၢ အတီခိၣ်ရိၤမဲတၢ် ဟ့ၣ်ကူၣ်ဟ့ၣ်ဖးပှၤအခါ ဘၣ်မနုၤအဃိ ပကဘၣ်ဒိကနၣ်အီၤလဲၣ်.
၁ သ့း ၅:၁၂; ၁ တံၤ ၅:၁၇; ဧ့ၤ ၁၃:၇, ၁၇
-
တၢ်အဒိအတဲာ်လၢ လံာ်စီဆှံပူၤ–
-
၃ ယိၤ ၉, ၁၀—ခီဖျိလၢ စီၤဒံအိၤတြ့ၤဖံ တပာ်ကဲဝဲ ပှၤတီခိၣ်ရိၤမဲတၢ်လၢ တၢ်အိၣ်ဖှိၣ်အပူၤဘၣ်အဃိ တၢ်မၢဖိယိၤဟၣ် ပာ်ဒ့ၣ်ပာ်ကမၣ်အီၤ.
-
ဘၣ်မနုၤအဃိ ပကဘၣ်ဒိကနၣ် ပှၤသူၣ်က့သးပှၢ် အကလုၢ်လဲၣ်.
ကွၢ်စ့ၢ်ကီး ဘး ၁၂:၁၂; ၃၂:၇; တံ ၂:၃-၅
-
တၢ်အဒိအတဲာ်လၢ လံာ်စီဆှံပူၤ–
-
၁ မူၤ ၂၃:၁၆-၁၈—စီၤယိနၤသၣ်န့ၣ် အသးပှၢ်န့ၢ်ဒံး စီၤဒၤဝံးအနံၣ် ၃၀. စီၤဒၤဝံး ဒိကနၣ်ဝဲ စီၤယိနၤသၣ် အတၢ်ဟ့ၣ်ကူၣ်ဟ့ၣ်ဖးအဃိ အဒိးန့ၢ်ဘၣ်တၢ်အဘျုး.
-
၁ စီၤပၤ ၁၂:၁-၁၇—စီၤပၤရဃၤဘၣ် တဒိကနၣ် ပှၤသူၣ်က့သးပှၢ်အတၢ်ဟ့ၣ်ကူၣ်ဘၣ်. လၢတၢ်န့ၣ်အလီၢ် အဒိကနၣ်ဝဲ ပှၤသးစၢ်တဖၣ် အတၢ်ဟ့ၣ်ကူၣ်အဃိ အထံၣ်ဘၣ်ဒီး တၢ်ကီတၢ်ခဲ.
-
ပှၤပိာ်မုၣ် ဒီးပှၤသးစၢ်လၢအမၤ ယဟိဝၤယွၤ အတၢ်မၤတဖၣ် အတၢ်ဟ့ၣ်ကူၣ်န့ၣ် အဘျုးအဖှိၣ်အိၣ်ဒ်လဲၣ်.
ဘး ၃၂:၆, ၉, ၁၀; ကတိၤ ၃၁:၁, ၁၀, ၂၆; စံၣ် ၄:၁၃
ကွၢ်စ့ၢ်ကီး စံး ၁၁၉:၁၀၀
-
တၢ်အဒိအတဲာ်လၢ လံာ်စီဆှံပူၤ–
-
၁ မူၤ ၂၅:၁၄-၃၅—စီၤဒၤဝံး ဒိကနၣ်ဝဲ နီၢ်အဘံၤကါယံးလး အတၢ်ဟ့ၣ်ကူၣ်အဃိ ပှၤသးသမူပူၤဖျဲး ဒီးစီၤဒၤဝံးစ့ၢ်ကီး တလူလီၤဝဲတၢ်သွံၣ်ဘၣ်.
-
၂ မူၤ ၂၀:၁၅-၂၂—ခီဖျိလၢ ပိာ်မုၣ်လၢအကူၣ်တၢ်သ့တဂၤ လၢအအိၣ်လၢ ဝ့ၢ်အၤဘ့ၤလးန့ၣ် အတၢ်ဟ့ၣ်ကူၣ်အဃိ ပှၤဒီတဝ့ၢ် အသးသမူပူၤဖျဲးဝဲ.
-
၂ စီၤပၤ ၅:၁-၁၄—ခီဖျိလၢ ပှၤအံၣ်စရ့လးမုၣ်ဖိအဃိ သုးခိၣ်ဖးဒိၣ် သ့ၣ်ညါထီၣ်ဝဲလၢ အတၢ်ဆါအၢန့ၣ် ဘျါကွံာ်ဝဲသ့.
-
ဘၣ်မနုၤအဃိ ပကဘၣ်ပလီၢ်ပသးလၢ ပှၤလၢအတအဲၣ် ယဟိဝၤယွၤ ဒီးအတနာ်လံာ်စီဆှံဘၣ် အတၢ်ဟ့ၣ်ကူၣ်ဟ့ၣ်ဖးလဲၣ်.
ကွၢ်စ့ၢ်ကီး လူၤ ၆:၃၉
-
တၢ်အဒိအတဲာ်လၢ လံာ်စီဆှံပူၤ–
-
၁ ကွဲး ၁၀:၁၃, ၁၄—စီၤပၤစီလူး တလဲၤဃ့တၢ်ဟ့ၣ်ကူၣ်လၢ ယဟိဝၤယွၤ အအိၣ်ဘၣ် လၢတၢ်န့ၣ်အလီၢ် အလဲၤဃ့တၢ်ဟ့ၣ်ကူၣ်လၢ ပှၤလၢအဆဲးကျိးဒီးပှၤသံ. ဒီးခီဖျိလၢ အတၢ်သးတီတအိၣ်ဘၣ်အဃိ အဘၣ်သံဝဲ.
-
၂ ကွဲး ၂၂:၂-၅, ၉—စီၤအဃၤစယၤ ဒိကနၣ်ဝဲ ပှၤဟ့ၣ်ကူၣ်တၢ်လၢအကမၣ်တဖၣ် အတၢ်ဟ့ၣ်ကူၣ်အဃိ လၢခံကတၢၢ်န့ၣ် အဘၣ်သံဝဲ.
-
ဘး ၂၁:၇, ၁၄-၁၆—စီၤယိၤဘး တဆိကမိၣ်တၢ်ဒ် ပှၤလၢအတဒိကနၣ် ယဟိဝၤယွၤ အကလုၢ်အသိးဘၣ်.
-
ဖဲဟ့ၣ်ကူၣ်တၢ်အခါ
တချုးလၢ ပဟ့ၣ်ကူၣ်တၢ် ဒံးဘၣ်န့ၣ် ဘၣ်မနုၤအဃိ အရ့ဒိၣ်လၢ ပကနၣ်ထံတၢ်ဂ့ၢ် ခံခီယၢ်ပၤလဲၣ်.
ကွၢ်စ့ၢ်ကီး ကတိၤ ၂၅:၈
-
တၢ်အဒိအတဲာ်လၢ လံာ်စီဆှံပူၤ–
-
၁ မူၤ ၁:၉-၁၆—ပှၤလုၢ်တၢ်ဒိၣ် စီၤဧ့လံၤန့ၣ် တသ့ၣ်ညါဝဲ တၢ်ဂ့ၢ်လီၤတံၢ်လီၤဆဲး ဘၣ်သနာ်က့ အဝဲသိၣ်ဝဲ နီၢ်ဃးနၤဆူၣ်ဆူၣ် မ့ၢ်လၢ အဆိမိၣ်ကမၣ်ဝဲလၢ နီၢ်ဃးနၤ မူၤသံးအဃိ.
-
မး ၁၆:၂၁-၂၃—တၢ်မၢဖိပ့းတရူး တသ့ၣ်ညါဝဲ တၢ်ဂ့ၢ်တၢ်ကျိၤ လီၤတံၢ်လီၤဆဲး ခဲလၢာ်ဘၣ်သနာ်က့ အသိၣ်ဝဲယ့ၣ်ၡူး. တၢ်လၢစီၤပ့းတရူး မၤဝဲန့ၣ် တမ့ၢ်တၢ်လၢအဘၣ် ယဟိဝၤယွၤ အသးဘၣ် အဘၣ်လၢ မုၣ်ကီၤလံၢ်အသးဟီ.
-
တချုးလၢ ပဟ့ၣ်ကူၣ်တၢ်ဒံးဘၣ်အခါ ဘၣ်မနုၤအဃိ အရ့ဒိၣ်လၢ ပကဘၣ်ဃ့ တၢ်ဟံးစုနဲၣ်ကျဲလၢ ယဟိဝၤယွၤ အအိၣ်လဲၣ်.
စံး ၃၂:၈; ၇၃:၂၃, ၂၄; ကတိၤ ၃:၅, ၆
-
တၢ်အဒိအတဲာ်လၢ လံာ်စီဆှံပူၤ–
-
၂ မိၤ ၃:၁၃-၁၈—စီၤမိၤၡ့ ဃ့တၢ်ဟ့ၣ်ကူၣ် လၢယဟိဝၤယွၤအအိၣ် ဒ်သိးအကစံးဆၢဝဲ ပှၤအံၣ်စရ့လးဖိတဖၣ် ဖဲအဝဲသ့ၣ် သံကွၢ်တၢ်အခါ.
-
၁ စီၤပၤ ၃:၅-၁၂—ဖဲစီၤၡလိၤမိၤ ကဲထီၣ်စီၤပၤ သီသီအခါ အဃ့ဝဲလၢ ယဟိဝၤယွၤ ကဟ့ၣ်အီၤတၢ်ကူၣ်သ့. အဃိ အဒိးန့ၢ်ဘၣ် တၢ်ဆိၣ်ဂ့ၤလၢ ယဟိဝၤယွၤ အအိၣ်အါမး.
-
ဖဲပဟ့ၣ်ကူၣ်ဟ့ၣ်ဖးတၢ်အခါ ဘၣ်မနုၤအဃိ ပတၢ်ဟ့ၣ်ကူၣ်န့ၣ် ကဘၣ်ဒိးသန့ၤထီၣ်အသးလၢ လံာ်စီဆှံအပူၤထီဘိလဲၣ်.
စံး ၁၁၉:၂၄, ၁၀၅; ကတိၤ ၁၉:၂၁; ၂ တံၤ ၃:၁၆, ၁၇
ကွၢ်စ့ၢ်ကီး ၅ မိၤ ၁၇:၁၈-၂၀
-
တၢ်အဒိအတဲာ်လၢ လံာ်စီဆှံပူၤ–
-
မး ၄:၁-၁၁—ယ့ၣ်ၡူးသူဝဲ ကစၢ်ယွၤအကလုၢ်ကထါ ဒ်သိးကစံးဆၢဝဲ မုၣ်ကီၤလံၢ်အဂီၢ်.
-
ယိၤ ၁၂:၄၉, ၅၀—ယ့ၣ်ၡူးသိၣ်လိဝဲ ပှၤဂၤသ့ၣ်တဖၣ် တၢ်လၢအပၢ်သိၣ်လိအီၤ အဃိ ပကြၢးကွၢ်လိ အဒိအတဲာ်.
-
ဘၣ်မနုၤအဃိ ပကြၢးဟ့ၣ်ကူၣ်ဟ့ၣ်ဖးတၢ်လၢ တၢ်အဲၣ်တၢ်ကွံအပူၤလဲၣ်. ဒီးအလီၢ်မ့ၢ်အိၣ်လၢ ပကြၢးပတြၢၤအီၤန့ၣ် ဘၣ်မနုၤအဃိ ပဘၣ်ပတြၢၤအီၤလဲၣ်.
ကွၢ်စ့ၢ်ကီး ၡါ ၉:၆; ၄၂:၁-၃; မး ၁၁:၂၈, ၂၉
-
တၢ်အဒိအတဲာ်လၢ လံာ်စီဆှံပူၤ–
-
၂ ကွဲး ၁၉:၂, ၃—ယဟိဝၤယွၤ ဆှၢလီၤအပှၤခၢၣ်စးလၢ ကလဲၤသိၣ်ဝဲ စီၤပၤယဟိၤၡၤဖး ဒီးပတြၢၤစ့ၢ်ကီးဝဲ စီၤပၤယဟိၤၡၤဖး ခီဖျိ တၢ်ဂ့ၤလၢအမၤတ့ၢ်ဝဲ.
-
လီၣ် ၂:၁-၄, ၈, ၉, ၁၂-၁၄, ၁၈-၂၀—တချုးလၢ ယ့ၣ်ၡူးသိၣ်ဝဲ တၢ်အိၣ်ဖှိၣ်တဖၣ်ဒံးဘၣ်အခါ အပတြၢၤဆိဝဲ.
-
ဒီပုၢ်ဝဲၢ်မုၣ်ခွါလၢ တၢ်အိၣ်ဖှိၣ်ပူၤတဂၤဂၤ မ့ၢ်ဟဲတဲပၠးပှၤလၢ ဒီပုၢ်ဝဲၢ်တဂၤဂၤ မၤကမၣ်အီၤခီဖျိ တဲဟးဂီၤအီၤ မ့တမ့ၢ် လံၣ်အီၣ်လီအီၣ်အီၤအခါ ဘၣ်မနုၤအဃိ အရ့ဒိၣ်လၢ ပကဟ့ၣ်ဂံၢ်ဟ့ၣ်ဘါ ဒီပုၢ်ဝဲၢ်အံၤလၢ ကလဲၤတဲသကိးဆိတၢ်ဒီး ပှၤလၢအမၤကမၣ်အီၤတဂၤန့ၣ်လဲၣ်.
ကွၢ်စ့ၢ်ကီး ၃ မိၤ ၁၉:၁၇
ဒီပုၢ်ဝဲၢ်လၢ ပှၤမၤကမၣ်အီၤတဂၤန့ၣ် ပဟ့ၣ်ကူၣ်ဟ့ၣ်ဖးအီၤလၢ အကအိၣ်ဒီး တၢ်ဝံသးစူၤ, တၢ်သးကညီၤ ဒီးပျၢ်ပှၤဂၤအတၢ်ကမၣ် ကသ့ဒ်လဲၣ်.
မး ၁၈:၂၁, ၂၂; မၢ် ၁၁:၂၅; လူၤ ၆:၃၆; အ့း ၄:၃၂; ကလီး ၃:၁၃
ကွၢ်စ့ၢ်ကီး မး ၆:၁၄; ၁ ကရံၣ် ၆:၁-၈; ၁ ပ့း ၃:၈, ၉
-
တၢ်အဒိအတဲာ်လၢ လံာ်စီဆှံပူၤ–
-
မး ၁၈:၂၃-၃၅—ယ့ၣ်ၡူးဟ့ၣ်တၢ်အဒိလၢ ဘၣ်မနုၤအဃိ အရ့ဒိၣ်လၢ ပကဘၣ်ပျၢ်ကွံာ် ပှၤဂၤအတၢ်ကမၣ်လဲၣ်.
-
ဖဲပဟ့ၣ်ကူၣ်ဟ့ၣ်ဖးပှၤဂၤအခါ ဘၣ်မနုၤအဃိ ပကဘၣ်မၤထွဲ ဒ်ယဟိဝၤယွၤ အတၢ်ဟံးစုနဲၣ်ကျဲ အိၣ်ဝဲအသိးလဲၣ်.
စံး ၁၄၁:၅; ကတိၤ ၁၇:၁၀; ၂ ကရံၣ် ၇:၈-၁၁
-
တၢ်အဒိအတဲာ်လၢ လံာ်စီဆှံပူၤ–
-
၁ မူၤ ၁၅:၂၃-၂၉—ဝံၡမူၤအ့လး တပျံၤဒီးတအါနၣ်ဝဲ စီၤပၤစီလူးဘၣ်.
-
၁ စီၤပၤ ၂၂:၁၉-၂၈—ဝံမံၤကါယၤ ကထံၣ်ဘၣ်ဒီး တၢ်လီၤဘၣ်ယိၣ် ဒီးတၢ်မၤအၢမၤနးဘၣ်ဆၣ် အတပျံၤ စီၤပၤအၤဃာ်ဘၣ်. အဝဲဆဲးဟ့ၣ်ပလီၢ်ဝဲ စီၤပၤအၤဃာ်ဒူဒူ.
-
ဖဲပဟ့ၣ်ကူၣ်ပှၤဂၤအခါ ဒ်သိး အနီၢ်သးတဘၣ်ဒိတဂ့ၤအဂီၢ် ပမၤကသ့ဒ်လဲၣ်.
-
တၢ်အဒိအတဲာ်လၢ လံာ်စီဆှံပူၤ–
-
လူၤ ၂၂:၃၁-၃၄—စီၤပ့းတရူး မၤဘၣ်တၢ်ကမၣ်ဖးဒိၣ် သနာ်က့ ယ့ၣ်ၡူးနာ်ဝဲလၢ အကဆဲးမၤတၢ်လၢအဘၣ် ဒီးမၤစၢၤပှၤ.
-
ဖံၤ ၂၁—တၢ်မၢဖိပီလူး နာ်ဝဲလၢ စီၤဖံၤလ့မိၣ် ကမၤထွဲဝဲ အတၢ်ဟ့ၣ်ကူၣ်လၢ အဒိးသန့ၤထီၣ်အသးလၢ ကစၢ်ယွၤအကလုၢ်ကထါအပူၤ.
-
ဖဲပဘၣ်ဟ့ၣ်ကူၣ် ဒီပုၢ်ဝဲၢ်လၢ အမၤတၢ်ကမၣ် မ့တမ့ၢ် အ သးလီၤစၢ်အခါ ပဟ့ၣ်ကူၣ်ဟ့ၣ်ဖး အဝဲသ့ၣ်လၢ တၢ်အဲၣ်တၢ်ကွံအပူၤ ကသ့ဒ်လဲၣ်.
ဒ်သိး ဒီပုၢ်ဝဲၢ်လၢ အမၤကမၣ်တၢ်တဂၤ ကသ့ၣ်ညါလၢ ပအဲၣ်ဒိးမၤစၢၤအီၤအဂီၢ် ပပာ်ဖျါထီၣ် ကသ့ဒ်လဲၣ်.
ဖဲပဘၣ်ဟ့ၣ်ကူၣ်ဟ့ၣ်ဖး ပဒီပုၢ်ဝဲၢ်လၢ အသးပှၢ်ဂ့ၤ အသးစၢ်ဂ့ၤ ပိာ်မုၣ်ဂ့ၤ ပိာ်ခွါဂ့ၤအခါ ပမၤလၢ တၢ်ယူးယီၣ်ပာ်ကဲအပူၤ ကသ့ဒ်လဲၣ်.
ပမ့ၢ်ဘၣ်ဟ့ၣ်ကူၣ်ဟ့ၣ်ဖး ဒီပုၢ်ဝဲၢ်လၢ အဂ့ၢ်လိာ်ဝဲလံာ်စီဆှံ အတၢ်ဟ့ၣ်ကူၣ်ဟ့ၣ်ဖး တလီၢ်လီၢ်န့ၣ် ဘၣ်မနုၤအဃိ ပကဘၣ်သိၣ်အဝဲသ့ၣ် တဲာ်တဲာ်ဖျုဖျုလဲၣ်.
၁ ကရံၣ် ၅:၉, ၁၁, ၁၃; ၁ တံၤ ၅:၂၀; တံ ၃:၁၀
ကွၢ်စ့ၢ်ကီး “ပှၤလၢအဘၣ် တၢ်နီဟးထီၣ်ကွံာ်အီၤ”