တၢ်ဂ့ၢ်တၢ်ကျိၤလၢအကဲဘျုး–

• ယိၤ ၈:၃၁-၄၀—ပှၤယူဒၤဖိတနီၤ ဆိကမိၣ်ဒိၣ်လီၤသးလၢ အမ့ၢ်စီၤအၤဘြၤဟၣ် အစၢၤအသွဲၣ်. ဘၣ်ဆၣ် ယ့ၣ်ၡူးသိၣ်အဝဲသ့ၣ် ခီဖျိလၢ အဝဲသ့ၣ်တအိၣ်မူဒ် စီၤအၤဘြၤဟၣ် အသိးဘၣ်.

တၢ်အဒိအတဲာ်လၢ လံာ်စီဆှံပူၤ–

• နါ ၄:၁-၁၁—ယဟိဝၤယွၤ သိၣ်လိဝံယိၤနါ လၢတၢ်သးစူၤအပူၤ ဒ်သိးဝံယိၤနါ ကပာ်ဖျါထီၣ် တၢ်သးကညီၤလၢ ပှၤနံၤနဝ့ဖိတဖၣ်လၢ အကလုာ်လီၤဆီဒီးအီၤ.

•  မၤတၢ် ၁၀:၁-၈, ၂၄-၂၉, ၃၄, ၃၅—တၢ်မၢဖိပ့းတရူး သ့ၣ်ညါထီၣ်ဝဲလၢ အတဘၣ်ထံၣ် ပှၤထံဂၤကီၢ်ဂၤဖိတဖၣ် ဒ်ပှၤလၢအတကဆှီဘၣ်န့ၣ်ဘၣ်. အဃိ အဝဲမၤစၢၤ စီၤကန့လံး ဒီးပှၤလၢအအိၣ်ဟံၣ်တဖျၢၣ်ဃီဒီးအီၤ. ဒီးအဝဲသ့ၣ်တဖၣ်န့ၣ် ကဲထီၣ်ခရံာ်ဖိလၢ အတဒိးတၢ်ကူးတရံးဘၣ် အဆိကတၢၢ်တဒူၣ်.

တၢ်အဒိအတဲာ်လၢ လံာ်စီဆှံပူၤ–

• ၅ မိၤ ၁၇:၁၈-၂၀—ယဟိဝၤယွၤ ဟ့ၣ်ပလီၢ်ဝဲ ပှၤအံၣ်စရ့လးဖိ အစီၤပၤတဖၣ်လၢ အဝဲသ့ၣ် တဘၣ်ပာ်ထီၣ်ထီသးလၢ အပှၤဂီၢ်မုၢ်တဖၣ် အဖီခိၣ်ဘၣ်. အဝဲသ့ၣ်ခဲလၢာ်န့ၣ် မ့ၢ်ပှၤလၢ အပတီၢ် တုၤသိးလိာ်သး.

• မၢ် ၁၀:၃၅-၄၅—ယ့ၣ်ၡူးအတၢ်မၢဖိတဖၣ်န့ၣ် အဲၣ်ဒိးကဲ ပှၤအဒိၣ် လၢတဂၤဒီးတဂၤ အဖီခိၣ်အဃိ ယ့ၣ်ၡူးဘှီဘၣ်ထီၣ်က့ၤ အဝဲသ့ၣ်.

တၢ်အဒိအတဲာ်လၢ လံာ်စီဆှံပူၤ–

• ယိၤ ၆:၁၄, ၁၅—ပှၤဂီၢ်မုၢ်တဖၣ် ဘၣ်သးဝဲလၢ ယ့ၣ်ၡူးကကဲထီၣ် အဝဲသ့ၣ်အစီၤပၤ ဒီးမၤဘၣ်ဂီၢ်န့ၢ် အဝဲသ့ၣ် အထံကီၢ်တၢ်ဂ့ၢ်ကီတဖၣ် ဘၣ်ဆၣ် ယ့ၣ်ၡူးဂ့ၢ်လိာ်ဝဲ.