တၢ်အဒိအတဲာ်လၢ လံာ်စီဆှံပူၤ–

• ၁ စီၤပၤ ၃:၁၁-၁၄—ခီဖျိလၢ စီၤၡလိၤမိၤ အိၣ်ဒီးတၢ်ဆီၣ်လီၤသးအဃိ ယဟိဝၤယွၤ ဆိၣ်ဂ့ၤအီၤဒီးဟ့ၣ်အီၤ တၢ်ထူးတၢ်တီၤအါအါဂီၢ်ဂီၢ်.

• ဘး ၁:၁-၃, ၈-၁၀—စီၤယိၤဘး အိၣ်ဒီးတၢ်ထူးတၢ်တီၤ အါအါဂီၢ်ဂီၢ်ဘၣ်ဆၣ် အတၢ်ရ့လိာ်သးဒီး ယဟိဝၤယွၤန့ၣ် မ့ၢ်တၢ်အရ့ဒိၣ်ကတၢၢ်လၢအဂီၢ်.

တၢ်အဒိအတဲာ်လၢ လံာ်စီဆှံပူၤ–

• မၤတၢ် ၈:၁၈-၂၄—စီၤၡံမိၣ် ဆိကမိၣ်ဝဲလၢ အပှ့ၤလီၢ်လၤလၢ တၢ်အိၣ်ဖှိၣ်ပူၤ လၢစ့န့ၢ်ဝဲ.

တၢ်အဒိအတဲာ်လၢ လံာ်စီဆှံပူၤ–

• မၢ် ၁၀:၁၇-၂၃—ခီဖျိလၢ ပိာ်ခွါသးစၢ်တဂၤ အဲၣ်ကျိၣ်အဲၣ်စ့ ဒီးအထူးအတီၤဒိၣ်မးအဃိ အတပိာ် ယ့ၣ်ၡူးအခံဘၣ်.

• ၁ တံၤ ၆:၁၇-၁၉—ဒ်သိး ခရံာ်ဖိလၢ အတၢ်အိၣ်တၢ်ယၢၤတဖၣ် တပာ်ထီၣ်ထီအသး ဒီးမၤဘၣ်တၢ်လၢ ယဟိဝၤယွၤ တဘၣ်အသးတဂ့ၤအဂီၢ် တၢ်မၢဖိပီလူး ဟ့ၣ်ပလီၢ်အဝဲသ့ၣ်.

တၢ်အဒိအတဲာ်လၢ လံာ်စီဆှံပူၤ–

• ဘး ၃၁:၂၄, ၂၅, ၂၈—စီၤယိၤဘး သ့ၣ်ညါဝဲလၢ အမ့ၢ်သန့ၤအသးလၢ တၢ်ထူးတၢ်တီၤန့ၣ် လီၤဂာ်ဒ်သိးဒီး အတနာ်န့ၢ် ကစၢ်ယွၤဘၣ်.

• လူၤ ၁၂:၁၅-၂၁—ယ့ၣ်ၡူး ဟ့ၣ်ပှၤတၢ်အဒိ ဘၣ်ဃးဒီး ပှၤတဂၤလၢ အဆိကမိၣ်လီၤအသးလၢ အထူးအတီၤ ဘၣ်ဆၣ် အတထူးတတီၤလၢ ကစၢ်ယွၤအမဲာ်ညါဘၣ်. ယ့ၣ်ၡူးသူဝဲ တၢ်အဒိတခါအံၤ ဒ်သိး ကဟ့ၣ်ပလီၢ်ပှၤအဂီၢ်.

တၢ်အဒိအတဲာ်လၢ လံာ်စီဆှံပူၤ–

• ဃး ၁:၃-၁၁—ယဟိဝၤယွၤ အပှၤဂီၢ်မုၢ်တဖၣ်န့ၣ် ဂုာ်ကျဲးစၢးတ့ထီၣ် အနီၢ်ကစၢ်အဟံၣ်အဃီ ဒ်သိး ကအိၣ်ဘၣ်မုာ်မုာ်ခုၣ်ခုၣ် ဘၣ်ဆၣ် အဝဲသ့ၣ်တဆီၣ်ထွဲ တၢ်ဘူၣ်ထီၣ်ဘါထီၣ် အမ့ၢ်အတီလၢၤဘၣ်. အဃိ ယဟိဝၤယွၤ မၢဝံဃးကဲ တဲဘၣ်အပှၤဂီၢ်မုၢ်တဖၣ်လၢ အတဆိၣ်ဂ့ၤ အဝဲသ့ၣ်လၢၤဘၣ်.

• လီၣ် ၃:၁၄-၁၉—ယ့ၣ်ၡူးသိၣ်က့ၤသီက့ၤ တၢ်အိၣ်ဖှိၣ်လၢ လီၤဒံၤကံ ခီဖျိလၢ အဝဲသ့ၣ် ထံၣ်ဝဲလၢတၢ်ထူးတၢ်တီၤန့ၣ် အရ့ဒိၣ်န့ၢ်ဒံး တၢ်ဘူၣ်ထီၣ်ဘါထီၣ် ကစၢ်ယွၤဒံး.