တၢ်အဒိအတဲာ်လၢ လံာ်စီဆှံပူၤ–

• စံး ၇၈:၄၀, ၄၁; ၁၀၆:၃၆-၄၆—ပှၤအံၣ်စရ့လးဖိတဖၣ် မၤသးအုး ယဟိဝၤယွၤအသး အဘျီအါမးဘၣ်ဆၣ် ယဟိဝၤယွၤ ပျၢ်ကွံာ်အဝဲသ့ၣ် အတၢ်ကမၣ် တဘျီဝံၤတဘျီ.

• လူၤ ၁၅:၁၁-၃၂—ယ့ၣ်ၡူးဟ့ၣ်ဝဲတၢ်အဒိ ဘၣ်ဃးဒီး ပၢ်လၢအအိၣ်ဒီး တၢ်သးကညီၤတဂၤန့ၣ် ဖဲအဖိခွါမၤတၢ်ကမၣ် ဝံၤဒီးပီၢ်ယၢ်လီၤက့ၤအသးအခါ အပျၢ်ကွံာ်အဖိခွါ အတၢ်ကမၣ်. ယ့ၣ်ၡူးဟ့ၣ်တၢ်အဒိအံၤ ပာ်ဖျါထီၣ်ဝဲလၢ ယဟိဝၤယွၤန့ၣ် အသးအိၣ်ပျၢ်ကွံာ် ပှၤတၢ်ကမၣ်.

တၢ်အဒိအတဲာ်လၢ လံာ်စီဆှံပူၤ–

• ဧ့ၤ ၉:၂၂-၂၈—တၢ်မၢဖိပီလူး ပာ်ဖျါထီၣ်ဝဲလၢ ယဟိဝၤယွၤ ပျၢ်ကွံာ်ပတၢ်ကမၣ် ခီဖျိထဲလၢ ယ့ၣ်ၡူးဟ့ၣ်လုၢ်ထီၣ်အသး အဃိ.

• လီၣ် ၇:၉, ၁၀, ၁၄, ၁၅—တၢ်မၢဖိယိၤဟၣ် ထံၣ်တၢ်ထံၣ်လၢညါခီ ဘၣ်ဃးဒီး “ပှၤဂီၢ်မုၢ်ဖးဒိၣ်.” ဒီးအဝဲသ့ၣ်န့ၣ် ကဆှီဝဲလၢ ယဟိဝၤယွၤ အမဲာ်ညါ ခီဖျိလၢ ယ့ၣ်ၡူးအတၢ်ပှ့ၤက့ၤအဃိ.

တၢ်အဒိအတဲာ်လၢ လံာ်စီဆှံပူၤ–

• ဘး ၄၂:၇-၁၀—တချုးလၢ ယဟိဝၤယွၤ မၤလီၤမၢ်ကွံာ် စီၤယိၤဘး အတၢ်နးတၢ်ဖှီၣ်, မၤဘျါက့ၤအတၢ်ဆူးတၢ်ဆါ ဒီးဆိၣ်ဂ့ၤက့ၤအီၤ ထူးထူးတီၤတီၤဒံးဘၣ်န့ၣ် ယဟိဝၤယွၤ မၢစီၤယိၤဘး ဃ့ထုကဖၣ်န့ၢ်တၢ်လၢ အသကိးသၢဂၤလၢ အတဲကမၣ်အီၤအဂီၢ်.

• မး ၁၈:၂၁-၃၅—ယ့ၣ်ၡူးသူဝဲ တၢ်ကတိၤဒိလၢအရ့ဒိၣ်တခါ ဒ်သိး အကပာ်ဖျါထီၣ်န့ၢ်ပှၤလၢ ပမ့ၢ်အဲၣ်ဒိးလၢ ယဟိဝၤယွၤ ပျၢ်ကွံာ်ပတၢ်ကမၣ်န့ၣ် ပကဘၣ် သးအိၣ်ပျၢ်ကွံာ် ပှၤဂၤအတၢ်ကမၣ်.

တၢ်အဒိအတဲာ်လၢ လံာ်စီဆှံပူၤ–

• စံး ၃၂:၁-၅; ၅၁:၁, ၂, ၁၆, ၁၇—ခီဖျိလၢ စီၤပၤဒၤဝံး မၤဘၣ်တၢ်ကမၣ် ဒိၣ်ဒိၣ်မုၢ်မုၢ်အဃိ အသူၣ်ဘၣ်ဒိသးဘၣ်ဒိ ဒီးအပီၢ်ယၢ်လီၤက့ၤအသးနီၢ်ကီၢ်.

• ယၤ ၅:၁၄-၁၆—စီၤယၤကိာ်တဲဝဲလၢ ပမ့ၢ်မၤဘၣ် တၢ်ကမၣ်ဖးဒိၣ်န့ၣ် ပကဘၣ် လဲၤတဲသကိးတၢ်ဒီး တၢ်အိၣ်ဖှိၣ်သးပှၢ်တဖၣ်.

တၢ်အဒိအတဲာ်လၢ လံာ်စီဆှံပူၤ–

• ၁ စီၤပၤ ၂၁:၂၇-၂၉; ၂ ကွဲး ၁၈:၁၈-၂၂, ၃၃, ၃၄; ၁၉:၁, ၂—ဖဲစီၤပၤအၤဃာ် နၢ်ဟူလၢ ယဟိဝၤယွၤ ကစံၣ်ညီၣ်အီၤအခါ အဝဲပီၢ်ယၢ်လီၤအသးအဃိ အဒိးန့ၢ်ဘၣ် တၢ်သးကညီၤ. ဘၣ်ဆၣ် မ့ၢ်လၢအတပီၢ်ယၢ်လီၤက့ၤအသး နီၢ်ကီၢ်ဘၣ်အဃိ ယဟိဝၤယွၤ တပျၢ်အတၢ်ကမၣ်ဘၣ် ဒီးအဘၣ်သံဝဲ.

• ၂ ကွဲး ၃၃:၁-၁၆—စီၤမနၤၡ့ၤ မ့ၢ်စီၤပၤလၢ အအၢဒိၣ်မးတဂၤ ဘၣ်ဆၣ် အပီၢ်ယၢ်လီၤက့ၤအသး နီၢ်ကီၢ်ခီဖျိ အဝဲမၤဟးဂီၤကွံာ် တၢ်ဂီၤတၢ်ဖှီၣ်တဖၣ် ဒီးမၤစၢၤဝဲ ပှၤအံၣ်စရ့လးဖိတဖၣ်လၢ ကဘူၣ်ထီၣ်ဘါထီၣ်က့ၤ ယဟိဝၤယွၤ. အဃိ ယဟိဝၤယွၤ ပျၢ်ကွံာ် စီၤမနၤၡ့ၤ အတၢ်ကမၣ်.

တၢ်အဒိအတဲာ်လၢ လံာ်စီဆှံပူၤ–

• ၂ မူၤ ၁၂:၁၃; ၂၄:၁; ၁ စီၤပၤ ၉:၄, ၅—စီၤဒၤဝံးမၤဘၣ်တၢ်ကမၣ် ဒိၣ်ဒိၣ်မုၢ်မုၢ် နာ်က့မ့ၢ်လၢ အပီၢ်ယၢ်လီၤက့ၤအသးနီၢ်ကီၢ်အဃိ ယဟိဝၤယွၤပျၢ်ကွံာ်အတၢ်ကမၣ် ဒီးအထံၣ် စီၤဒၤဝံး ဒ်ပှၤလၢအတီအလိၤတဂၤအသိး.

 တၢ်ဂ့ၢ်တၢ်ကျိၤလၢအကဲဘျုး–

• မး ၂၆:၃၆, ၄၀, ၄၁—ဖဲယ့ၣ်ၡူးလိၣ်ဘၣ်ဝဲ အခ့အပှၤဘူးဘူးတံၢ်တံၢ်တဖၣ် အတၢ်မၤစၢၤအဒိၣ်ကတၢၢ်အခါ အဝဲသ့ၣ် မံဘၣ်အသး. ဘၣ်ဆၣ်မ့ၢ်လၢ အဝဲသ့ၣ် လီၤဘှံးဒိၣ်မးအဃိ ယ့ၣ်ၡူးနၢ်ပၢၢ် အဝဲသ့ၣ်.

• မး ၂၆:၆၉-၇၅; လူၤ ၂၄:၃၃, ၃၄; မၤတၢ် ၂:၃၇-၄၁—တၢ်မၢဖိပ့းတရူး သမၢဝဲယ့ၣ်ၡူးသၢဘျီ နာ်က့ ဖဲအပီၢ်ယၢ်လီၤက့ၤအသးအခါ ယ့ၣ်ၡူးပျၢ်ကွံာ်အတၢ်ကမၣ်. ဒီးဖဲယ့ၣ်ၡူး ဂဲၤဆၢထၢၣ်သမူထီၣ်က့ၤ ဝံၤအလီၢ်ခံ ဖဲစီၤပ့းတရူးအိၣ်တဂၤအခါန့ၣ် အဝဲလီၣ်ဖျါထီၣ်အသးလၢ စီၤပ့းတရူး အမဲာ်ညါ. ဒီးလၢခံ ယ့ၣ်ၡူးဟ့ၣ်လီၤ စီၤပ့းတရူး မူဒါလီၤဆီလၢ တၢ်အိၣ်ဖှိၣ်အပူၤ.

တၢ်အဒိအတဲာ်လၢ လံာ်စီဆှံပူၤ–

• မး ၂၃:၂၉-၃၃—ယ့ၣ်ၡူးဟ့ၣ်ပလီၢ်ဝဲ ပှၤကွဲးလံာ်ဖိ ဒီးပှၤဖၤရံၤၡဲတဖၣ်လၢ တၢ်ကစံၣ်ညီၣ်အဝဲသ့ၣ်လၢ ကဟဲနၢ် အခီပညီမ့ၢ်ဝဲ အဝဲသ့ၣ် ကတုၤလၢ တၢ်ဟးဂီၤလီၤထူလီၤယိာ်.

• ယိၤ ၁၇:၁၂; မၢ် ၁၄:၂၁—ယ့ၣ်ၡူးကိးဝဲ စီၤယူဒၤအံၣ်စကၤရံၤအိာ်လၢ “တၢ်ဟးဂီၤအဖိခွါ.” ဒီးယ့ၣ်ၡူးတဲဝဲလၢ ပှၤတဂၤအံၤ မ့ၢ်တအိၣ်ဖျဲၣ်ထီၣ်ဘၣ်န့ၣ် ကဂ့ၤဒိၣ်ဝဲလၢအဂီၢ်.