တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၁:၂၇, ၂၈—ယဟိဝၤယွၤ အဲၣ်ဒိးဝဲလၢ ပှၤဟီၣ်ခိၣ်ဖိတဖၣ် ကအိၣ်ဖျဲၣ်ထီၣ်အဖိ ဒီးမၤပှဲၤထီၣ်ဟီၣ်ခိၣ်.

• ၁ မိၤ ၉:၁—ဖဲထံလုၢ်ဘၢတၢ် ဝံၤအလီၢ်ခံ ကစၢ်ယွၤတဲဘၣ် စီၤနိအၤ ဒီးအဖိခွါတဖၣ်လၢ အဝဲသ့ၣ် ကဘၣ်ထီၣ်ဖိထီၣ်လံၤ ဒီးမၤပှဲၤထီၣ်ဟီၣ်ခိၣ်.

• ၁ မိၤ ၃၃:၅—စီၤယၤကိာ် ထံၣ်ဝဲလၢ အဖိအလံၤတဖၣ်န့ၣ် မ့ၢ်ဝဲတၢ်ဟ့ၣ်လၢ အဟဲလၢ ကစၢ်ယွၤအအိၣ်.

• မၢ် ၁၀:၁၃-၁၆—ယ့ၣ်ၡူးအဲၣ်ဖိသၣ်တဖၣ် ဒ်အပၢ်ယဟိဝၤယွၤ အဲၣ်ဝဲအသိး.

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၃၃:၁၂-၁၄—စီၤယၤကိာ် ဆိကမိၣ်န့ၢ်တၢ်လၢ အဖိတဖၣ်အဂီၢ်အဃိ အတလဲၤတၢ်ချ့ချ့ဘၣ်. အမ့ၢ်လဲၤတၢ်ချ့ချ့ ဒ်ပှၤသးပှၢ်အသိးန့ၣ် အဖိတဖၣ် ကလီၤဘှံး.

တၢ်အဒိအတဲာ်လၢ လံာ်စီဆှံပူၤ–

• လူၤ ၅:၁၈, ၂၀, ၂၃-၂၅—ယ့ၣ်ၡူးသိၣ်လိဝဲလၢ ခီဖျိလၢ တၢ်ဒဲးဘးအဃိ ပှၤဟီၣ်ခိၣ်ဖိတဖၣ် တူၢ်ဘၣ်ဝဲ တၢ်ဆူးတၢ်ဆါ.

• ရိ ၅:၁၂—တၢ်မၢဖိပီလူး သိၣ်လိဝဲလၢ ခီဖျိလၢ တၢ်ဒဲးဘးအဃိ ပှၤဟီၣ်ခိၣ်ဖိတဖၣ် ဘၣ်သံဝဲ.

 တၢ်အဒိအတဲာ်လၢ လံာ်စီဆှံပူၤ–

• ၂ စီၤပၤ ၁၈:၁-၇; ၂ ကွဲး ၂၈:၁-၄—စီၤဃံးစကံယၤ အပါန့ၣ်အၢဝဲသီဝဲဒိၣ်မး ဒီးအဟ့ၣ်လုၢ်ထီၣ်စ့ၢ်ကီးဝဲ အဖိတနီၤလၢ ယွၤလၢအကမၣ်အအိၣ်. ဘၣ်ဆၣ် မ့မ့ၢ်စီၤဃံးစကံယၤန့ၣ် ဒိကနၣ်ဝဲ ယဟိဝၤယွၤ အကလုၢ် ဒီးကဲထီၣ်ဝဲ စီၤပၤလၢအဂ့ၤတဂၤ.

• ၂ စီၤပၤ ၂၁:၁၉-၂၆; ၂၂:၁, ၂—စီၤယိၤၡံယၤအပါ စီၤအၤမိၣ်န့ၣ် အၢဝဲသီဝဲဒိၣ်မး ဘၣ်ဆၣ် မ့မ့ၢ်အီၤန့ၣ် အကဲစီၤပၤလၢအဂ့ၤတဂၤ.

• ၁ ကရံၣ် ၁၀:၁၁, ၁၂—တၢ်မၢဖိပီလူး တဲဝဲလၢ ပဟံန့ၢ် တၢ်မၤလိလၢ ပှၤဂၤအတၢ်ကမၣ်သ့ သနာ်က့ ပတဘၣ်မၤ တၢ်ကမၣ် ဒ်အဝဲသ့ၣ်အသိးဘၣ်.

• ဖံလံး ၂:၁၂, ၁၃—တၢ်မၢဖိပီလူး ဒုးသ့ၣ်နီၣ်ထီၣ်ပှၤလၢ ပမ့ၢ်ဆဲးအိၣ်ဒီး တၢ်သးတီ တုၤလၢအကတၢၢ်န့ၣ် ပကန့ၢ်ဘၣ် တၢ်မူထူယိာ်.

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၁၉:၁၂, ၁၅—ခီဖျိလၢ စီၤလိာ်မ့ၢ်ပှၤတီပှၤလိၤ ဒီးအဖိမုၣ်တဖၣ် နၢ်လိၤအဃိ မူခိၣ်ကလူးတဖၣ် မၤပူၤဖျဲး အဝဲသ့ၣ်.

တၢ်အဒိအတဲာ်လၢ လံာ်စီဆှံပူၤ–

• ၃ မိၤ ၁၀:၁-၃, ၈, ၉—ဘၣ်သ့ၣ်သ့ၣ် ခီဖျိလၢ ပှၤလုၢ်တၢ်ဒိၣ်အခိၣ် စီၤအၤဟရိၣ် အဖိခွါတဖၣ် အီမူၤသံးအဃိ ယဟိဝၤယွၤ စံၣ်ညီၣ်သံအဝဲသ့ၣ်.

• ၁ မူၤ ၈:၁-၅—စီၤၡမူၤအ့လး ကဲဝံလၢ အတီအလိၤတဂၤ ဘၣ်ဆၣ် အဖိခွါတဖၣ်န့ၣ် တမၤတၢ်တီတီလိၤလိၤဘၣ်.

တၢ်အဒိအတဲာ်လၢ လံာ်စီဆှံပူၤ–

• မး ၁၅:၃၂-၃၈—ပှၤလၢအဒိကနၣ် ယ့ၣ်ၡူးအတၢ်စံၣ်တဲၤတဲလီၤန့ၣ် ပၣ်ဃုာ်ဒီး ပှၤသးစၢ်တဖၣ် ဒီးပှၤဖိဒံဖိသၣ်တဖၣ်.

 တၢ်အဒိအတဲာ်လၢ လံာ်စီဆှံပူၤ–

• ၁ မူၤ ၁၇:၄, ၈-၁၀, ၄၁, ၄၂, ၄၅-၅၁—ယဟိဝၤယွၤ အဲၣ်ဒိးဒီသဒၢအမံၤအဃိ အသူဝဲ ပိာ်ခွါသးစၢ် စီၤဒၤဝံး ဒ်သိးစီၤဒၤဝံးကမၤနၢၤဝဲ စီၤကၤလယး လၢအနီၢ်ဒိၣ်နီၢ်ထီတဂၤအံၤ.

• ၂ စီၤပၤ ၅:၁-၁၅—ဒ်သိး သုးခိၣ်ဖးဒိၣ်တဂၤ ကသ့ၣ်ညါထီၣ် ယဟိဝၤယွၤအဂီၢ် ယဟိဝၤယွၤသူဝဲ ပှၤအံၣ်စရ့လးမုၣ်ဖိတဂၤ ဒ်သိး ကမၤစၢၤဝဲ သုးခိၣ်အံၤအဂီၢ်.

• မး ၂၁:၁၅, ၁၆—ယ့ၣ်ၡူးပာ်လုၢ်ပာ်ပှ့ၤဝဲ ဖိသၣ်တဖၣ်လၢ အပာ်ဖျါထီၣ် တၢ်ပာ်ကဲလၢ မ့းၡံအၤ အဖီခိၣ်.