တၢ်အဒိအတဲာ်လၢ လံာ်စီဆှံပူၤ–

• ၡါ ၆:၁-၈—ဝံယၡါယၤ ကဲပှၤတၢ်ဒဲးဘးဖိအဃိ ဖဲအထံၣ်တၢ်ထံၣ်ဘၣ်ဃးဒီး ယဟိဝၤယွၤ အတၢ်စီဆှံအခါ အတူၢ်ဘၣ်လၢ အတစီတဆှံဘၣ်. အဃိ အသးလီၤစၢ် ဘၣ်ဆၣ် မူခိၣ်ကလူး ဒုးသ့ၣ်နီၣ်ထီၣ်အီၤလၢ ပှၤဟီၣ်ခိၣ်ဖိလၢ အတလၢတပှဲၤဘၣ်ဒၣ်လဲာ် အကဆှီလၢ ယဟိဝၤယွၤ အမဲာ်ညါသ့.

• ရိ ၆:၁၂-၂၃; ၁၂:၁, ၂—တၢ်မၢဖိပီလူး တဲဝဲလၢ ပဟးဆှဲး တၢ်ပာ်သူၣ်ပာ်သးလၢ အတဂ့ၤဘၣ်တဖၣ် ဒီးပ “မၤတၢ်လၢ အစီဆှံတဖၣ်” သ့ဝဲ.

တၢ်အဒိအတဲာ်လၢ လံာ်စီဆှံပူၤ–

• ၅ မိၤ ၈:၁၂-၁၈—စီၤမိၤၡ့ ဒုးသ့ၣ်နီၣ်ထီၣ် ပှၤအံၣ်စရ့လးဖိတဖၣ်လၢ အဝဲသ့ၣ်ဒိးန့ၢ်ဘၣ် တၢ်အဂ့ၤတဖၣ်လၢ ယဟိဝၤယွၤ အအိၣ်အါမး ခီဖျိလၢ ယဟိဝၤယွၤ သူဝဲအတၢ်စိတၢ်ကမီၤလၢ ကဆိၣ်ဂ့ၤအဝဲသ့ၣ်.

• ၁ စီၤပၤ ၁၉:၉-၁၄—ဖဲဝံအ့ၤလံယၤ အသးလီၤစၢ်အခါ ယဟိဝၤယွၤ ဟ့ၣ်ဂံၢ်ဟ့ၣ်ဘါအီၤ ခီဖျိအဒုးနဲၣ် ဝံအ့ၤလံယၤလၢ အအိၣ်ဒီး တၢ်စိတၢ်ကမီၤဖးဒိၣ်.

တၢ်အဒိအတဲာ်လၢ လံာ်စီဆှံပူၤ–

• ၅ မိၤ ၂၄:၁၆-၂၂—စီၤမိၤၡ့ အတၢ်သိၣ်တၢ်သီ ပာ်ဖျါထီၣ်န့ၢ်ပှၤလၢ ယဟိဝၤယွၤန့ၣ် အမ့ၢ်ပှၤလၢ အစံၣ်ညီၣ်တၢ် တီတီလိၤလိၤ. တကးဒံးဘၣ် ယဟိဝၤယွၤ အိၣ်ဒီးတၢ်သးကညီၤ ဒီးတၢ်အဲၣ်တၢ်ကွံ.

• ၂ ကွဲး ၁၉:၄-၇—စီၤပၤယဟိၤၡၤဖး ဒုးသ့ၣ်နီၣ်ထီၣ် စံၣ်ညီၣ်ကွီၢ်တဖၣ်လၢ အဝဲသ့ၣ် ကဘၣ်ဆၢတဲာ်တၢ်ဒ် ယဟိဝၤယွၤ အတၢ်ဘၣ်သးအိၣ်ဝဲအသိး ဒီးတဘၣ်မ့ၢ်ဒ် ပှၤဟီၣ်ခိၣ်ဖိအတၢ်ဘၣ်သး အသိးဘၣ်.

တၢ်အဒိအတဲာ်လၢ လံာ်စီဆှံပူၤ–

• ၁ စီၤပၤ ၄:၂၉-၃၄—ယဟိဝၤယွၤ ဆိၣ်ဂ့ၤစီၤၡလိၤမိၤ ခီဖျိ ဟ့ၣ်လီၤအီၤ တၢ်ကူၣ်သ့အါန့ၢ်ဒံး ပှၤကိးဂၤဒဲး လၢအအိၣ်မူဖဲ အစိၤအဆၢကတီၢ်.

• လူၤ ၁၁:၃၁; ယိၤ ၇:၁၄-၁၈—ယ့ၣ်ၡူးန့ၣ် အတၢ်ကူၣ်သ့အိၣ်အါန့ၢ် စီၤၡလိၤမိၤဒံး ဒီးယ့ၣ်ၡူးပာ်ဖျါထီၣ်ဝဲလၢ အန့ၢ်ဘၣ်တၢ်ကူၣ်သ့လၢ ယဟိဝၤယွၤအအိၣ်.

တၢ်အဒိအတဲာ်လၢ လံာ်စီဆှံပူၤ–

• မး ၁၀:၂၉-၃၁—ယ့ၣ်ၡူးသူဝဲတၢ်အဒိ ဘၣ်ဃးဒီးထိၣ်ဖှံးဖိ ဒ်သိးအကပာ်ဖျါထီၣ်ဝဲလၢ ယဟိဝၤယွၤ အဲၣ်ဝဲအခ့အပှၤ ဒီးပာ်လုၢ်ပာ်ပှ့ၤ အဝဲသ့ၣ်ထဲလဲၣ်အဂ့ၢ်.

•  မၢ် ၁:၉-၁၁—ယဟိဝၤယွၤ တဲဘၣ်ယ့ၣ်ၡူးလၢ အအဲၣ်အီၤ ဒီးပာ်ကဖၢလၢသးလၢအဃိ. ယဟိဝၤအဒိအတဲာ်အံၤ ကဲဘျုးလၢမိပါတဖၣ်အဂီၢ် မ့ၢ်လၢဖိတဖၣ်န့ၣ် ဘၣ်သးနၢ်ဟူ တၢ်ကတိၤဒ်န့ၣ် လၢအမိပါအအိၣ်.

တၢ်အဒိအတဲာ်လၢ လံာ်စီဆှံပူၤ–

• ၅ မိၤ ၃၀:၁၁-၁၄—စီၤမိၤၡ့အတၢ်သိၣ်တၢ်သီန့ၣ် တကီဒိၣ်တလၢ လၢပှၤအံၣ်စရ့လးဖိတဖၣ် ကမၤထွဲဝဲအဂီၢ်ဘၣ်.

• မး ၁၁:၂၈-၃၀—ယ့ၣ်ၡူးလီၤဂာ်ဒီး အပၢ်ယဟိဝၤယွၤအဃိ အဝဲတဲဘၣ် အပျဲၢ်အဘီၣ်တဖၣ်လၢ အကဲတၢ်မၤခိၣ်လၢ အသးဂ့ၤတဂၤ.

တၢ်အဒိအတဲာ်လၢ လံာ်စီဆှံပူၤ–

• စံး ၁၀၄:၁, ၂, ၁၀-၂၀, ၃၃, ၃၄—ပှၤကွဲးထါစံးထီၣ်ပတြၢၤတဂၤ စံးထီၣ်ပတြၢၤ ယဟိဝၤယွၤ ခီဖျိလၢ အတၢ်ဘၣ်တ့တဖၣ်အဃိ.

• စံး ၁၄၈:၁-၁၄—တၢ်ဘၣ်တ့ ဒီးမူခိၣ်ကလူးခဲလၢာ် စံးထီၣ်ပတြၢၤ ယဟိဝၤယွၤအဃိ ပဝဲစ့ၢ်ကီး ပကဘၣ်စံးထီၣ်ပတြၢၤအီၤ.

တၢ်အဒိအတဲာ်လၢ လံာ်စီဆှံပူၤ–

• ၂ စီၤပၤ ၅:၂၀-၂၇—စီၤက့ၤဃစံ ကျဲးစၢးပာ်ခူသူၣ် အတၢ်ကမၣ်. ဘၣ်ဆၣ် စီၤအလံၤၡါ သ့ၣ်ညါဝဲ ခီဖျိလၢ ယဟိဝၤယွၤ တဲဘၣ်အီၤ.

• မၤတၢ် ၅:၁-၁၁—စီၤအနၤနံ ဒီးနီၢ်စးဖံးရး ပာ်ခူသူၣ်အတၢ်ကမၣ်. ဘၣ်ဆၣ် ယဟိဝၤယွၤ ပာ်ဖျါထီၣ်အဝဲသ့ၣ် အတၢ်ကမၣ် ဒီးစံၣ်ညီၣ်အဝဲသ့ၣ် ခီဖျိလၢ အဝဲသ့ၣ် လံၣ်တၢ်လီတၢ်အဃိ.