တၢ်နီၤဖး ၁
စးထီၣ်လၢ ကစၢ်ယွၤတ့လီၤတၢ်အကတီၢ် တုၤလၢ ထံလုာ်ဘၢတၢ်ဖးဒိၣ်အကတီၢ်
မူခိၣ်ဒီးဟီၣ်ခိၣ်န့ၣ် ဟဲကဲထီၣ်ဒ်လဲၣ်. မုၢ်ဧိၤ, လါဧိၤ, ဆၣ်ဧိၤဒီး တၢ်ဖိတၢ်လံၤအါအါဂီၢ်ဂီၢ်တဖၣ် လၢအိၣ်လၢဟီၣ်ခိၣ်ချၢအံၤ ဟဲလၢလဲၣ်. လံာ်စီဆှံဟ့ၣ်ပှၤတၢ်စံးဆၢအမ့ၢ်အတီလၢ တၢ်တဖၣ်အံၤန့ၣ် ယွၤတ့လီၤအဃိ ဟဲကဲထီၣ်ဝဲန့ၣ်လီၤ. တၢ်န့ၣ်အဃိ ပလံာ်ဝဲအံၤ စးထီၣ်လၢ တၢ်ဘၣ်တ့အပူန့ၣ်လီၤ.
တၢ်လၢ ယွၤစးထီၣ်တ့လီၤအဆိကတၢၢ်န့ၣ် မ့ၢ်ဝဲ ပှၤနီၢ်သးဖိတဖၣ် လၢအလီၤဂာ်ဒီးအီၤန့ၣ်လီၤ. မူခိၣ်ကလူးတဖၣ်လီၤသၢၣ်. ဘၣ်ဆၣ် မ့မ့ၢ်ဟီၣ်ခိၣ်တခီန့ၣ် တ့လီၤဝဲဒၣ်လၢ ပှၤကညီဒ်ပဝဲသ့ၣ်တဖၣ် ကအိၣ်အဂီၢ်လီၤ. လၢတၢ်န့ၣ်အဃိ ယွၤတ့လီၤပှၤပိာ်ခွါဒီး ပိာ်မုၣ်လၢအမံၤမ့ၢ်ဝဲ အၤဒၣ်, ဒီးအံၣ်အုန့ၣ်ဝံၤ ပာ်လီၤဝဲဒၣ်လၢ တၤသၣ်အလီၢ်ဃံလၤဖိတခါအပူၤန့ၣ်လီၤ. ဘၣ်ဆၣ် မ့ၢ်လၢအဝဲသ့ၣ် တဒိကနၣ် ကစၢ်ယွၤအတၢ်ကတိၤအဃိ အခွဲးအယၣ်လၢ ကအိၣ်မူဘၣ်ဆူညါအဂီၢ်န့ၣ် ဘၣ်လီၤမၢ်ကွံာ်ဝဲဒၣ်န့ၣ်သၢၣ်.
စးထီၣ်လၢအၤဒၣ်ဘၣ်တၢ်တ့လီၤအီၤ ဒီးတုၤလီၤလၢ ထံလုၣ်ဘၢတၢ်အကတီၢ်န့ၣ် အိၣ်အနံၣ် ၁,၆၅၆ န့ၣ်လီၤ. ဖဲဆၢကတီၢ်န့ၣ်အဘၢၣ်စၢၤ ပှၤအအၢအသီတဖၣ် အိၣ်အါအါဂီၢ်ဂီၢ်လီၤ. မ့မ့ၢ်လၢမူခိၣ်တခီန့ၣ် ပှၤနီၢ်သးဖိလၢ ပထံၣ်အီၤလၢပမဲာ်တသ့တဖၣ် အိၣ်ဝဲဒၣ်လီၤ. စၤတၣ်ဒီးအကလူး အအၢအသီတဖၣ်န့ၣ်လီၤသၢၣ်. မ့မ့ၢ်လၢဟီၣ်ခိၣ်ချၢတခီ ပှၤအၢတဖၣ်ဒ်ကၤယံၣ်အသိး အိၣ်အါမးန့ၣ်လီၤ. ပှၤအအၢအသီလၢအဂံၢ်ဆူၣ်ဘါဆူၣ်ဒိၣ်န့ၣ် ပှၤမုၢ်ဆ့ၣ်မုၢ်ဂီၤတဖၣ်စ့ၢ်ကီး အိၣ်ဝဲဒၣ်န့ၣ်လီၤ. လၢဟီၣ်ခိၣ်ချၢန့ၣ် ပှၤဂ့ၤတဖၣ်ဒ်သိး ဟ့းဘ့းလး, ဃနိာ်, နိအၤသ့ၣ်စ့ၢ်ကီး အိၣ်ဝဲလီၤ. လၢ တၢ်နီၤဖး ၁ အပူၤန့ၣ် ပကဖးကွၢ်သကိး ပှၤတဖၣ်အံၤအဂ့ၢ် ဒီးတၢ်မၤအသးတဖၣ်အဂ့ၢ်န့ၣ်တက့ၢ်.
တၢ်ဂ့ၢ်လၢလာ်တဖၣ်
ပူ ၁
ယွၤစးထီၣ်တ့လီၤ တၢ်ဖိတၢ်လံၤတဖၣ် အဂ့ၢ်
တၢ်ဘၣ်တ့အဂ့ၢ်န့ၣ် ပှၤဖိသၣ်တဖၣ် နၢ်ပၢၢ်ဘၣ်အီၤညီ ဒီးဖးဘၣ်ဝဲမုာ်ဒိၣ်မး.
ပူ ၂
တၤသၣ်လီၢ်ဖိလၢ ဃံလၤဒိၣ်မး အဂ့ၢ်
ဒ် ၁ မိၤၡ့ ပာ်ဖျါထီၣ်ဝဲအသိး ကစၢ်ယွၤ တ့လီၤဝဲ ဧ့ၤဒ့ၣ်တၤသၣ်လီၢ် လၢအကဲဝဲ တၢ်လီၢ်လီၤလီၤဆီဆီတတီၤ. ကစၢ်ယွၤ အဲၣ်ဒိးဝဲလၢ ဟီၣ်ခိၣ်ဒီဘ့ၣ် ကကဲထီၣ် ဒ်သိးဒီး တၤသၣ်လီၢ်ဃံဃံလၤလၤ.
ပူ ၃
ပှၤပိာ်ခွါဒီးပှၤပိာ်မုၣ်အဆိကတၢၢ် အဂ့ၢ်
ယွၤတ့လီၤ နီၢ်အံၣ်အု ဒီးစီၤအၤဒၣ် ဒီးဒုးအိၣ်အဝဲသ့ၣ်လၢ ဧ့ၤဒ့ၣ်တၤသၣ်လီၢ်ပူၤ. အဝဲသ့ၣ် ကဲထီၣ်ပှၤနီၢ်ဒီမါဝၤ အဆိကတၢၢ်.
ပူ ၄
ဘၣ်မနုၤအဃိ အဝဲသ့ၣ်အဟံၣ်အဃီ ဘၣ်လီၤမၢ်တ့ၢ်ဝဲ အဂ့ၢ်
လံာ် ၁ မိၤၡ့ ပာ်ဖျါထီၣ်ဝဲ ပၤရဒံစူး လီၤမၢ်ကွံာ်အဂ့ၢ်.
ပူ ၅
တၢ်အိၣ်မူလၢအကီအခဲစးထီၣ် အဂ့ၢ်
လၢဧ့ၤဒ့ၣ်တၤသၣ်အလီၢ် အချၢန့ၣ် အၤဒၣ်ဒီးအံၣ်အု ထံၣ်ဘၣ်ဒီးတၢ်ကီတၢ်ခဲဒီဒူၣ်. အဝဲသ့ၣ်မ့ၢ်ဒိကနၣ် ကစၢ်ယွၤကလုၢ်န့ၣ် အဝဲသ့ၣ်ဒီးအဖိတဖၣ် တၢ်အိၣ်ကလီၤသးခု.
ပူ ၆
ဖိခွါလၢအနၢ်လိၤ ဒီးဖိခွါလၢအအၢအသီ အဂ့ၢ်
စီၤကၤယံၣ် ဒီးစီၤဟ့းဘ့းလးအဂ့ၢ် လၢလံာ် ၁ မိၤၡ့ အပူၤန့ၣ် သိၣ်လိပှၤဘၣ်ဃးဒီး ပကဘၣ်ကဲထီၣ်ပှၤဒ်လဲၣ် ဒီးဒ်သိး ပတမၤကမၣ်ဘၣ်တၢ်အဂီၢ် ပကဘၣ်ဆီတလဲ ပတၢ်ပာ်သူၣ်သး လၢအတဂ့ၤ မနုၤလဲၣ်.
ပူ ၇
ပှၤဒူပှၤဃိၤတဂၤ အဂ့ၢ်
စီၤဃနိာ်အဒိအတဲာ် ပာ်ဖျါထီၣ်န့ၢ်ပှၤလၢ ပှၤအၢပှၤသီတဖၣ် မ့ၢ်အိၣ်ဝးတရံးပှၤဘၣ်ဆၣ် ပမၤတၢ်အဂ့ၤသ့ဒံး.
ပူ ၈
ဒိးတကါဖးဒိၣ်တဖၣ်လၢဟီၣ်ခိၣ်ချၢ အဂ့ၢ်
လံာ် ၁ မိၤၡ့ ပာ်ဖျါထီၣ်ဝဲ ပှၤနီၢ်ဒိၣ်ဖိတဖၣ် လၢအမၤဘၣ်ဒိ ပှၤဂၤအဂ့ၢ်. ပှၤနီၢ်ဒိၣ်ဖိတဖၣ်န့ၣ် အကဲဝဲ မူခိၣ်ကလူးလၢ အဟဲလီၤလၢမူခိၣ် ဒီးအလဲလိာ်အသး ဒ်ပှၤဟီၣ်ခိၣ်ဖိတဖၣ် အဖိ.
ပူ ၉
နိအၤ သူၣ်ထီၣ်ကဘီတဘ့ၣ် အဂ့ၢ်
ပှၤဂၤတဖၣ်တဒိကနၣ် ကစၢ်ယွၤ အကလုၢ်သနာ်က့ စီၤနိအၤ ဒီးအဟံၣ်ဖိဃီဖိတဖၣ် ဒိကနၣ်ဝဲအဃိ အဝဲသ့ၣ် ပူၤဖျဲးထီၣ်လၢ ထံလုာ်ဘၢတၢ်.
ပူ ၁၀
ထံလုာ်ဘၢတၢ်ဖးဒိၣ် အဂ့ၢ်
ဖဲစီၤနိအၤ ဟးဟ့ၣ်ပလီၢ်ပှၤဂၤအခါ ပှၤနံၤဘၣ်အီၤ. ဘၣ်ဆၣ် ဖဲမူခိၣ်စူၤလီၤဝဲအခါ ပှၤနံၤဝဲတကဲလၢၤဘၣ်. ဃုသ့ၣ်ညါဘၣ်ဃးဒီး စီၤနိအၤ တ့ထီၣ်ကဘီအဃိ အဝဲ, အဟံၣ်ဖိဃီဖိ ဒီးဆၣ်ဖိကီၢ်ဖိတဖၣ် ပူၤဖျဲးထီၣ်ဝဲဒ်လဲၣ်.