ပူ ၇
ပှၤဒူပှၤဃိၤတဂၤ အဂ့ၢ်
ဟီၣ်ခိၣ်ချၢန့ၣ် ဒ်ပှၤအါထီၣ်ဂီၢ်ထီၣ်အသိး ပှၤမၤတၢ်အၢဒ်ကၤယံၣ်သ့ၣ်တဖၣ်စ့ၢ်ကီး အါထီၣ်ဝဲဒၣ်လီၤ. ဘၣ်ဆၣ်ဒီး မ့မ့ၢ်ပှၤတဂၤန့ၣ်လီၤဆီဝဲဒၣ်လီၤ. အဝဲဒၣ်န့ၣ် ပှၤဝဲအံၤ, လၢအမံၤမ့ၢ်ဃနိာ်န့ၣ်လီၤ. ဃနိာ်န့ၣ်မ့ၢ်ပှၤဒူပှၤဃိၤတဂၤလီၤ. ပှၤအိၣ်ဝးတရံးအီၤခဲလၢာ် မၤတၢ်အၢဘၣ်ဆၣ်ဃနိာ်တခီ မၤယွၤအတၢ်တဘိယူၢ်ဃီလီၤ.
ပှၤလၢအအိၣ်ဖဲ ဆၢကတီၢ်အဝဲန့ၣ်သ့ၣ်တဖၣ် ဘၣ်မနုၤအဃိ ဘၣ်မၤတၢ်အၢထဲအံၤန့ၣ် နသ့ၣ်ညါဧါ. ကွၢ်ဆိကမိၣ်တၢ်အံၤတက့ၢ်. အၤဒၣ်ဒီးအံၣ်အု အသုတဒိကနၣ် ကစၢ်ယွၤအတၢ်ကတိၤအဂီၢ်, တၢ်လၢယွၤတြီဃာ်ဒီးစံး, တၤသၣ်လၢသုတဘၣ်အီၣ်အီၤတဂ့ၤန့ၣ် လၢကအီၣ်ဝဲအဂီၢ် မတၤမၤလဲၣ်. အၢၣ်, မ့ၢ်ဝဲလီၤ. မူခိၣ်ကလူးအအၢအသီန့ၣ်လီၤ. လံာ်စီဆှံကိးအီၤလၢစၤတၣ်. အဝဲဒၣ်သၢၣ်, ဂုာ်ထိၣ်ဟူးပှၤခဲလၢာ်အသး လၢအကမၤတၢ်အၢန့ၣ်လီၤ.
ဘၣ်မုၢ်တနံၤန့ၣ် ယဟိဝၤယွၤမၢဃနိာ်လၢ အကစံးဘၣ်တဲဘၣ် တၢ်ကစီၣ်တခါ လၢပှၤတအဲၣ်ဒိး ဒိကနၣ်န့ၣ်လီၤ, တၢ်ကစီၣ်မနုၤန့ၣ်လဲၣ်. မုၢ်အိၣ်ဝဲတနံၤ ယွၤကမၤဟးဂီၤကွံာ် ပှၤအၢပှၤသီတဖၣ်အကစီၣ်န့ၣ်လီၤ. ဖဲပှၤနၢ်ဟူဘၣ် တၢ်ကစီၣ်အဝဲန့ၣ်အခါ ကသးထီၣ်ဝဲသ့ၣ်နးမးလီၤ. ကကူၣ်ထီၣ်ဝဲလၢ ကမၤသံဃနိာ်ဒၣ်လဲာ်န့ၣ်လီၤ. လၢတၢ်န့ၣ်အဃိ ဒ်သိးတဲဝဲ ယွၤကမၤတၢ်မနုၤလဲၣ်ကသ့အဂီၢ်န့ၣ် ကလိၣ်ဘၣ်ဒိၣ်မးလၢ အတၢ်သးဒူကအိၣ်လီၤ.
ယွၤတဒုးအိၣ်မူဃနိာ်ယံာ်ယံာ်လၢ ပှၤအၢပှၤသီသ့ၣ်တဖၣ်အကျါဘၣ်. ဃနိာ်န့ၣ် အိၣ်မူတ့ၢ်ဝဲ ထဲဒၣ် ၃၆၅ နံၣ်ဧိၤလီၤ. ဘၣ်မနုၤအဃိဘၣ်စံးလၢ ထဲဒၣ် ၃၆၅ နံၣ်ဧိၤလဲၣ်. ဘၣ်မနုၤအဃိလဲၣ်န့ၣ်, ပှၤလၢအအိၣ်မူဖဲ ဆၢကတီၢ်အဝဲန့ၣ်သ့ၣ်တဖၣ် အဂံၢ်ဆူၣ်ဘါဆူၣ်န့ၢ် ပှၤခဲအံၤတဖၣ်လီၤ. အသးစ့ၢ်ကီးကၢဒိၣ်မးလီၤ. ကွၢ်ဘီၣ်, ဃနိာ်အဖိခွါ မသူၤၡလၤန့ၣ် အိၣ်မူတ့ၢ်ဝဲတုၤ ၉၆၉ နံၣ်န့ၣ်လီၤ.
ဃနိာ်သံဝံၤအလီၢ်ခံ ပှၤတဖၣ်အၢ ဒံးယံာ်ဒံးနးထီၣ်လီၤ. အဝဲသ့ၣ်အတၢ်ကူၣ်တၢ်ဖးန့ၣ် ဒီကတီၢ်ညါ မ့ၢ်အအၢခဲလၢာ်လီၤ. လံာ်စီဆှံပာ်ဖျါဝဲလၢ ဟီၣ်ခိၣ်န့ၣ်ပှဲၤမးဒီး တၢ်မၤသံဝီသံ တၢ်မၤဆူၣ်မၤစိာ်တၢ်န့ၣ်လီၤ.
စိၤအဝဲန့ၣ်အခါ လၢဟီၣ်ခိၣ်ချၢ တၢ်နးတၢ်ဖှီၣ် ဘၣ်အါဝဲထဲအံၤညါအဂ့ၢ်တခါန့ၣ် သုသ့ၣ်ညါဧါ. မုၣ်ကီၤလံၢ်ထံၣ်ဝဲကျဲအသီတဘိလၢ အကထိၣ်ဟူးထိၣ်ဂဲၤပှၤကညီတဖၣ် လၢကမၤတၢ်အၢအဃိလီၤ. ပကမၤလိတၢ်ဂ့ၢ်အဝဲအံၤဆူညါလီၤ.
