တၢ်နီၤဖး ၃
စးထီၣ်လၢ တၢ်ပူၤဖျဲးလၢကီၢ်အဲၤကူပတူးအဆၢကတီၢ် တုၤလၢ ပှၤအံၣ်စရ့လးအစီၤပၤအဆိကတၢၢ်အစိၤ
မိၤၡ့ထုးထီၣ်ပှၤအံၣ်စရ့လးဖိလၢ ကီၢ်အဲၤကူပတူး လၢတၢ်အကုၢ်အပှၤအဖီလာ်ဝံၤ ဟဲက့ၤကိးအီၤဆူကစၢၢ်စံၤနါန့ၣ်လီၤ. ဖဲတၢ်လီၢ်အဝဲန့ၣ် ယွၤဟ့ၣ်လီၤအဝဲသ့ၣ် တၢ်မၤလိာ်န့ၣ်လီၤ. လၢတၢ်န့ၣ်အလီၢ်ခံ မိၤၡ့မၢလီၤပှၤ ၁၂ ဂၤ လဲၤကွၢ်ဟုၣ်ကီၢ်ကနၤဧၣ်န့ၣ်လီၤ. ဘၣ်ဆၣ်, ပှၤအဂၤ ၁၀ ဟဲက့ၤစိာ်တၢ်ကစီၣ်အအၢန့ၣ်လီၤ. လၢအဝဲသ့ၣ်အဃိ ပှၤတဖၣ်အသးအိၣ်ထီၣ်ဝဲလၢ ကက့ၤကဒါက့ၤဆူ ကီၢ်အဲၤကူပတူးန့ၣ်လီၤ. လၢတၢ်စူၢ်တၢ်နာ်တအိၣ်ဒ်အံၤအဃိ ကစၢ်ယွၤစံၣ်ညီၣ် ပှၤအံၣ်စရ့လးဖိတဖၣ်လၢ ကဟးဝ့ၤဝီၤလၢပှၢ်လၢ်ကျါ အနံၣ်လွံၢ်ဆံန့ၣ်လီၤ.
လၢခံန့ၣ် ယွၤဃုထၢယိၤၡူလၢ ကဆှၢနုာ်ပှၤအံၣ်စရ့လးဖိတဖၣ်ဆူ ကီၢ်ကနၤဧၣ်အပူၤန့ၣ်လီၤ. လၢအဝဲသ့ၣ်ကမၤန့ၢ် ကီၢ်ကနၤဧၣ်အဂီၢ် ယဟိဝၤဒုးကဲထီၣ်တ့ၢ်ဝဲ တၢ်လီၤလးအကလုာ်ကလုာ်န့ၣ်လီၤ. မၤအိၣ်ပတုာ် တဒီလီၤသံး ထံကျိယၢ်ဒ့ၣ်န့ၣ်လီၤ. မၤလီၤပှီၢ်တ့ၢ်ဝဲဒၣ် ယရံၤဃိအဝ့ၢ်ခိၣ်ဒူန့ၣ်လီၤ. ဝံၤဒီး မၤအိၣ်ကတီၢ်မုၢ်ဒီနံၤညါန့ၣ်လီၤ. တုၤအယံာ်ဃုနံၣ်ဒီး ဒုမၤန့ၢ်ဝဲကီၢ်လၢ ကနၤဧၣ်ဖိတဖၣ်အစုပူၤန့ၣ်လီၤ.
စးထီၣ်လၢယိၤၡူန့ၣ် ပှၤစံၣ်ညီၣ်ကွီၢ်တဂၤဘၣ်တဂၤ ပၢပှၤအံၣ်စရ့လးဖိတဖၣ် ၃၅၆ နံၣ်န့ၣ်လီၤ. ဘါရး, ကံးဒဧိၣ်, ယံးဖသၤ, ၡံၣ်ၡိၣ် ဃုာ်ဒီး ၡမူၤအ့လး, ပှၤစံၣ်ညီၣ်ကွီၢ်အါဂၤအဂ့ၢ်န့ၣ် ပသ့ၣ်ညါဘၣ်ဝဲလီၤ. ပဖးဘၣ်စ့ၢ်ကီး ရၤဃး, ဒဘိရၤ, ယအ့လး, ရူၤသး, နၤဧမံဒီး, ဒလံလၤ ပိာ်မုၢ်တဖၣ်အဂ့ၢ်န့ၣ်လီၤ. လၢ တၢ်နီၤဖး ၃ အပူၤန့ၣ် ပာ်ဃုာ်တၢ်ဂ့ၢ်တၢ်ကျိၤလၢ ၃၉၆ နံၣ်အတီၢ်ပူၤန့ၣ်လီၤ.
တၢ်ဂ့ၢ်လၢလာ်တဖၣ်
ပူ ၃၅
ယဟိဝၤယွၤ ဟ့ၣ်လီၤအတၢ်သိၣ်တၢ်သီ
တၢ်သိၣ်တၢ်သီ ခံခါ လၢအရ့ဒိၣ်န့ၢ်ဒံး တၢ်မၤလိာ်အဘီတဆံန့ၣ် မ့ၢ်မနုၤလဲၣ်.
ပူ ၃၆
ဂီၤဖံးထူအဂီၤ အဂ့ၢ်
ဘၣ်မနုၤဃိ ပှၤဂီၢ်မုၢ်တဖၣ် ဘါထီၣ်တၢ်ဂီၤလၢ ပှၤတ့ထီၣ်ဝဲ ခီဖျိပှၤမၤပှံၢ်လီၤ နၢ်ကွီၤလဲၣ်.
ပူ ၃၈
ပှၤကွၢ်ခူသူၣ်တၢ် ၁၂ ဂၤ အဂ့ၢ်
ပှၤကွၢ်ခူသူၣ်တၢ် အဂၤတဆံတဲတၢ်တမံၤ ဒီးပှၤကွၢ်ခူသူၣ်တၢ် ခံဂၤတဲတၢ် လၢအဂၤတမံၤ. ပှၤအံၣ်စရ့လးဖိနာ် မတဂၤတၢ်တဲလဲၣ်.
ပူ ၄၃
ယိၤၡူကဲထီၣ်ပှၤအခိၣ်အနၢ် အဂ့ၢ်
မိၤၡ့အိၣ်ဒီးဂံၢ်အိၣ်ဒီးဘါဒံး ဘၣ်မနုၤဃိ ယိၤၡူဘၣ်ကဲထီၣ်ခိၣ်နၢ် လၢအလီၢ်လဲၣ်
ပူ ၄၄
ရၤဃးပာ်ခူသူၣ် ပှၤကွၢ်ခူသူၣ်တၢ်တဖၣ် အဂ့ၢ်
ရၤဃးမၤစၢၤ ပှၤကွၢ်ခူသူၣ်တၢ်တဖၣ် ဒ်လဲၣ် ဒီးအဝဲဃ့ အဝဲသ့ၣ်လၢ ကမၤစၢၤအီၤဒ်လဲၣ်.
ပူ ၄၇
လၢပှၤအံၣ်စရ့လးဖိအကျါ တၢ်ဘျၣ်တဂၤ အဂ့ၢ်
ပှၤတဂ့ၤဘၣ်တဂၤအဃိ ဒုးအိၣ်ထီၣ်တၢ်ကီတၢ်ခဲလၢ ပှၤဒီတကလုာ်အဂီၢ်သ့ဧါ.
ပူ ၄၈
ပှၤကံးဘိၣ်ဖိတဖၣ် လၢအအိၣ်ဒီးတၢ်ကူၣ်သ့ အဂ့ၢ်
အဝဲသ့ၣ်တဲလံၣ် ယိၤၡူဒီး ပှၤအံၣ်စရ့လးဖိ ဒ်သိးကမၤတၢ်အၢၣ်လီၤအီလီၤဒီး အဝဲသ့ၣ်, ဘၣ်ဆၣ်ပှၤအံၣ်စရ့လးဖိ မၤဝဲဒ် အတၢ်အၢၣ်လီၤအီလီၤအသိး.
ပူ ၄၉
မုၢ်အိၣ်ကတီၢ်အဂ့ၢ်
ကစၢ်ယွၤမၤန့ၢ်တၢ်လၢ ယိၤၡူအဂီၢ် လၢအတမၤတ့ၢ်ဝဲနီတဘျီဘၣ် ဒီးလၢခံအတမၤဝဲ ဒ်န့ၣ်နီတဘျီဘၣ်.
ပူ ၅၀
ပိာ်မုၣ်လၢအသူၣ်ဒူသးဒူခံဂၤ အဂ့ၢ်
ဘါရး တီခိၣ်ရိၤမဲ ပှၤအံၣ်စရ့လးဖိသုးမုၢ် လၢတၢ်ဒုးပူၤ, ဘၣ်ဆၣ်ဘၣ်မနုၤဃိ ယဧ့လး ဘၣ်တၢ်မၤလၤကပီၤအီၤလဲၣ်
ပူ ၅၃
ယံးဖသၤအတၢ်အၢၣ်လီၤအီလီၤ အဂ့ၢ်
အတၢ်အၢၣ်လီၤဒီး ယဟိဝၤယွၤန့ၣ်တဘၣ်ဃးထဲအီၤဘၣ်, ဘၣ်ဃးဒီး အဖိမုၣ်စ့ၢ်ကီး.
ပူ ၅၅
ဖိသၣ်တဂၤလၢ မၤကစၢ်ယွၤအတၢ်မၤ အဂ့ၢ်
ယွၤသူ ၡမူၤအ့လးဖိလၢ ကတဲဘၣ် ပှၤလုၢ်တၢ်ခိၣ်အဒိၣ်ကတၢၢ် ဧ့လံၤ လၢတၢ်ကစီၣ်လၢ အမၤဘၣ်ဒိအသး.