တၢ်နီၤဖး ၄
စးထီၣ်လၢ ပှၤအံၣ်စရ့လးအစီၤပၤအဆိကတၢၢ်အစိၤ တုၤလၢ တၢ်ဘၣ်စၢဃာ်ဒ် ဘၤဘူၤလိၣ်အကုၢ်အကတီၢ်
စီလူးကဲထီၣ်ဝဲ အံၣ်စရ့လးအစီၤပၤ အဆိကတၢၢ်တဂၤန့ၣ်လီၤ. ဘၣ်ဆၣ် ယဟိဝၤညိကွံာ်အီၤဒီး ဃုထၢဒၤဝံး လၢအလီၢ်န့ၣ်လီၤ. ဘၣ်ဃးဒၤဝံးန့ၣ် ပသ့ၣ်ညါဘၣ် တၢ်ဂ့ၢ်အါမံၤအါမၠိန့ၣ်လီၤ. ဖဲအနီၢ်ဆံးသးစၢ်အခါ ဒုးတၢ်ဒီး ဒိးတကါဖးဒိၣ်ကၤလယးအဂ့ၢ်, တၢ်န့ၣ်ဝံၤအလီၢ်ခံ ဘၣ်ဃ့ၣ်ဟးထီၣ်လၢ စီလူးလၢအသးကါတၢ်အအိၣ်အဂ့ၢ်, တၢ်န့ၣ်ဝံၤအလီၢ်ခံ မုၣ်ဃံလၤအဘံၤကါယံးလးတြီ ဒၤဝံးလၢသုတမၤဘၣ် တၢ်မၤအၢအၢသီသီအဂ့ၢ်တဖၣ်န့ၣ်လီၤ.
တၢ်န့ၣ်ဝံၤအလီၢ်ခံ ပသ့ၣ်ညါဘၣ် ဒၤဝံးအဖိခွါ ၡလိၤမိၤအဂ့ၢ်အါမးန့ၣ်လီၤ. ၡလိၤမိၤဟံးန့ၢ်ဒၤဝံးအလီၢ်ဝံၤ ဟဲကဲထီၣ်ဝဲ အံၣ်စရ့လးအစီၤပၤန့ၣ်လီၤ. ကီၢ်အံၣ်စရ့လးအစီၤပၤအဆိကတၢၢ်သၢဂၤန့ၣ် ပၢတၢ်အနံၣ် ၄၀ စုာ်စုာ်န့ၣ်လီၤ. ၡလိၤမိၤသံဝံၤအလီၢ်ခံန့ၣ် ကီၢ်အံၣ်စရ့လးလီၤဖး ခံခီန့ၣ်လီၤ. ဟဲကဲထီၣ်ဝဲကီၢ်ကလံၤစိး, ဒီးကီၢ်ကလံၤထံး ခံကီၢ်န့ၣ်လီၤ.
ကလံၤစိးအကီၢ် ၁၀ န့ၣ် အိၣ်စံာ်အိၣ်ကျၢၤဝဲ ၂၅၇ နံၣ်န့ၣ်လီၤ. လၢခံန့ၣ် ဟးဂီၤကွံာ်ဝဲဒၣ်လၢ ပှၤအၤၡူၢ်ဖိအဃိန့ၣ်လီၤ. တၢ်န့ၣ်အလီၢ်ခံအနံၣ် ၁၃၃ ဝံၤဒီး ကီၢ်ကလံၤထံး ပှၤခံဒူၣ်စ့ၢ်ကီး ဟးဂီၤဝဲဒၣ်လီၤ. ဖဲဆၢကတီၢ်အဝဲန့ၣ် ပှၤအံၣ်စရ့လးဖိသ့ၣ်တဖၣ် ဘၣ်တၢ်က့ၤဖီၣ်စိာ်အီၤဆူ ဘၤဘူၤလိၣ်န့ၣ်လီၤ. လၢတၢ်န့ၣ်အဃိ တၢ်နီၤဖး ၄ အံၤ ပာ်ဖျါထီၣ် တၢ်မၤအသးအကလုာ်ကလုာ်လၢ လီၤသူၣ်ပိၢ်သးဝး လၢအနံၣ် ၅၁၀ အတီၢ်ပူၤန့ၣ်လီၤ.
တၢ်ဂ့ၢ်လၢလာ်တဖၣ်
ပူ ၅၆
ကီၢ်အံၣ်စရ့လးအစီၤပၤ အဆိကတၢၢ် စီလူးအဂ့ၢ်
အဆိကတၢၢ်န့ၣ် ယွၤဃုထၢထီၣ်အီၤ လၢခံကစၢ်ယွၤ ဂ့ၢ်လိာ်ကွံာ်အီၤ. ပဟံးန့ၢ်တၢ်မၤလိအရ့ဒိၣ်တဖၣ်လၢ စီၤစီလူးအိၣ်သ့ဝဲ.
ပူ ၅၈
ဒၤဝံးဒီးကၤလယးအဂ့ၢ်
စီၤဒၤဝံးဒုးဝဲကၤလယး, တမ့ၢ်ထဲဒီးအနီၣ်ဘျူးဘၣ်, ဘၣ်ဆၣ် ဟဲဒီးအစုကဝဲၤလၢ အစိၤကမီၤဒိၣ်န့ၢ်ဒံး နီၣ်ဘျူး.
ပူ ၅၉
ဘၣ်မနုၤအဃိ ဒၤဝံးဘၣ်ဃ့ၢ်ထီၣ်ကွံာ်ဝဲ အဂ့ၢ်
အခီၣ်ထံးခါန့ၣ် စီလူးဘၣ်သူၣ်ဘၣ်သူဝဲ ဒၤဝံး ဘၣ်ဆၣ်လၢခံ အသးက့ၣ်အီၤအဃိ အဲၣ်ဒိးမၤသံအီၤ. ဘၣ်မနုၤအဃိလဲၣ်.
ပူ ၆၀
အဘံၤကါယံးလး ဒီးဒၤဝံး အဂ့ၢ်
အဘံၤကါယံးလးန့ၣ် ကိးဝဲအဝၤလၢ အမ့ၢ်ပှၤအၢပှၤသီ ဘၣ်ဆၣ်တၢ်န့ၣ်မၤပူၤဖျဲးဝဲအသးသမူ—ထဲတစိၢ်တလီၢ်.
ပူ ၆၁
ဒၤဝံးဘၣ် တၢ်ဒုးကဲထီၣ်စီၤပၤ အဂ့ၢ်
တၢ်လၢဒၤဝံးမၤဝဲ ဒီးတမၤဝဲတဖၣ်ဘၣ်န့ၣ် ပာ်ဖျါထီၣ်ဝဲလၢ အကြၢးဝဲဘၣ်ဝဲလၢ ကကဲထီၣ်ဝဲအံၣ်စရ့လးအစီၤပၤ.
ပူ ၆၂
တၢ်ကီတၢ်ခဲအိၣ်ထီၣ်လၢ ဒၤဝံးအဟံၣ်ဖိဃီဖိ အဂ့ၢ်
ခီဖျိလၢအမၤဘၣ် တၢ်ကမၣ်တခါအဃိ အနီၢ်ကစၢ်ဒီးအဟံၣ်ဖိဃီဖိတဖၣ် ကထံၣ်ဘၣ်ဝဲတၢ်ကီတၢ်ခဲအါမးလၢ အါနံၣ်အတီၢ်ပူၤလၢကဟဲတဖၣ်.
ပူ ၆၄
ၡလိၤမိၤသူၣ်ထီၣ် တၢ်လုၢ်ဟံၣ် အဂ့ၢ်
ၡလိၤမိၤန့ၣ် အအိၣ်ဒီးတၢ်ကူၣ်သ့ သနာ်က့ ဘၣ်တၢ်ကွဲန့ၢ်လွဲန့ၢ်အီၤလၢ ကမၤဝဲတၢ်လၢ တကြၢးတဘၣ် ဒီးတၢ်လၢအကမၣ်.
ပူ ၆၇
ယဟိၡၤဖး သန့ၤအသးလၢယဟိဝၤ အဂ့ၢ်
ဘၣ်မနုၤအဃိ သုးမုၢ်သံၣ်ဘိတဖၣ် လဲၤလၢတၢ်ဒုးပျီပူၤဒီး ပှၤသးဝံၣ်တၢ်တဖၣ် အိၣ်လၢအဝဲသ့ၣ်မဲာ်ညါ ဒီးအစုကဝဲၤတအိၣ်ဘၣ်လဲၣ်.
ပူ ၆၈
ပိာ်ခွါဖိသၣ်ခံဂၤ လၢအမူထီၣ်က့ၤ အဂ့ၢ်
ပှၤလၢအသံတဂၤ ဂဲၤဆၢထၢၣ်သမူထီၣ်က့ၤသ့ဧါ. လၢအပူၤကွံာ်န့ၣ် အကဲထီၣ်သးအိၣ်ဝဲ.
ပူ ၆၉
ပိာ်မုၣ်ဖိသၣ်တဂၤ မၤစၢၤပှၤဒိၣ်စိဒိၣ်ကမီၤတဂၤ အဂ့ၢ်
အအိၣ်ဒီးတၢ်သးဒူလၢ အကတဲတၢ်အဂီၢ်, ဒီးကဲထီၣ်ဝဲတၢ်လီၤလး.
ပူ ၇၀
ယိၤနါဒီးညၣ်ဖးဒိၣ် အဂ့ၢ်
ယိၤနါဒိးန့ၢ်ဘၣ်ဝဲ တၢ်မၤလိအရ့ဒိၣ်တခါလၢ ဘၣ်ဃးဒီး ပကဘၣ်မၤဒ်ယဟိဝၤယွၤ တဲပှၤအသိး.
ပူ ၇၁
ကစၢ်ယွၤအတၢ်စံးပာ်အိၣ်လၢ ကဟ့ၣ်ပၤရဒံစူးတခါ အဂ့ၢ်
ပၤရဒံစူးအဆိကတၢၢ်တခါန့ၣ် ဆံးဝဲ မ့မ့ၢ်လၢတၢ်တခါအံၤန့ၣ် ကအိၣ်ဝဲလၢ ဟီၣ်ခိၣ်ဒီဘ့ၣ်
ပူ ၇၂
ကစၢ်ယွၤမၤစၢၤစီၤပၤဃံးစကံယၤ အဂ့ၢ်
လၢတနၤဃီအတီၢ်ပူၤ, မူခိၣ်ကလူးတဂၤ မၤသံဝဲအၤၡူၢ် အသုးဖိတဖၣ်အဂၤ ၁၈၅,၀၀၀. တၢ်စံးဆၢစီၤပၤဃံးစဟကံယၤ အတၢ်ဃ့ထုကဖၣ်.
ပူ ၇၄
ပှၤလၢအပျံၤတၢ်သ့တဂၤ အဂ့ၢ်
ယံးရမံယၤဆိမိၣ်လီၤအသးလၢ အသးစၢ်တလၢ ဒ်သိးကကဲဝဲဝံတဂၤအဂီၢ် ဘၣ်ဆၣ်ကစၢ်ယွၤသ့ၣ်ညါလၢ အမၤဝဲန့ၢ်ဝဲ.
ပူ ၇၅
သးစၢ်ပိာ်ခွါလွံၢ်ဂၤလၢ ဘၤဘူၤလိၣ် အဂ့ၢ်
အဝဲသ့ၣ် ဘၣ်အိၣ်ယံၤဒီးအဟံၣ်ဖိဃီဖိ သနာ်က့ အဝဲသ့ၣ်ဆဲးတီဒီးကစၢ်ယွၤ.
ပူ ၇၆
ဝ့ၢ်ယရူၤၡလ့ၣ် ဘၣ်တၢ်မၤဟးဂီၤအီၤ အဂ့ၢ်
ဘၣ်မနုၤအဃိ ကစၢ်ယွၤကျဲၤလၢ အံၣ်စရ့လးအဒုၣ်အဒါလၢ အမ့ၢ် ဘၤဘူၤလိၣ် ကမၤဟးဂီၤဝဲ ဝ့ၢ်ယရူၤၡလ့ၣ်လဲၣ်.