တၢ်နီၤဖး တဆံတၢ
ဘၣ်မနုၤအဃိ ကစၢ်ယွၤပျဲတၢ်နးတၢ်ဖှီၣ် အခွဲးလဲၣ်
-
တၢ်နးတၢ်ဖှီၣ်လၢ ဟီၣ်ခိၣ်အံၤန့ၣ် မ့ၢ်ယွၤဒုးအိၣ်ထီၣ်ဧါ.
-
တၢ်ဂ့ၢ်အကါဒိၣ်မနုၤ ဟဲပၢၢ်ထီၣ်လၢ ဧ့ၤဒ့ၣ်တၤသၣ်လီၢ်အပူၤလဲၣ်.
-
ပှၤကညီအတၢ်နးတၢ်ဖှီၣ် အဘျုးအၢတဖၣ်န့ၣ် ကစၢ်ယွၤ ကမၤဟးဂီၤကွံာ်ဒ်လဲၣ်.
၁, ၂. မုၢ်မဆါတနံၤအံၤ ပှၤကညီတဖၣ် ထံၣ်ဘၣ်ဝဲ တၢ်နးတၢ်ဖှီၣ်မနုၤတဖၣ်လဲၣ်, လၢတၢ်န့ၣ်အဃိ ပှၤအါဂၤသံကွၢ် တၢ်သံကွၢ်မနုၤတဖၣ်လဲၣ်.
ထံကီၢ်တဘ့ၣ်လၢအတူၢ်ဘၣ် တၢ်ဒုးတၢ်ယၤ အတၢ်ဘၣ်ဒိဘၣ်ထံးဖဲ တၢ်ဒုးတၢ်ယၤလၢ အလီၤပျံၤလီၤဖုးဝံၤအလီၢ်ခံ ကမျၢၢ်ပိာ်မုၣ်ဒီး ဖိသၣ်လၢအကထိတဖၣ် လၢအသံန့ၣ် ဘၣ်တၢ်ခုၣ်လီၤကွံာ်အီၤ တပူၤဃီလၢ တၢ်ပူၤဖးဒိၣ်အပူၤဒီး, ပှၤသူၣ်လီၤ တၢ်ပနီၣ်အထူၣ်တဖၣ် ဝးတရံးတၢ်အံၤအဃၢၤန့ၣ်လီၤ. လၢတၢ်ပနီၣ် ကိးထူၣ်ဒဲးအလိၤန့ၣ် တၢ်ကွဲးလီၤဃာ် လံာ်မဲာ်ဖျၢၣ်လၢ “ဘၣ်မနုၤအဃိလဲၣ်” န့ၣ်လီၤ. တၢ်သံကွၢ်အံၤန့ၣ် ညီနုၢ်ပှၤသံကွၢ်အီၤဖဲ တၢ်ဆၢကတီၢ်လၢ အလီၤသူၣ်အုးသးအုးကတၢၢ် အခါန့ၣ်လီၤ. ပှၤကညီတဖၣ်န့ၣ် ကသံကွၢ်ဝဲ တၢ်သံကွၢ်အံၤလၢ တၢ်သးအုးအပူၤ ဖဲတၢ်ဒုးတၢ်ယၤ, တၢ်တတၢာ်တနါ (ထံဒိၣ်ခိၣ်ယွၤ, မ့ၣ်အူအီၣ်တၢ်, တၢ်ဟးဂူာ်ဟးဂီၤလၢ အမၤအသးသတူၢ်ကလာ်), တၢ်ဆူးတၢ်ဆါ, ကွီၢ်မ့ၣ်အဃိ ပှၤလၢအဲၣ်ဘၣ်ဝဲလၢ အတၢ်ကမၣ်တအိၣ် တဖၣ်ဘၣ်သံကွံာ်, ဒီးအဝဲသ့ၣ် အဟံၣ်အဃီ ဟးဂုာ်ဟးဂီၤ, မ့တမ့ၢ် လၢတၢ်အဂုၤအဂၤအဃိ ကွၢ်ဆၢၣ်မဲာ်ဘၣ်ဝဲ တၢ်ကီတၢ်ခဲလၢ တမုာ်တလၤတဖၣ်အခါန့ၣ်လီၤ. အဝဲသ့ၣ်အဲၣ်ဒိးသ့ၣ်ညါဝဲလၢ ဘၣ်မနုၤအဃိ ဘၣ်ကွၢ်ဆၢၣ်မဲာ်ဘၣ်ဝဲ တၢ်မၤအသး လၢအအၢသ့ၣ်တဖၣ်အံၤန့ၣ်လီၤ.
၂ ဘၣ်မနုၤအဃိ ကစၢ်ယွၤပျဲ တၢ်နးတၢ်ဖှီၣ်အခွဲးလဲၣ်. ယဟိဝၤ ကစၢ်ယွၤန့ၣ် မ့ၢ်ကစၢ်လၢအစိကမီၤဒိၣ်ကတၢၢ်, လၢပှဲၤဒီးတၢ်အဲၣ်တၢ်ကွံဒီး အိၣ်ဒီးတၢ်ကူၣ်သ့, ဒီးမ့ၢ်ကစၢ်လၢ အဲၣ်တၢ်တီတၢ်လိၤသတးဒီး ဘၣ်မနုၤအဃိ ဟီၣ်ခိၣ်အံၤဘၣ်ပှဲၤဒီး တၢ်သူၣ်ဟ့သးဟ့, တၢ်တတီတလိၤ ထဲအံၤညါလဲၣ်. မ့ၢ်နဆိကမိၣ်ဘၣ် တၢ်ဂ့ၢ်တဖၣ်အံၤဧါ.
၃, ၄. (က) တၢ်မနုၤ ပာ်ဖျါထီၣ်ဝဲလၢ ပသံကွၢ်လၢ ဘၣ်မနုၤအဃိ ယွၤပျဲတၢ်နးတၢ်ဖှီၣ်အခွဲးလဲၣ်န့ၣ် တကမၣ်လဲၣ်. (ခ) ဘၣ်ဃးဒီး တၢ်အၢတၢ်သီဒီး တၢ်နးတၢ်ဖှီၣ်န့ၣ် ယဟိဝၤ ဘၣ်အသးဒ်လဲၣ်.
၃ ပသံကွၢ်လၢ ဘၣ်မနုၤအဃိ ကစၢ်ယွၤ ပျဲတၢ်နးတၢ်ဖှီၣ်အခွဲးလဲၣ်န့ၣ် ကမၣ်ဧါ. ဃဘးကူာ် ၁:၃.
ပှၤတနီၤဘၣ်ယိၣ်ဝဲလၢ မ့ၢ်သံကွၢ်တၢ်ဒ်န့ၣ်ဒီး လီၤဂာ်လၢတၢ်စူၢ်တၢ်နာ်တအိၣ် မ့တမ့ၢ် တၢ်ပာ်ကဲ ကစၢ်ယွၤတအိၣ်ဘၣ်န့ၣ်လီၤ. ဘၣ်ဆၣ်, ဖဲပဖးလံာ်စီဆှံအခါ ပကထံၣ်ဘၣ်လၢ ပှၤလၢအတီဒီး ပျံၤယွၤတဖၣ်န့ၣ် သံကွၢ်တၢ်သံကွၢ်ဒ်သိးအံၤ တဖၣ်လီၤ. အဒိ, ဝံဃဘးကူာ် သံကွၢ်ဝဲ ယဟိဝၤဒ်အံၤလီၤ– “နဒုးထံၣ်ယၤလၢတၢ်အၢတၢ်သီ, ဒီးနဒုးကွၢ်ယၤလၢတၢ်နးတၢ်ဖှီၣ် မ့ၢ်အဘၣ်မနုၤလဲၣ်. တၢ်မၤသယုၢ်, ဒီးတၢ်မၤန့ၢ်ဆူၣ်အိၣ်ဝဲလၢယမဲာ်ညါ, တၢ်အ့ၣ်လိာ်ဆိးက့လိာ်အိၣ်ထီၣ်ဝဲ, ဒီးတၢ်ဂ့ၢ်လိာ်ဘှီလိာ် ပာ်ထီၣ်ထီအသးလီၤ.”—၄ ဝံဃဘးကူာ် လၢအတီအံၤ သံကွၢ်တၢ်သံကွၢ် ဒ်သိးအံၤအဃိ ယဟိဝၤ ပာ်အီၤတၢ်ကမၣ်ဧါ. တပာ်တၢ်ကမၣ်ဘၣ်. လၢတၢ်န့ၣ်အလီၢ်, ဃဘးကူာ် အတၢ်ကတိၤလၢ အသးဒီဖျၢၣ်တဖၣ်အံၤ ကစၢ်ယွၤပာ်ဖျါဝဲလၢ လံာ်စီဆှံအတၢ်ကွဲးနီၣ်အပူၤလီၤ. ကစၢ်ယွၤမၤစၢၤအီၤလၢကနၢ်ပၢၢ်ဝဲ တၢ်ဂ့ၢ်တဖၣ်ဂ့ၤဂ့ၤ ဒီးကအိၣ်ဒီးတၢ်နာ်အါအါအဂီၢ်လီၤ. ယဟိဝၤ အဲၣ်ဒိးမၤစၢၤစ့ၢ်ကီးနၤ ဒ်န့ၣ်သိးလီၤ. သ့ၣ်နီၣ်ထီၣ်က့ၤ လံာ်စီဆှံ သိၣ်လိဝဲလၢ ကစၢ် “အသးအိၣ်သု” န့ၣ်တက့ၢ်. (၁ ပ့းတရူး ၅:၇) တၢ်အၢတၢ်သီဒီး တၢ်နးတၢ်ဖှီၣ်လၢ အကဲထီၣ်လၢတၢ်အံၤအဃိန့ၣ် ကစၢ်ယွၤသးဟ့အါန့ၢ်ဒံး ပှၤကညီတက့ၢ်လီၤ. (ယၡါယၤ ၅၅:၈, ၉) မ့မ့ၢ်ဒ်န့ၣ်ဒီး ဘၣ်မနုၤအဃိလၢ ဟီၣ်ခိၣ်အံၤ တၢ်နးတၢ်ဖှီၣ် ဘၣ်အါဝဲထဲအံၤညါလဲၣ်.
ဘၣ်မနုၤအဃိတၢ်နးတၢ်ဖှီၣ် ဘၣ်အါထဲအံၤညါလဲၣ်
၅. ညီနုၢ် ပှၤဟ့ၣ်တၢ်ဂ့ၢ်တၢ်ပီၢ် မနုၤတဖၣ်လၢ တၢ်တဲနၢ်ပၢၢ် ပှၤကညီအတၢ်နးတၢ်ဖှီၣ်အဂ့ၢ်အခါလဲၣ်, ဘၣ်ဆၣ် လံာ်စီဆှံအတၢ်သိၣ်လိန့ၣ် မ့ၢ်မနုၤလဲၣ်.
၅ ပှၤလၢတၢ်ဘူၣ်တၢ်ဘါ အကလုာ်ကလုာ် တဖၣ်န့ၣ် လဲၤဝဲဆူတၢ်ဘူၣ်တၢ်ဘါခိၣ်နၢ်တဖၣ် မ့တမ့ၢ် သရၣ်တဖၣ်အအိၣ် ဒ်သိးကသံကွၢ်ဝဲလၢ ဘၣ်မနုၤအဃိ တၢ်နးတၢ်ဖှီၣ် ဘၣ်ယိၤဘး ၃၄:၁၀.
အါထဲအံၤညါလဲၣ်န့ၣ်လီၤ. အါတက့ၢ်စံးဆၢဝဲလၢ တၢ်နးတၢ်ဖှီၣ်တဖၣ်န့ၣ် မ့ၢ်ယွၤအတၢ်ဘၣ်သးလီၤ, တၢ်ကကဲထီၣ်အသးခဲလၢာ်ဃုာ်ဒီး တၢ်မၤအသးလၢ အလီၤသူၣ်အုးသးအုးတဖၣ်န့ၣ် ဘၣ်တၢ်ပာ်လီၤတ့ၢ်အီၤ လၢပျၢၤလံၤလံၤန့ၣ်လီၤ. ပှၤအါဂၤဒိးန့ၢ်ဘၣ်ဝဲ တၢ်စံးဆၢလၢအမ့ၢ် ယွၤအကျဲဧိၤ ကပူၤဧိၤ တဖၣ်န့ၣ် ပတဲဖျါထီၣ်အီၤ တသ့ဘၣ်လီၤ, ပှၤကညီ—ဖိဒံဖိသၣ်တဖၣ်ဒၣ်လဲာ်—ကစၢ်ယွၤဒုးသံအီၤဒ်သိး ကအိၣ်ဒီးအီၤလၢ မူခိၣ်န့ၣ်လီၤ. ဘၣ်ဆၣ်ဒ်နမၤလိ သ့ၣ်ညါဘၣ်တ့ၢ်လံအသိး ယဟိဝၤ ကစၢ်ယွၤန့ၣ် တမၤတၢ်အၢ နီတဘျီဘၣ်. လံာ်စီဆှံစံးဝဲဒ်အံၤလီၤ– “မ်တၢ်တတီတလိၤ အိၣ်ယံၤဒီးယွၤတက့ၢ်, ဒီးမ်တၢ်အၢတၢ်သီ အိၣ်ယံၤဒီး တၢ်သ့တၢ်လၢာ်တက့ၢ်.”—၆. ဟီၣ်ခိၣ်အတၢ်နးတၢ်ဖှီၣ်အဂီၢ် ဘၣ်မနုၤအဃိ ပှၤအါဂၤ ဆိကမိၣ်ကမၣ်ဒီး ပာ်တၢ်ကမၣ်လၢယွၤအလိၤလဲၣ်.
၆ တၢ်နးတၢ်ဖှီၣ်ခဲလၢာ် လၢဟီၣ်ခိၣ်ချၢအဂီၢ် ဘၣ်မနုၤအဃိ ပှၤကညီတဖၣ် ဆိကမိၣ်ကမၣ်ဒီး ပာ်တၢ်ကမၣ်လၢ ယွၤအလိၤလဲၣ်န့ၣ် နသ့ၣ်ညါစ့ၢ်ကီးဧါ. အါတက့ၢ်န့ၣ် အဝဲသ့ၣ်ဆိကမိၣ်ဝဲလၢ ပှၤပၢဟီၣ်ခိၣ်အံၤ နီၢ်နီၢ်န့ၣ်မ့ၢ် သ့တၢ်လၢာ် ကစၢ်ယွၤအဃိ ပာ်တၢ်ကမၣ်လၢ ကစၢ်အလိၤန့ၣ်လီၤ. လံာ်စီဆှံသိၣ်လိတၢ် ဖျိဖျိဖျါဖျါသနာ်က့ အဝဲသ့ၣ်တသ့ၣ်ညါဝဲ တၢ်မ့ၢ်တၢ်တီလၢ အကါဒိၣ်တဖၣ်ဘၣ်. တၢ်မ့ၢ်တၢ်တီအံၤန့ၣ် နမၤလိသ့ၣ်ညါဝံၤတ့ၢ်လၢ လံာ်အံၤအတၢ်နီၤဖး ၃ အပူၤလံန့ၣ်လီၤ. ပှၤပၢဟီၣ်ခိၣ်အံၤနီၢ်နီၢ်န့ၣ် မ့ၢ်စၤတၣ် မုၣ်ကီၤလံၢ်န့ၣ်လီၤ.
၇, ၈. (က) ဟီၣ်ခိၣ်အံၤ ပာ်ဖျါက့ၤ ပှၤလၢအပၢအီၤ အသကဲးပဝးဒ်လဲၣ်. (ခ) ပှၤကညီ အတၢ်တလၢပှဲၤ, ‘တၢ်ဆၢကတီၢ်ဒီး တၢ်မၤအသးလၢ ပထံၣ်ဆိပာ်တသ့’ အံၤန့ၣ်ဒုးကဲထီၣ် တၢ်နးတၢ်ဖှီၣ်သ့ဒ်လဲၣ်.
၇ လံာ်စီဆှံ ပာ်ဖျါဝဲ တြၢၤကလာ် ဒ်အံၤလီၤ– “ဟီၣ်ခိၣ်ဒီဘ့ၣ်ညါ အိၣ်လၢတၢ်အၢတၢ်သီတဂၤ အတၢ်ပၢအဖီလာ်န့ၣ်လီၤ.” (၁ ယိၤဟၣ် ၅:၁၉, ခစ) နမ့ၢ်ဆိကမိၣ်ကွၢ် တၢ်ဂ့ၢ်အံၤအခါ နကနၢ်ပၢၢ်ထီၣ် တမ့ၢ်ဘၣ်ဧါ. ဟီၣ်ခိၣ်အံၤ ပာ်ဖျါက့ၤ ပှၤနီၢ်သးလၢ ပထံၣ်အီၤလၢ ပမဲာ်တသ့လၢ “အလီန့ၢ်ပှၤဟီၣ်ခိၣ်ဖိ ခဲလၢာ်” အံၤအသကဲးပဝးန့ၣ်လီၤ. (လီၣ်ဖျါ ၁၂:၉) စၤတၣ်မ့ၢ် ပှၤလၢအလီၤသးဟ့, ဒီးပှၤသူၣ်အၢသးသီလၢ အဆှၢကမၣ်ပှၤသ့န့ၣ်လီၤ. လၢတၢ်န့ၣ်အဃိ, ဟီၣ်ခိၣ်လၢအအိၣ်လၢ အဝဲအစိကမီၤဖီလာ်အံၤ အိၣ်ပှဲၤဒီးတၢ်သူၣ်ဟ့သးဟ့, တၢ်လံၣ်တၢ်လီ, တၢ်အၢတၢ်သီလီၤ. တၢ်အံၤမ့ၢ် တၢ်ဂ့ၢ်တမံၤလၢ တၢ်နးတၢ်ဖှီၣ် ဘၣ်အါထဲအံၤညါန့ၣ်လီၤ.
၈ တၢ်ဂ့ၢ်ခံမံၤတမံၤလၢ တၢ်နးတၢ်ဖှီၣ်ဘၣ်အါထဲအံၤညါန့ၣ် ဒ်ပမၤလိဝံၤတ့ၢ်လၢ တၢ်နီၤဖး ၃ အသိး စးထီၣ်လၢ တၢ်ပူထီၣ်တၢ် ဖဲဧ့ၤဒ့ၣ်တၢ်သၣ်လီၢ်အပူၤ လံၤလံၤန့ၣ် ပှၤကညီစံၣ်တဲၤတဲလီၤ ၄:၁; ၈:၉) တၢ်ဂ့ၢ်သၢမံၤတမံၤလၢ တၢ်နးတၢ်ဖှီၣ်ကဲထီၣ်အဂ့ၢ်န့ၣ် မ့ၢ် ‘တၢ်ဆၢကတီၢ်ဒီး တၢ်မၤအသးလၢပထံၣ်ဆိပာ်တသ့’ အဃိန့ၣ်လီၤ. (စံၣ်တဲၤ ၉:၁၁, ဟသ) ဟီၣ်ခိၣ်လၢ တအိၣ်လၢ ယဟိဝၤအတၢ်ပၢဒီး အတၢ်ကဟုကယာ် အဖီလာ်အံၤ, ပှၤကညီတဖၣ်န့ၣ် လဲၤဘၣ်လၢ တၢ်ဆၢကတီၢ်ဒီး တၢ်လီၢ်လၢတကြၢးအိၣ်ဝဲအဃိ ကွၢ်ဆၢၣ်မဲာ်ဘၣ်ဒီး တၢ်နးတၢ်ဖှီၣ်သ့န့ၣ်လီၤ.
တဖၣ် ကဲထီၣ် ပှၤတလၢပှဲၤ, ဒီးပှၤတၢ်ဒဲးဘးဖိန့ၣ်လီၤ. ပှၤတၢ်ဒဲးဘးဖိတဖၣ်န့ၣ် ဂုာ်ကျဲးစၢးဝဲဒ်သိး ကပၢဘၣ်တၢ်အဂီၢ်အဃိ တၢ်ဒုးတၢ်ယၤ, တၢ်မၤအၢမၤနး, တၢ်နးတၢ်ဖှီၣ် ဘၣ်ဟဲကဲထီၣ်အသးလီၤ. (၉. ယဟိဝၤအိၣ်ဒီး တၢ်ဂ့ၢ်အဂ့ၤတမံၤလၢ ကပျဲကဒီး တၢ်နးတၢ်ဖှီၣ်အခွဲးန့ၣ် ဘၣ်မနုၤအဃိ ပနာ်သ့လဲၣ်.
၉ ပသ့ၣ်ညါဘၣ်လၢ တၢ်နးတၢ်ဖှီၣ်တဖၣ်န့ၣ် တမ့ၢ်ကစၢ်ယွၤဒုးကဲထီၣ်အီၤအဃိ မ့ၢ်တၢ်သူၣ်မံသးမုာ်လီၤ. တၢ်ဒုးတၢ်ယၤ, တၢ်မၤသံမၤဝီ, တၢ်မၤအၢမၤနးဒီး, န့ဆၢၣ်အတရဲ တဖၣ်လၢ အမၤနးမၤဖှီၣ် ပှၤအါဂၤန့ၣ် တမ့ၢ်ကဲထီၣ်လၢ ကစၢ်အဃိဘၣ်. ဘၣ်ဆၣ်သနာ်က့ ပကြၢးသ့ၣ်ညါလၢ ဘၣ်မနုၤအဃိ ယဟိဝၤပျဲ တၢ်နးတၢ်ဖှီၣ်ခဲလၢာ်အံၤ အခွဲးလဲၣ်န့ၣ်လီၤ. အဝဲမ့မ့ၢ် သ့တၢ်လၢာ်ကစၢ်ဒီး, တၢ်စိတၢ်ကမီၤလၢ အဒုးအိၣ်ကတီၢ် တၢ်သ့ၣ်တဖၣ်အံၤ ကဘၣ်အိၣ်ဝဲဒၣ်န့ၣ်လီၤ. မ့မ့ၢ်ဒ်န့ၣ်ဒီး ဘၣ်မနုၤအဃိ အဝဲပၢၤဃာ်ဝဲ တၢ်စိကမီၤအံၤလဲၣ်. တၢ်အဲၣ်တၢ်ကွံကစၢ်ယွၤလၢ ပသ့ၣ်ညါအီၤ အအိၣ်န့ၣ်တၢ်ဂ့ၢ်အဂ့ၤ ကအိၣ်တမံၤလီၤ.—၁ ယိၤဟၣ် ၄:၈.
တၢ်ဂ့ၢ်အကါဒိၣ် ဟဲပၢၢ်ထီၣ်
၁၀. စၤတၣ်ထုးထီၣ် တၢ်သံကွၢ်လၢ တၢ်မနုၤအဂီၢ်လဲၣ်, ဒ်လဲၣ်အသိးလဲၣ်.
၁၀ ပကသ့ၣ်ညါ တၢ်ဂ့ၢ်လၢ ကစၢ်ယွၤပျဲ တၢ်နးတၢ်ဖှီၣ်အခွဲးအဂီၢ် အလီၢ်အိၣ်လၢ ပကဘၣ်ဆိမိၣ်ကဒါက့ၤဆူ တၢ်နးတၢ်ဖှီၣ် စးထီၣ်အဆၢကတီၢ်န့ၣ်လီၤ. ဖဲစၤတၣ် ကွဲန့ၢ်လွဲန့ၢ် အၤဒၣ်ဒီးအံၣ်အု လၢဒ်သိးတစူၢ် ယဟိဝၤအခါ, တၢ်သံကွၢ်လၢ အကါဒိၣ်တမံၤ ဟဲပၢၢ်ထီၣ်ဝဲလီၤ. တမ့ၢ်စၤတၣ် တၤဝဲယဟိဝၤ အစိကမီၤဘၣ်. အဝဲသ့ၣ်ညါပာ်ဝဲလၢ ယဟိဝၤ အစိကမီၤန့ၣ် အကတၢၢ်တအိၣ်ဘၣ်န့ၣ်လီၤ. လၢတၢ်န့ၣ်အဃိ မ့ၢ်ဒၣ်စၤတၣ်ထုးထီၣ် တၢ်သံကွၢ်လၢ ယဟိဝၤ အတၢ်ပၢအခွဲးန့ၣ်လီၤ. စၤတၣ်ဆှိးဝဲလၢ ယဟိဝၤမ့ၢ် ပှၤပၢတၢ်လၢအအၢအသီ ခီဖျိစံးဝဲ ကစၢ်ယွၤမ့ၢ်ပှၤလီတၢ်တဂၤဒီး တဟ့ၣ်လီၤတၢ်ဂ့ၤလၢ ပှၤလၢအဒိးပၢအသးလၢ အဖီလာ်တဖၣ်ဘၣ်န့ၣ်လီၤ. (၁ မိၤၡ့ ၃:၂-၅) စၤတၣ်အဲၣ်ဒိးစံးဝဲလၢ ကစၢ်ယွၤအတၢ်ပၢမ့ၢ်တအိၣ်ဘၣ်ဒီး ပှၤကညီတဖၣ်အဂီၢ် ကဂ့ၤဒိၣ်န့ၢ်တက့ၢ်လီၤ. တၢ်အံၤမ့ၢ် တၢ်ထီဒါ ယဟိဝၤ အတၢ်ပၢအစိကမီၤ လၢာ်လၢာ်ဆ့ဆ့ဒီး ကစၢ်အတၢ်ပၢအခွဲးန့ၣ်လီၤ.
၁၁. ဘၣ်မနုၤအဃိ ယဟိဝၤ တမၤဟးဂီၤကွံာ် ပှၤပူထီၣ်တၢ်လၢ ဧ့ၤဒ့ၣ်ပူၤတဖၣ်လဲၣ်.
၁၁ အၤဒၣ်ဒီးအံၣ်အု ပူထီၣ်ယဟိဝၤလီၤ. အဝဲသ့ၣ်စံးဝဲဒ်အံၤလီၤ– ‘အလီၢ်တအိၣ်လၢ ယဟိဝၤကမ့ၢ် ပတၢ်ပၢအကစၢ်ဘၣ်. တၢ်မနုၤဘၣ်, တၢ်မနုၤကမၣ်န့ၣ် ပနီၤဖးဒၣ် ပကစၢ်သ့န့ၣ်လီၤ.’ ယဟိဝၤကသုးကျဲၤဝဲ တၢ်ဂ့ၢ်အံၤဒ်လဲၣ်. ပှၤပူထီၣ်တၢ်တဖၣ်အံၤ ကမၣ်ဒီး ကစၢ်အကျဲဧိၤကပူၤဧိၤန့ၣ် မ့ၢ်တၢ်အဂ့ၤကတၢၢ်နီၢ်နီၢ်အဂ့ၢ်န့ၣ် အစုတၢ်ဘၣ်တ့လၢအိၣ်ဒီး တၢ်သ့ၣ်ညါနၢ်ပၢၢ်ခဲလၢာ်န့ၣ် ကစၢ်သိၣ်လိဝဲ ကသ့ဒ်လဲၣ်. ပှၤတနီၤကစံးဝဲလၢ ကစၢ်ယွၤ ကြၢးမၤဟးဂီၤ ပှၤပူထီၣ်တၢ်တဖၣ်အံၤဒီး စးထီၣ်ကဒီးက့ၤလၢ အခီၣ်ထံးန့ၣ်လီၤ. ဘၣ်ဆၣ် ယဟိဝၤ ပာ်ဖျါအတၢ်တိာ်ပာ်လၢအမ့ၢ် အၤဒၣ်ဒီးအံၣ်အု အဖိအလံၤတဖၣ် ကပှဲၤလၢဟီၣ်ခိၣ် န့ၣ်ဝံၤတ့ၢ်လံအဃိ ကစၢ်အဲၣ်ဒိးလၢ အဝဲသ့ၣ်ကအိၣ်မူ ဖဲဟီၣ်ခိၣ်ပၤရဒံစူးန့ၣ်လီၤ. (၁ မိၤၡ့ ၁:၂၈) ယဟိဝၤမၤလၢပှဲၤထီၣ် အတၢ်တိာ်ပာ်တဖၣ် ထီဘိလီၤ. (ယၡါယၤ ၅၅:၁၀, ၁၁) တကးဘၣ်အမဲာ်ညါ ယဟိဝၤ မ့ၢ်မၤဟးဂီၤ ပှၤပူထီၣ်တၢ်လၢ ဧ့ၤဒ့ၣ်ပူၤတဖၣ်အံၤတဘျီဃီန့ၣ် အဝဲစံးဆၢတၢ်သံကွၢ်လၢ ဘၣ်ဃးဒီး အတၢ်ပၢအခွဲး တသ့လၢၤဘၣ်.
၁၂, ၁၃. စၤတၣ်ကပၢ ဟီၣ်ခိၣ်အံၤ ဒီးပှၤကညီတဖၣ် ကပၢလီၤအသးဒၣ်ဝဲအဂီၢ် ကစၢ်ယွၤဘၣ်ဟ့ၣ်အခွဲးအဂ့ၢ်န့ၣ် ဟ့ၣ်တၢ်အဒိတက့ၢ်.
၁၂ ပကဆိကမိၣ်ကွၢ်သကိး တၢ်အဒိတခါအံၤတက့ၢ်. ပစံးဒၣ်ကလိာ်, သရၣ်တဂၤ သိၣ်လိဝဲ ကၠိဖိတဖၣ်လၢ ကမၤန့ၢ် တၢ်ဒွးအကီအခဲတခါ အစၢဒ်လဲၣ်အဂ့ၢ်လီၤ. ကၠိဖိလၢ အခိၣ်နူာ်ဂ့ၤဒီး ခီၣ်ရီာ်တၢ်သ့တဂၤန့ၣ် စံးဝဲလၢ သရၣ်အတၢ်ဒွးန့ၣ် ကမၣ်လီၤ. ပှၤခီၣ်ရီၣ်
တၢ်အံၤ စံးဝဲသပှၢ်တၢၢ်လၢ အဝဲသ့ၣ်ညါပာ်ဝဲ တၢ်ဒွးအဂ့ၤကတၢၢ်ဒီး ဒ်သိးကပာ်ဖျါဝဲလၢ သရၣ်မ့ၢ်ပှၤလၢ တၢ်သ့တၢ်ဘၣ်တအိၣ်ဘၣ်န့ၣ်လီၤ. ကၠိဖိတနီၤ ဆိကမိၣ်ဝဲလၢ အဝဲစံးတၢ်န့ၣ်မ့ၢ်အဃိ အဝဲသ့ၣ်စ့ၢ်ကီး ကဲထီၣ်ပှၤခီၣ်ရီာ်တၢ်လီၤ. သရၣ်ကြၢးမၤတၢ်မနုၤလဲၣ်. ပှၤခီၣ်ရီာ်တၢ်တဖၣ်န့ၣ် ပှၤမ့ၢ်နီၣ်ထုးထီၣ်ကွံာ်အီၤလၢ ကၠိဒီး အဘျုးမနုၤကအိၣ်လၢ ကၠိဖိအဂုၤအဂၤတဖၣ်အဂီၢ်လဲၣ်. အဝဲသ့ၣ်ကဆိကမိၣ်ဝဲလၢ အတံၤသကိးကၠိဖိဒီး ပှၤလၢအပာ်ဃုာ်ဒီးအီၤတဖၣ် အတၢ်ဘၣ် တမ့ၢ်ဘၣ်ဧါ. ကၠိဖိလၢ တၢ်မၤလိပူၤတဖၣ်န့ၣ် ကဆိမိၣ်ဝဲလၢ သရၣ်အံၤဘၣ်ယိာ်ဝဲလၢ အတၢ်ဒွးအံၤကမၣ်န့ၣ် ကဖျါထီၣ်, ဒီးအဝဲသ့ၣ်အတၢ်ယုးယီၣ်ပာ်ကဲသရၣ် ကစှၤလီၤန့ၣ်လီၤ. ဘၣ်ဆၣ် သရၣ်ကဟ့ၣ်အခွဲးလၢ ပှၤခီၣ်ရီာ်တၢ်အံၤ ကဒွးတၢ်ဒွးအံၤလၢ ကၠိဖိတဖၣ်အံၤ အမဲာ်ညါဒ်လဲၣ်န့ၣ်လီၤ.၁၃ ယဟိဝၤမၤဝဲဒ် သရၣ်အံၤမၤဝဲအသိးလီၤ. သ့ၣ်နီၣ်ထီၣ်က့ၤလၢ ဧ့ၤဒ့ၣ်အပူၤန့ၣ် တအိၣ်ဒၣ်ထဲ ပှၤပူထီၣ်တၢ်တဖၣ်ဘၣ်. မူခိၣ်ကလူးလၢ အကကွဲၢ်တဖၣ်န့ၣ် ခိးကွၢ်တၢ်လီၤ. (ယိၤဘး ၃၈:၇; ဒၤနံးယ့လး ၇:၁၀) ယဟိဝၤအတၢ်သုးကျဲၤလၢ တၢ်ပူထီၣ်အံၤန့ၣ် အဘျုးကအိၣ်အါမးလၢ မူခိၣ်ကလူးတဖၣ်အံၤ ဒီးတၢ်ဘၣ်တ့လၢအိၣ်ဒီး တၢ်သ့ၣ်ညါနၢ်ပၢၢ်ခဲလၢာ် အဖီခိၣ်န့ၣ်လီၤ. လၢတၢ်န့ၣ်အဃိ, ယဟိဝၤမၤတ့ၢ်ဝဲ တၢ်မနုၤလဲၣ်. ကစၢ်ဟ့ၣ်အခွဲးဒ်သိး ကပာ်ဖျါထီၣ်ဝဲ စၤတၣ်ပၢတၢ်လၢ ပှၤကညီတဖၣ် အဖီခိၣ် ဒ်လဲၣ်န့ၣ်လီၤ. ကစၢ်ယွၤ ဟ့ၣ်အခွဲးလၢ ပှၤကညီတဖၣ်စ့ၢ်ကီး ကပၢလီၤအသးလၢ စၤတၣ်အတၢ်ပၢတၢ်ဆှၢ အဖီလာ်န့ၣ်လီၤ.
၁၄. ယဟိဝၤ ပာ်လီၤအသးဒီး ဟ့ၣ်အခွဲးလၢ ပှၤကညီကပၢလီၤအသးဒၣ်ဝဲအဃိ တၢ်အဘျုးမနုၤ ကအိၣ်ထီၣ်လဲၣ်.
၁၄ လၢတၢ်အဒိအပူၤန့ၣ်, ပှၤခီၣ်ရီာ်တၢ်ဒီး ကၠိဖိလၢ ပာ်ဃုာ်ဒီးအီၤတဖၣ် ကမၣ်န့ၣ် သရၣ်သ့ၣ်ညါပာ်ဝဲလီၤ. ဘၣ်ဆၣ် သရၣ်သ့ၣ်ညါဝဲလၢ မ့ၢ်ဟ့ၣ်အခွဲးလၢ အဝဲသ့ၣ်မ့ၢ်ဒွးဝဲလၢ အတၢ်ထံၣ်န့ၣ် အဘျုးကအိၣ်လၢ ကၠိဖိခဲလၢာ်အဂီၢ်လီၤ. ဖဲပှၤခီၣ်ရီာ်တၢ်တဖၣ် ဒွးဝဲတဘၣ်လၢၤအခါ ကၠိဖိလၢ အိၣ်ဒီးတၢ်သးဘျၢ ခဲလၢာ်န့ၣ် ကသ့ၣ်ညါဘၣ်ဝဲလၢ ထဲဒၣ်သရၣ်တဂၤဧိၤန့ၣ် အိၣ်ဒီးတၢ်သ့တၢ်ဘၣ်လၢ ကသိၣ်လိတၢ်လၢ တၢ်မၤလိပူၤန့ၣ်လီၤ. လၢခံန့ၣ် အဝဲသ့ၣ်ကနၢ်ပၢၢ်ဝဲလၢ ဘၣ်မနုၤအဃိ ပှၤထုးထီၣ် ပှၤခီၣ်ရီၣ်တၢ်တဖၣ်လၢ ကၠိန့ၣ်လီၤ. ဒ်န့ၣ်အသိးလီၤ, ယဟိဝၤသ့ၣ်ညါပာ်ဝဲလၢ ပှၤကညီလၢအသူၣ်ဘျၢသးဘျၢတဖၣ်ဒီး မူခိၣ်ကလူးတဖၣ်န့ၣ် ကဒိးန့ၢ်ဘၣ်တၢ်အဘျုးအဖှိၣ်ခီဖျိလၢ အဝဲသ့ၣ်ထံၣ်ဘၣ်ဝဲလၢ စၤတၣ်ဒီး ပှၤပိာ်အခံလၢ အပူထီၣ်တၢ်တဖၣ် အတၢ်မၤတကဲထီၣ်လိၣ်ထီၣ်, ဒီးပှၤကညီတဖၣ် ပၢလီၤအသးဒၣ်ဝဲ တသ့ဘၣ်န့ၣ်လီၤ. ဒ်လၢပျၢၤ ယံးရမံယၤအသိး ကနၢ်ပၢၢ်ထီၣ် တၢ်မ့ၢ်တၢ်တီအံၤန့ၣ်လီၤ– “ယွၤဧၢ, ယသ့ၣ်ညါလၢ ပှၤကညီတပၢဘၣ်အကျဲဘၣ်, ဒီးပှၤလၢအလဲၤတၢ်န့ၣ် စံၣ်ညီၣ်အထွဲတၢ် တသ့ဘၣ်ဝဲဘၣ်.”— ယံးရမံယၤ ၁၀:၂၃.
ဘၣ်မနုၤအဃိ ဘၣ်ယံာ်တ့ၢ်မးထဲအံၤလဲၣ်
၁၅, ၁၆. (က) ဘၣ်မနုၤအဃိ ကစၢ်ယွၤပျဲ တၢ်နးတၢ်ဖှီၣ်အခွဲး ယံာ်တ့ၢ်မးထဲအံၤလဲၣ်. (ခ) ဘၣ်မနုၤအဃိ ယဟိဝၤ တတြီဝဲ တၢ်လီၤပျံၤလီၤဖုးဒ်သိး ကွီၢ်မ့ၣ်တဖၣ်လဲၣ်.
၁၅ မ့မ့ၢ်ဒ်န့ၣ်ဒီး ကစၢ်ယွၤပျဲ တၢ်နးတၢ်ဖှီၣ်အခွဲးန့ၣ် ဘၣ်မနုၤအဃိ ဘၣ်ယံာ်ထဲအံၤလဲၣ်. ဘၣ်မနုၤအဃိ ကစၢ်ယွၤတတြီဝဲ ဒ်သိးတၢ်အၢတၢ်သီ တကဲထီၣ်အဂီၢ်လဲၣ်. ပကဆိကမိၣ်ကွၢ်သကိး လၢတၢ်အဒိအပူၤ, သရၣ်တမၤဝဲတၢ်ခံမံၤ အံၤန့ၣ်တက့ၢ်. တၢတမံၤန့ၣ် ကၠိဖိလၢအခီၣ်ရီာ်တၢ်တဂၤ စးထီၣ်ဒွးတၢ်န့ၣ် တဒုးဆိကတီၢ်ဝဲဘၣ်. ခံမံၤတမံၤန့ၣ် သရၣ်တမ့ၢ်ကဒွးစၢၤ အီၤဘၣ်. ဒ်န့ၣ်အသိးလီၤ, ဆိကမိၣ်ကွၢ် ယဟိဝၤ ပာ်လီၤအသးလၢ တမၤဝဲ တၢ်ခံမံၤန့ၣ်တက့ၢ်. အဆိကတၢၢ်, စၤတၣ်ဒီး ပှၤလၢအပာ်ဃုာ်ဒီးအီၤတဖၣ် ဂုာ်ကျဲးစၢးဝဲဒ်သိး ကဒုးနဲၣ်ဝဲလၢ အဝဲသ့ၣ်အတၢ်ဘၣ်န့ၣ် ကစၢ်တဒုးဆိကတီၢ်အီၤဘၣ်. လၢတၢ်န့ၣ်အဃိ ကစၢ်ဟ့ၣ် အခွဲးလၢ တၢ်ဆၢကတီၢ်လၢ အလိၣ်တဖၣ် ကလၢာ်ကွံာ်အဂီၢ်လီၤ. ပှၤကညီ အတၢ်စံၣ်စိၤတဲစိၤလၢ ယံာ်တ့ၢ်အနံၣ်လၢ အကထိတဖၣ်အပူၤန့ၣ် ပှၤကညီတဖၣ်မၤကွၢ်ဝဲ တၢ်ပၢလီၤက့ၤအသးဒၣ်ဝဲ, မ့တမ့ၢ် ပှၤကညီအတၢ်ပၢတၢ်ပြး အကလုာ်ကလုာ်လီၤ. ပှၤဟီၣ်ခိၣ်ဖိတဖၣ်န့ၣ် လဲၤထီၣ်လဲၤထီလၢ စဲအ့ၣ်တၢ်ကူၣ်ဘၣ်ကူၣ်သ့ ဒီးတၢ်အဂုၤအဂၤတဖၣ် သနာ်က့ တၢ်တတီတလိၤ, တၢ်ဖှီၣ်တၢ်ယာ်, ကွီၢ်မ့ၣ်, ဒီးတၢ်ဒုးတၢ်ယၤတဖၣ်န့ၣ် အၢန့ၣ်အလီၢ်တက့ၢ်လီၤ. ပာ်ဖျါထီၣ်ဝဲ ပှၤကညီအတၢ်ပၢ တကဲထီၣ်လိၣ်ထီၣ် ဘၣ်န့ၣ်လီၤ.
၁၆ ခံမံၤတမံၤန့ၣ် စၤတၣ်အတၢ်ပၢဟီၣ်ခိၣ်အံၤန့ၣ် ယဟိဝၤ တဟ့ၣ်အီၤ တၢ်မၤစၢၤဘၣ်. အဒိ, ကစၢ်ယွၤ မ့ၢ်တြီန့ၢ်ဝဲ ကွီၢ်မ့ၣ်လၢ အလီၤပျံၤလီၤဖုးတဖၣ်န့ၣ် တလီၤဂာ်လၢ မၤစၢၤပှၤပူထီၣ်တၢ်တဖၣ်ဘၣ်ဧါ. ကလီၤဂာ်လၢ ကစၢ်ယွၤမၤဝဲဒ်သိးဒီး ပှၤကညီတဖၣ် ကဆိကမိၣ်ဝဲလၢ အဝဲသ့ၣ်ပၢလီၤက့ၤ အသးဒၣ်ဝဲသ့ဒီး တၢ်ကီတၢ်ခဲတအိၣ်ဘၣ် တမ့ၢ်ဘၣ်ဧါ. ယဟိဝၤ မ့ၢ်မၤဝဲဒ်သိးန့ၣ်ဒီး ကကဲထီၣ်ပှၤတဖုဃီဒီး ပှၤကတိၤ ကဘျံးကဘျၣ်တၢ်န့ၣ်လီၤ. ဘၣ်ဆၣ် “ယွၤကတိၤကဘျံးကဘျၣ်တသ့ဘၣ်.”—ဧ့ၤဘြံ ၆:၁၈.
၁၇, ၁၈. ဘၣ်ဃးဒီးကယဲၢ် တၢ်ဘၣ်ဒိဘၣ်ထံးလၢ ကဲထီၣ်အသးလၢ ပှၤကညီအတၢ်ပၢဒီး မုၢ်ကီၤလံၢ်အစိကမီၤဖီလာ်တဖၣ်န့ၣ် ယဟိဝၤ ကမၤဝဲတၢ်မနုၤလဲၣ်.
၁၇ ဘၣ်ဆၣ် ဘၣ်ဃးဒီးတၢ်ဘၣ်ဒိဘၣ်ထံးလၢ ကဲထီၣ်ဖဲ တၢ်ပူထီၣ်ယွၤ လၢဆၢကတီၢ်ယံာ်တ့ၢ်မး အတီၢ်ပူၤန့ၣ် ပကစံးဒ်လဲၣ်. ပကြၢးသ့ၣ်နီၣ်ထီၣ်လၢ ယဟိဝၤမ့ၢ် သ့တၢ်လၢာ်ကစၢ်န့ၣ်လီၤ. လၢတၢ်န့ၣ်အဃိ, ကစၢ်တြူာ်ကွံာ်ဝဲ ပှၤကညီတဖၣ် အတၢ်နးတၢ်ဖှီၣ် အဘူးအလဲသ့ဒီး ကတြူာ်ကွံာ်ဝဲ သပှၢ်တၢၢ်လီၤ. ဒ်ပမၤလိဝံၤ၁ ယိၤဟၣ် ၃:၈) ယဟိဝၤ ကမၤကဲထီၣ် တၢ်သ့ၣ်တဖၣ်ခဲလၢာ်လၢ အဝဲသ့ၣ်ဆၢဖးကတီၢ်ဝဲ အမုၢ်နံၤမ့ၢ်တုၤန့ၣ်လီၤ. ပသးခုလၢ ကစၢ်ယွၤတစံၣ်ညီၣ်တၢ် ဆိတက့ၢ်အဃိလီၤ, မ့ၢ်လၢ ကစၢ်အတၢ်သးစူၤအဃိ ပမၤလိဘၣ် တၢ်မ့ၢ်တၢ်တီဒီး ပဒိးန့ၢ်ဘၣ် တၢ်အခွဲးအယာ်လၢ ပဘူၣ်ထီၣ်ဘါထီၣ်ဘၣ် ကစၢ်န့ၣ်လီၤ. (၂ ပ့းတရူး ၃:၉, ၁၀) တၢ်အံၤအတီၢ်ပူၤ, ကစၢ်ယွၤဃု ပှၤလၢ အဘူၣ်ထီၣ်ဘါထီၣ်တၢ်လၢ တၢ်သးဘျၢတဖၣ်လၢ တၢ်သူၣ်ဆူၣ်သးဆူၣ်ဒီး ဆၢကတီၢ်ကီခဲအံၤအတီၢ်ပူၤ ကစၢ်မၤစၢၤအဝဲသ့ၣ် ဒ်သိးကယဲၢ်တၢ်နးတၢ်ဖှီၣ်လၢ အကဟဲဘၣ် အဝဲသ့ၣ်တဖၣ်န့ၣ် တူၢ်ဝဲကန့ၢ်အဂီၢ်လီၤ.—ယိၤဟၣ် ၄:၂၃; ၁ ကရံၣ်သူး ၁၀:၁၃.
တ့ၢ်လံအသိး ကတြူာ်ကွံာ် ပဟီၣ်ခိၣ်ဖျၢၣ် အတၢ်ဟးဂုာ်ဟးဂီၤ ခီဖျိကမၤလဲလိာ်ကွံာ် ဟီၣ်ခိၣ်ဆူ ပၤရဒံစူးန့ၣ်လီၤ. ကတြူာ်ကွံာ်ဝဲ တၢ်ဒဲးဘးအဘူးအလဲတဖၣ် ခီဖျိလၢ တၢ်နာ်ယ့ၣ်ၡူး အတၢ်လုၢ်ထီၣ်တၢ်ပှ့ၤက့ၤဒီး ကမၤဟးမၣ်ကွံာ်ဝဲ တၢ်သံအဘူးအလဲ ခီဖျိ တၢ်ဂဲၤထၢၣ်သမူထီၣ်က့ၤန့ၣ်လီၤ. ကစၢ်ယွၤကသူဝဲ ယ့ၣ်ၡူးလၢ ‘ကမၤဟးဂီၤကွံာ် မုၣ်ကီၤလံၢ်အတၢ်မၤတဖၣ်’ န့ၣ်လီၤ. (၁၈ ပှၤတနီၤကဆိကမိၣ်ဘၣ်လၢ ကစၢ်ယွၤမ့ၢ်တ့လီၤ အၤဒၣ်ဒီးအံၣ်အုဒ်သိး ပူထီၣ်တၢ်တသ့အဂီၢ်ဘၣ်ဒီး တၢ်နးတၢ်ဖှီၣ်ခဲလၢာ်အံၤ တြီဃာ်ဝဲကန့ၢ် တမ့ၢ်ဘၣ်ဧါ. နကဒိးန့ၢ်ဘၣ် တၢ်စံးဆၢလၢ တၢ်သံကွၢ်အံၤအဂီၢ် အလီၢ်အိၣ်လၢ နကဘၣ်သ့ၣ်နီၣ်ထီၣ်က့ၤ တၢ်ဟ့ၣ်အလုၢ်ဒိၣ်ပှ့ၤဒိၣ်လၢ ယဟိဝၤဟ့ၣ်နၤန့ၣ်လီၤ.
တၢ်ဟ့ၣ်လၢ ကစၢ်ယွၤဟ့ၣ်နၤန့ၣ် နကသုအီၤဒ်လဲၣ်
၁၉. ယဟိဝၤ ဟ့ၣ်ပှၤတၢ်ဟ့ၣ် အလုၢ်ဒိၣ်ပှ့ၤဒိၣ်မနုၤလဲၣ်, ဘၣ်မနုၤအဃိ ပကြၢးပာ်လုၢ်ပာ်ပှ့ၤတၢ်အံၤလဲၣ်.
၁၉ ဒ်ပမၤလိဝံၤတ့ၢ်လၢ တၢ်နီၤဖး ၅ အသိး ပှၤကညီတဖၣ်န့ၣ် ဘၣ်တၢ်တ့လီၤအီၤလၢ တၢ်သဘျ့လၢ မၤဝဲဒၣ်လၢအသးဒၣ်ဝဲသ့န့ၣ်လီၤ. မ့ၢ်နသ့ၣ်ညါပာ်လၢ တၢ်ဟ့ၣ်အံၤန့ၣ် မ့ၢ်တၢ်ဟ့ၣ်လၢအလုၢ်ဒိၣ်ပှ့ၤဒိၣ်, ဒိၣ်မးန့ၣ်ဧါ. ကစၢ်ယွၤတ့လီၤ ဆၣ်ဖိကီၢ်ဖိအါမးလၢ ပဂံၢ်အီၤတသ့, ဒီးအဝဲသ့ၣ်ဟုးဂဲၤဝဲလၢ တၢ်သ့ၣ်ညါလၢ န့ဆၢၣ်ဟ့ၣ်အီၤန့ၣ်လီၤ. (ကတိၤဒိ ၃၀:၂၄) ရိဘီးတဖၣ်လၢအမ့ၢ် စဲးလၢပှၤကညီတ့အီၤန့ၣ် ဘၣ်တၢ်ဒၢနုာ် တၢ်ရၢၢ်တၢ်ကျဲၤဒ်သိး ကဒိကနၢ် တၢ်ကလုၢ်ကိးမံၤဒဲး အဂီၢ်န့ၣ်လီၤ. ကစၢ်ယွၤ မ့ၢ်တ့လီၤပှၤဒ်သိး ရိဘီးတဖၣ်အံၤန့ၣ် နကသးခုဧါ. တသးခုဘၣ်, ပသးခုလၢ ပအိၣ်ဒီးတၢ်ဃုထၢအခွဲးသဘျ့လၢ ဘၣ်ဃးဒီး ပကမ့ၢ် ပှၤဒ်လဲၣ်တကလုာ်လဲၣ်, ပကလူၤပိာ် တၢ်အိၣ်မူ အကျဲမနုၤလဲၣ်, ပကဃုထၢ တံၤသကိးဒ်လဲၣ် တကလုာ်လဲၣ်န့ၣ်လီၤ. ပမုာ်လၤသးခုလၢ ပဒိးန့ၢ်ဘၣ် တၢ်သဘျ့ဖဲအကြၢးဒီး ကစၢ်ယွၤအဲၣ်ဒိးလၢ ပသးခုဒ်အံၤလီၤ.
၂၀, ၂၁. တၢ်သဘျ့လၢ ပမၤတၢ်လၢပသးဒၣ်ဝဲသ့န့ၣ် ပသူအီၤလၢ ကျဲလၢအဂ့ၤကတၢၢ် ကသ့ဒ်လဲၣ်. ဘၣ်မနုၤအဃိ ကြၢးလၢပအဲၣ်ဒိးမၤ ဒ်သိးန့ၣ်လဲၣ်.
၂၀ ယဟိဝၤ တအဲၣ်ဒိးဝဲ ပှၤမၤအတၢ်မၤလၢ တၢ်မၢဆူၣ်အဖီလာ်ဘၣ်. (၂ ကရံၣ်သူး ၉:၇) ပမ့ၢ်ဟ့ၣ်အဒိန့ၣ်, မိၢ်ပၢ်တဂၤမ့ၢ်မၢဖိသၣ်တဂၤတဲဝဲလၢ “ယအဲၣ် အမိ/အပါလီၤ” ဒီး တၢ်ကတိၤလၢ ဟဲထီၣ်လၢ ဖိသၣ်အံၤအသးပူၤ လၢအတၢ်ဒၣ်အကစၢ်န့ၣ် မိၢ်ပၢ်ကအဲၣ်ဒိးလၢ အဝဲအတၢ်ကတိၤ ဖဲလဲၣ်တခါလဲၣ်. လၢတၢ်န့ၣ်အဃိ, တၢ်သံကွၢ်လၢ ပကဘၣ်သံကွၢ်န့ၣ် မ့ၢ်ကစၢ်ယွၤ ဟ့ၣ်နၤတၢ်သဘျ့လၢ နမၤတၢ်လၢနသးဒၣ်ဝဲသ့န့ၣ် နကသုအီၤဒ်လဲၣ်. စၤတၣ်, အၤဒၣ်ဒီး အံၣ်အုတဖၣ်န့ၣ် သူဝဲတၢ်သဘျ့လၢ မၤဝဲတၢ်လၢအသးဒၣ်ဝဲသ့ လၢကျဲလၢအနးကတၢၢ်န့ၣ်လီၤ. အဝဲသ့ၣ်ဂ့ၢ်လိာ် ယဟိဝၤ ကစၢ်ယွၤန့ၣ်လီၤ. နဲတခီ နကမၤဒ်လဲၣ်.
၂၁ တၢ်အခွဲးအယာ် အိၣ်လၢ နကသူ တၢ်ဟ့ၣ်လီၤလးလၢအမ့ၢ် တၢ်သဘျ့လၢ နမၤတၢ်လၢနသးဒၣ်ဝဲသ့အံၤ လၢကျဲလၢအဂ့ၤကတၢၢ်န့ၣ်လီၤ. နအိၣ်စဲဘူးသ့ဒီး ပှၤအကကွဲၢ်လၢ အအိၣ်ဆၢထၢၣ်လၢ ယဟိဝၤတကပၤန့ၣ်လီၤ. အဝဲသ့ၣ်မၤသးခု ကစၢ်ယွၤအသးလီၤ. မ့ၢ်လၢအဝဲသ့ၣ် ပာ်ဃုာ်လၢတၢ်သူၣ်ဆူၣ်သးဆူၣ် လၢတၢ်ပာ်ဖျါ စၤတၣ်မ့ၢ် ပှၤကတိၤ ကဘျံးကဘျၣ်တၢ်, ပှၤပၢတၢ်လၢ အတဂိာ်တသီၣ်ဘၣ်န့ၣ်လီၤ. (ကတိၤဒိ ၂၇:၁၁) နဲစ့ၢ်ကီး နမၤဒ်န့ၣ်သ့ ခီဖျိနဃုထၢ တၢ်အိၣ်မူကျဲလၢအဘၣ်န့ၣ်လီၤ. ပကတဲဖျါတၢ်ဂ့ၢ်အံၤလၢ တၢ်နီၤဖးလၢခံန့ၣ်လီၤ.