တၢ်ပိာ်ထွဲ
ၡံအိလ် ဒီး ဟ့ဒံစ်န့ၣ် မ့ၢ်မနုၤလဲၣ်
ကျိာ်အခီၣ်ထံးအပူၤ, ဧ့ၤဘြံၤတၢ်ကတိၤ ၡံအိလ်ဒီး အခီပညီလီၤဂာ်ဒီးအီၤ ကရံးစ်တၢ်ကတိၤ ဟ့ဒံစ်န့ၣ် လၢလံာ်စီဆှံပူၤ သူဝဲအဘျီ ၇၀ ဘျဲၣ်လီၤ. တၢ်ကတိၤတဖၣ်အံၤန့ၣ် ဘၣ်ဃးလိာ်သးဒီး တၢ်သံလီၤ. လံာ်စီဆှံကွဲးကျိးတနီၤန့ၣ် ကွဲးကျိးဝဲ တၢ်ကတိၤတဖၣ်အံၤလၢ “တၢ်သွၣ်ခိၣ် [ပျုၤပူၤ],” “လရာ်,” မ့တမ့ၢ် “တၢ်ပူၤ” လီၤ. ဘၣ်ဆၣ် ကျိာ်အါတက့ၢ်န့ၣ် တၢ်ကတိၤတအိၣ်လၢ ကပာ်ဖျါ ဧ့ၤဘြံၤဒီးကရံးစ် တၢ်ကတိၤတဖၣ်အံၤ အခီပညီ လီၤတံၢ်လီၤဆဲးဘၣ်. လၢတၢ်န့ၣ်အဃိ ဟီၣ်ခိၣ်သီ လံာ်စီဆှံကွဲးကျိးန့ၣ် သူဝဲတၢ်ကတိၤတဖၣ်အံၤလၢ “ၡံအိလ်” ဒီး “ဟ့ဒံစ်” လီၤ. တၢ်ကတိၤတဖၣ်အံၤန့ၣ် နီၢ်နီၢ်အခီပညီအိၣ်ဒ်လဲၣ်. လံာ်စီဆှံအဆၢတဖၣ် သူဝဲတၢ်ကတိၤတဖၣ်အံၤ ဒ်လဲၣ်န့ၣ်ပကကွၢ်သကိးတက့ၢ်.
စံၣ်တဲၤ. ၉:၁၀ န့ၣ်စံးဝဲဒ်အံၤလီၤ– “တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤ, တအိၣ်ဘၣ်လၢ ပျုၤပူၤ [“ၡံအိလ်,” ဟသ]ဖဲ နလဲၤတၢ်န့ၣ်ဘၣ်လီၤ.” ၡံအိလ်မ့ၢ် တၢ်ယၢၤဖျါထီၣ် တၢ်သွၣ်ခိၣ်အလီၢ် လီၤလီၤဆီဆီလၢ ပဘျၢလီၤပှၤလၢ ပအဲၣ်ဘၣ်အီၤတဖၣ် မ့တမ့ၢ် ထဲဒၣ်ပှၤတဂၤအဂီၢ်န့ၣ်ဧါ. တမ့ၢ်ဘၣ်. တၢ်ဘျၢလီၤပှၤ လီၤလီၤဆီဆီအလီၢ်, မ့တမ့ၢ် တၢ်သွၣ်ခိၣ်အဂီၢ် လံာ်စီဆှံတသူဝဲ ၡံအိလ် ဒီးဟ့ဒံစ်ဘၣ် ဒီးသူဝဲဧ့ၤဘြံၤဒီး ကရံးစ်အတၢ်ကတိၤ အဂၤတမံၤလီၤ. (၁ မိၤၡ့ ၂၃:၇-၉; မးသဲ ၂၈:၁) အါန့ၢ်အန့ၣ် တၢ်သွၣ်ခိၣ်တခါလၢ တၢ်ဘျၢလီၤ ဟံၣ်ဖိဃီဖိတဒူၣ် မ့တမ့ၢ် ပှၤအါဂၤတပူၤဃီအဂီၢ် လံာ်စီဆှံတသူဝဲ တၢ်ကတိၤလၢအမ့ၢ် “ၡံအိလ်” ဘၣ်.—၁ မိၤၡ့ ၄၉:၃၀, ၃၁.
မ့မ့ၢ်ဒ်န့ၣ်ဒီး “ၡံအိလ်” န့ၣ်ယၢၤဖျါထီၣ်ဝဲ တၢ်လီၢ်မနုၤလဲၣ်. ယွၤအကလုၢ်ကထါ ပာ်ဖျါဝဲလၢ “ၡံအိလ်” မ့တမ့ၢ် “ဟ့ဒံစ်” န့ၣ်ယၢၤဖျါထီၣ်ဝဲ တၢ်သွၣ်ခိၣ်အါမးတကးဘၣ်လီၤ. အဒိ, ပာ်သူၣ်ပာ်သးလၢ ယၡါယၤ ၅:၁၄ န့ၣ်ပာ်ဖျါဝဲလၢ “ပျုၤပူၤ [“ၡံအိလ်,” ဟသ] မၤလဲၢ်ထီၣ်အသး, ဒီးအဲးထီၣ်အထးခိၣ် ဆံးလဲၢ်ဆံးလဲၢ် အနီၣ်ထိၣ်တအိၣ်ဘၣ်” န့ၣ်တက့ၢ်. ပထံၣ်ဘၣ်လၢ ၡံအိလ်န့ၣ် ပှၤဘျၢလီၤ ပှၤအါမးလၢ ပဂံၢ်ထီၣ်ဒွးထီၣ်တသ့ သနာ်က့ လီၤဂာ်လၢ အတၢ်သးလီတလၢာ်ဘၣ်. (ကတိၤဒိ ၃၀:၁၅, ၁၆) တလီၤဂာ်ဒီး တၢ်လီၢ်နီၢ်ကီၢ်လၢ ပှၤဘျၢလီၤပှၤ သ့ဒၣ်စှၤဂၤဘၣ်ဒီး ‘ပျုၤပူၤ [“ၡံအိလ်,” ဟသ] န့ၣ်တပှဲၤဘၣ်ဝဲဘၣ်.’ (ကတိၤဒိ ၂၇:၂၀) ၡံအိလ် ပှဲၤလံန့ၣ် တအိၣ်ဘၣ်. တၢ်တြီတအိၣ်ဘၣ်. လၢတၢ်န့ၣ်အဃိ ၡံအိလ်ဒီး ဟ့ဒံစ်န့ၣ် တမ့ၢ်တၢ်လီၢ် နီၢ်ကီၢ်တခါလၢ တၢ်လီၢ်လီၤလီၤ ဆီဆီတခါဘၣ်. လၢတၢ်န့ၣ်အလီၢ်, အဲၣ်ဒိးစံးဝဲလၢ ကယဲၢ်ပှၤသံခဲလၢာ် အတၢ်သွၣ်ခိၣ်ခဲလၢာ်လီၤ, မ့ၢ်တၢ်လီၢ်ဒိလီၤ တခါလၢ ပှၤအါဂၤမံလၢတၢ်သံ အလီၢ်န့ၣ်လီၤ.
လံာ်စီဆှံ အတၢ်သိၣ်လိလၢ ဘၣ်ဃးဒီး တၢ်ဂဲၤဆၢထၢၣ် သမူထီၣ်က့ၤန့ၣ် မၤစၢၤပှၤလၢ * (ယိၤဘး ၁၄:၁၃; မၤတၢ် ၂:၃၁; လီၣ်ဖျါ ၂၀:၁၃) ကစၢ်ယွၤ အကလုၢ်ကထါ ပာ်ဖျါဝဲလၢ ပှၤလၢအအိၣ်လၢ ၡံအိလ် မ့တမ့ၢ် ဟ့ဒံစ် တဖၣ်န့ၣ် မ့ၢ်ပှၤလၢ အဘူၣ်ထီၣ်ဘါထီၣ် ယဟိဝၤ တဖၣ်တကးဘၣ် ပာ်ဃုာ်ဒီး ပှၤလၢတဘူၣ်ထီၣ်ဘါထီၣ် ကစၢ်တဖၣ်န့ၣ်လီၤ. (၁ မိၤၡ့ ၃၇:၃၅; စံး. ၅၅:၁၄) လၢတၢ်န့ၣ်အဃိ လံာ်စီဆှံသိၣ်လိဝဲလၢ “ပှၤသံအတီမ့ၢ်ဂ့ၤ, တတီမ့ၢ်ဂ့ၤ ကဂဲၤဆၢထၢၣ်က့ၤလီၤ.”—မၤတၢ် ၂၄:၁၅.
ပကနၢ်ပၢၢ်လီၤတံၢ်အါထီၣ် “ၡံအိလ်” ဒီး “ဟ့ဒံစ်” အခီပညီအဂီၢ်န့ၣ်လီၤ. ယွၤအကလုၢ်ကထါ ပာ်ဖျါဘၣ်ဃးဝဲ ၡံအိလ်ဒီး ဟ့ဒံစ်လၢ ပှၤလၢကဂဲၤဆၢထၢၣ် သမူထီၣ်က့ၤတဖၣ် အတၢ်သံန့ၣ်လီၤ.^ လံာ်အဆၢ. 1 လီၤဆီလိာ်သးဒီးတၢ်အံၤန့ၣ်, ပာ်ဖျါဝဲလၢ ပှၤသံတ့ၢ်လၢ တဂဲၤဆၢထၢၣ်လၢၤဘၣ် တဖၣ်န့ၣ်တအိၣ်ဖဲ ၡံအိလ်, မ့တမ့ၢ် ဟ့ဒံစ်ဘၣ်ဒီး အိၣ်ဝဲဖဲ “လရာ် [“ဂဟဲနၢ်,” ဟသ]” န့ၣ်လီၤ. (မးသဲ ၅:၃၀; ၁၀:၂၈; ၂၃:၃၃) ဒ်ၡံအိလ်ဒီး ဟ့ဒံစ်အသိး ဂဟဲနၢ်န့ၣ် တမ့ၢ်တၢ်လီၢ်နီၢ်ကီၢ် တခါဘၣ်.