အကူာ် ၂
တၢ်ဘၣ်ယိၣ်ဘၣ်ဘှီ—“တၢ်မၤတံာ်တာ်ပှၤလၢတၢ်ကိးမံၤဒဲး”
ဒီပုၢ်ဝဲၢ်မုၣ်ကၠူၣ် စံးဝဲလၢ “ဖဲယထီၣ်ပှၢ် ၂၅ နံၣ်ဝံၤအလီၢ်ခံန့ၣ် ယလီၤဖးဒီးယဝၤ ဒီးယဖိပာ်တ့ၢ်ကွံာ်တၢ်မ့ၢ်တၢ်တီလီၤ. တကးဒံးဘၣ် ယတူၢ်ဘၣ်တၢ်ဆူးတၢ်ဆါအါမံၤလီၤ. လၢတၢ်န့ၣ်အဃိ ယသူၣ်လီၤဘှံးသးလီၤတီၤဒီး ယတူၢ်ဘၣ်လၢ ယတၢ်အိၣ်မူအတၢ်မုၢ်လၢ် အမုၢ်လီၤနုာ်လံ. ဒီးတၢ်လၢယဘၣ်လဲၤခီဖျိအီၤသ့ၣ်တဖၣ်အံၤ ယမၤနၢၤအီၤတသ့နီတမံၤလၢၤဘၣ်. ယတထီၣ်တၢ်အိၣ်ဖှိၣ်ဒီး ယတဟးစံၣ်တဲၤတဲလီၤတၢ်လၢၤဘၣ်.”
ပှၤကိးဂၤဒဲးန့ၣ်တူၢ်ဘၣ်ဝဲ တၢ်သူၣ်ကိၢ်သးဂီၤ ဒီးကစၢ်ယွၤအပှၤဂီၢ်မုၢ်ဒၣ်လဲာ် တူၢ်ဘၣ်ဝဲတၢ်ကိၢ်တၢ်ဂီၤစ့ၢ်ကီးလီၤ. ပှၤကွဲးထါစံးထီၣ်ပတြၢၤ ကွဲးဝဲလၢ “ယဆိကမိၣ်တၢ်အါမံၤ” လီၤ. (စံးထီၣ်ပတြၢၤ ၉၄:၁၉) ယ့ၣ်ၡူးစံးဝဲဒၣ် ဖဲမုၢ်နံၤခံကတၢၢ်အတီၢ်ပူၤန့ၣ် “တၢ်ဘၣ်ယိၣ်ဘၣ်ဘီ” လၢပတၢ်အိၣ်မူအပူၤန့ၣ် ဒုးအိၣ်ထီၣ်တၢ်ကီတၢ်ခဲလၢ ပကမၤယဟိဝၤယွၤ အတၢ်မၤအဂီၢ်လီၤ. (လူၤကၣ် ၂၁:၃၄) မ့မ့ၢ်နၤန့ၣ်နတူၢ်ဘၣ်ဒ်လဲၣ်. မ့ၢ်နတူၢ်ဘၣ်လၢ ကျိၣ်စ့တၢ်ကီတၢ်ခဲ, ဟံၣ်ဖိဃီဖိတၢ်ကီတၢ်ခဲ ဒီးတၢ်အိၣ်ဆူၣ်အိၣ်ချ့ အတၢ်ကီတၢ်ခဲလုၢ်ဘၢကွံာ်နၤဧါ. တၢ်ကီတၢ်ခဲလၢ နကွၢ်ဆၢၣ်မဲာ်ဘၣ်သ့ၣ်တဖၣ်န့ၣ် ယဟိဝၤယွၤမၤစၢၤနၤကသ့ဒ်လဲၣ်.
“အစိအကမီၤဒိၣ်ကဲၣ်ဆိး”
တၢ်ဘၣ်ယိၣ်ဘၣ်ဘှီဒ်အံၤသ့ၣ်တဖၣ်န့ၣ် ပလဲၤခီဖျိအီၤလၢ ပနီၢ်ကစၢ်တသ့ဝဲဘၣ်. တၢ်မၢဖိပီလူး ကွဲးဝဲလၢ “တၢ်မၤတံာ်တာ်ပှၤလၢ တၢ်ကိးမံၤဒဲး . . . ပကမၤဒ်လဲၣ်ဒ်လဲၣ် ပကူၣ်တဘၣ်ဘၣ် . . . တၢ်မၤလီၤဃံၤပှၤ” ဘၣ်ဆၣ်ဒီးအဝဲစံးစ့ၢ်ကီးဝဲလၢ “တၢ်ဆီၣ်အံၣ်လီၤပတၢ်တမ့ၢ်ဘၣ်” “မ့မ့ၢ်ပတၢ်မုၢ်လၢ်တဟါမၢ်ဘၣ်” ဒီး “ပတဟးဂီၤဘၣ်.” ဒ်သိးပလဲၤခီဖျိ တၢ်ကီတၢ်ခဲသ့ၣ်တဖၣ်အံၤကန့ၢ်အဂီၢ် တၢ်မနုၤကမၤစၢၤပှၤလဲၣ်. ယဟိဝၤယွၤလၢအမ့ၢ် သ့တၢ်လၢာ်ကစၢ် ကမၤစၢၤပှၤလၢ “အစိအကမီၤဒိၣ်ကဲၣ်ဆိး” န့ၣ်လီၤ.—၂ ကရံၣ်သူး ၄:၇-၉.
လၢအပူၤကွံာ် နဒိးန့ၢ်ဘၣ် “အစိအကမီၤဒိၣ်ကဲၣ်ဆိး” ဒ်လဲၣ်န့ၣ် ဆိကမိၣ်ကွၢ်တက့ၢ်. မ့ၢ်နသ့ၣ်နီၣ်ထီၣ် တၢ်စံၣ်တဲၤတဲလီၤတၢ်တခါလၢ အဟ့ၣ်ဂံၢ်ဟ့ၣ်ဘါနၤဒီးမၤစၢၤနၤဒ်သိး နကပာ်လုၢ်ပာ်ပှ့ၤယဟိဝၤယွၤ အတၢ်အဲၣ်လၢအတီန့ၣ်ဧါ. ဖဲနသိၣ်လိပှၤဂၤ ဘၣ်ဃးဒီးတၢ်မုၢ်လၢ်လၢ ပကအိၣ်မူဘၣ်လၢ ပၤရဒံစူးအပူၤအခါ မ့ၢ်နတၢ်နာ်ယဟိဝၤယွၤဟဲအါထီၣ်ဝဲဧါ. ဖဲပလဲၤထီၣ်ခရံာ်ဖိတၢ်အိၣ်ဖှိၣ်ရိဖှိၣ်ဒီး တဲဘၣ်ပှၤဂၤလၢပတၢ်စူၢ်တၢ်နာ်အခါ ပဒိးန့ၢ်ဘၣ်တၢ်ဂံၢ်တၢ်ဘါ လၢပလဲၤခီဖျိတၢ်ဘၣ်ယိၣ်ဘၣ်ဘှီ လၢပတၢ်အိၣ်မူပူၤကသ့အဂီၢ်လီၤ. ဒီးအဂၤတမံၤန့ၣ် ပဒိးန့ၢ်ဘၣ်တၢ်သူၣ်မံသးမုာ် ဒ်သိးပဆဲးမၤယဟိဝၤယွၤအတၢ်မၤ လၢတၢ်သးခုအပူၤကသ့အဂီၢ်န့ၣ်လီၤ.
“လ့ၣ်ကွၢ်, ဒီးထံၣ်လၢယွၤမ့ၢ်တၢ်ဂ့ၤန့ၣ်တက့ၢ်”
ဘၣ်သ့ၣ်သ့ၣ်နကတူၢ်ဘၣ်လၢ နအိၣ်ဒီးမူဒါအါမံၤလီၤ. အဒိ ယဟိဝၤယွၤမၢနပာ်ဆိအဘီအမုၢ်ဒီး နီၢ်သးအတၢ်ဖံးတၢ်မၤတဖၣ် လၢနီၣ်ဂံၢ်တၢန့ၣ်လီၤ. (မးသဲ ၆:၃၃; လူၤ ၁၃:၂၄) ဘၣ်ဆၣ်သနာ်က့ တၢ်ထီဒုၣ်ထီဒါတဖၣ်, တၢ်အိၣ်ဆူၣ်အိၣ်ချ့အတၢ်ကီတၢ်ခဲ ဒီးဟံၣ်ဖိဃီဖိအတၢ်ကီတၢ်ခဲ မ့ၢ်မၤလၢာ်ကွံာ်နဂံၢ်နဘါန့ၣ် နကမၤဒ်လဲၣ်. မ့တမ့ၢ် နတၢ်ဖံးတၢ်မၤမ့ၢ်ထုးကွံာ် နတၢ်ဆၢကတီၢ်ဒီး မ့ၢ်မၤလၢာ်ကွံာ်နဂံၢ်နဘါ ဒီးမၤတံာ်တာ်နၤတုၤဒၣ်လဲာ် နထီၣ်တၢ်အိၣ်ဖှိၣ်တညီလၢၤဘၣ်န့ၣ် နကမၤဒ်လဲၣ်. တၢ်လၢနကဘၣ်မၤအီၤအိၣ်အါဒီး နတၢ်ဆၢကတီၢ်ဒီး နတၢ်ဂံၢ်တၢ်ဘါအိၣ်စှၤဝဲအဃိ ဘၣ်သ့ၣ်သ့ၣ်နကတူၢ်ဘၣ်လၢ နမၤတကဲလၢၤဘၣ်. တဘျီတခီၣ်နကတူၢ်ဘၣ်လၢ ယဟိဝၤယွၤမုၢ်လၢ်တၢ်လၢနအိၣ်န့ၣ် အါတလၢကွံာ်အခၢးလီၤ.
နီၢ်နီၢ်န့ၣ် ယဟိဝၤယွၤမ့ၢ်ပှၤလၢ အနၢ်ပၢၢ်စၢၤပှၤအဃိ အဝဲတမုၢ်လၢ်တၢ်လၢပအိၣ် အါန့ၢ်ဒံးတၢ်လၢပဟ့ၣ်အီၤသ့ဝဲန့ၣ်ဘၣ်. ဒီးအဝဲသ့ၣ်ညါဝဲလၢ ပတူၢ်ဘၣ်တၢ်သူၣ်ကိၢ်သးဂီၤလၢ နီၢ်ခိဒီးနီၢ်သးအဃိ ပလိၣ်ဘၣ်တၢ်ဆၢကတီၢ်လၢ ပကအိၣ်ဘှံးအိၣ်သါအဂီၢ်လီၤ.—စံးထီၣ်ပတြၢၤ ၁၀၃:၁၃, ၁၄.
အဒိ ယဟိဝၤယွၤကဟုကယာ် ဝံအ့ၤလံယၤလၢကျဲဒ်လဲၣ်န့ၣ် ဆိကမိၣ်ကွၢ်တက့ၢ်. ဖဲဝံအ့ၤလံယၤအသးဟးဂီၤဒီး ပျံၤတၢ်ဖုးတၢ်အခါ အဝဲဃ့ၢ်ကွံာ်ဆူပှၢ်မုၢ်ကနၢန့ၣ်လီၤ. မ့ၢ်ယဟိဝၤယွၤသိၣ်အီၤ ဒီးမၤလိာ်အီၤဒ်သိး အဝဲကက့ၤဖီၣ်ထီၣ်က့ၤအမူဒါဧါ. တမ့ၢ်ဘၣ်. ယဟိဝၤယွၤ ဆှၢလီၤအမူခိၣ်ကလူးခံဘျီ လၢအကလဲၤမၤဂဲၤထၢၣ် ဝံအ့ၤလံယၤလၢတၢ်အဲၣ်တၢ်ကွံအပူၤ ဒီးဟ့ၣ်အီၤတၢ်အီၣ်လၢ အကအီၣ်ဝဲအဂီၢ်လီၤ. အသီ ၄၀ လဲၤပူၤကွံာ်ဝဲဘၣ်ဆၣ် ဝံအ့ၤလံယၤ အတၢ်သူၣ်ကိၢ်သးဂီၤဒီး အတၢ်ပျံၤတၢ်ဖုးတလီၤမၢ်ဝဲဘၣ်. မ့ၢ်ယဟိဝၤယွၤမၤစၢၤ ဝံအ့ၤလံယၤလၢကျဲအဂၤမနုၤတဖၣ်လဲၣ်. တၢတမံၤန့ၣ် ယဟိဝၤယွၤဒုးနဲၣ်အီၤတၢ်စိတၢ်ကမီၤ ဒီးဒုးနာ်န့ၢ်အီၤလၢ ကစၢ်ဒီသဒၢအီၤသ့ဝဲလီၤ. ခံမံၤတမံၤန့ၣ် ယဟိဝၤယွၤမၤမုာ်ထီၣ် စီၤအ့ၤလံယၤအသးလၢ “တၢ်ကလုၢ်က၁ စီၤပၤ ၁၉:၁-၁၉, ခ့ခါစှီၤကျိာ်) ပဒိးန့ၢ်ဘၣ် တၢ်မၤလိမနုၤလဲၣ်. ဖဲတၢ်ဘၣ်ယိၣ်ဘၣ်ဘှီလုၢ်ဘၢ ဝံအ့ၤလံယၤအခါ ယဟိဝၤယွၤရ့ဒီးအီၤလၢ တၢ်သူၣ်စူၤသးစူၤအပူၤ ဒီးလၢတၢ်သးကညီၤအပူၤလီၤ. ယဟိဝၤယွၤအတၢ်ပာ်သူၣ်ပာ်သး တဆီတလဲဝဲဘၣ်. အဝဲကဟုကယာ်ပှၤ ဒီးသူၣ်အိၣ်သးအိၣ်ပှၤ ဒ်ဝံအ့ၤလံယၤအသိးလီၤ.
ပုာ်လုး” န့ၣ်လီၤ. ယဟိဝၤယွၤဒုးသ့ၣ်ညါ ဝံအ့ၤလံယၤလၢ ပှၤအဂၤလၢအကထိတဖၣ် ဘူၣ်ထီၣ်ဘါထီၣ်ကစၢ်အိၣ်ဒံးဝဲလီၤ. တၢ်န့ၣ်အလီၢ်ခံ ဝံအ့ၤလံယၤသးဆူၣ်ထီၣ်က့ၤလၢ ကမၤကဒီးဝံအတၢ်မၤလၢ အသီတဘျီန့ၣ်လီၤ. (ဖဲနဆိကမိၣ်လၢ နမၤယဟိဝၤယွၤအတၢ်မၤ ကသ့ဝဲထဲလဲၣ်န့ၣ် နကဘၣ်နၢ်ပၢၢ်လီၤက့ၤ နနီၢ်ကစၢ်အတၢ်အိၣ်သးန့ၣ်လီၤ. တၢ်လၢနမၤအီၤသ့လၢအပူၤကွံာ်န့ၣ် တဘၣ်ထိၣ်သတြီၤအီၤဒီး တၢ်လၢနမၤအီၤသ့လၢ မုၢ်မဆါတနံၤအံၤတဂ့ၤ. ပကကွၢ်သကိးတၢ်အဒိတခါ– ပှၤဃ့ၢ်ပြၢတၢ်တဂၤ ပတုာ်ဝဲအတၢ်ဟူးတၢ်ဂဲၤ လၢအလါတဖၣ်အလါ အနံၣ်တဖၣ်အနံၣ်အဃိ အဝဲကဃ့ၢ်က့ၤဒ်အလီၢ်လီၢ် တန့ၢ်တဘျီဃီဘၣ်. လၢတၢ်န့ၣ်အလီၢ် အဝဲပာ်လီၤဖီတၢၣ်ဆံးဆံးဖိ ဒ်သိးကမၤဒိၣ်ထီၣ်အတၢ်ဂံၢ်တၢ်ဘါအဂီၢ်လီၤ. ဒ်န့ၣ်အသိး ခရံာ်ဖိတဖၣ်န့ၣ် လီၤဂာ်ဒ် ပှၤဃ့ၢ်ပြၢတၢ်တဖၣ်အသိးန့ၣ်လီၤ. အဝဲသ့ၣ်ကဘၣ်ပာ်လီၤအတၢ်ပညိၣ် လီၤတံၢ်လီၤဆဲး လၢကမၤလၢပှဲၤထီၣ်ဝဲ အတၢ်တိာ်ပာ်အဂီၢ်လီၤ. (၁ ကရံၣ်သူး ၉:၂၄-၂၇) လၢတၢ်န့ၣ်အဃိ လၢနီၢ်သးတကပၤစ့ၢ်ကီး နမ့ၢ်ပာ်လီၤဖီတၢၣ်တခါလၢ နမၤလၢပှဲၤအီၤသ့န့ၣ်ဂ့ၤဝဲလီၤ. အဒိ ဘၣ်သ့ၣ်သ့ၣ်နကအဲၣ်ဒိးပာ်လီၤ ဖီတၢၣ်လၢနကလဲၤထီၣ် ခရံာ်ဖိတၢ်အိၣ်ဖှိၣ်ရိဖှိၣ်တဘျီလီၤ. ဃ့လၢယဟိဝၤယွၤ ကမၤစၢၤနၤဒ်သိးနကမၤလၢပှဲၤထီၣ် နဖီတၢၣ်ကသ့အဂီၢ်တက့ၢ်. ဖဲနမၤဒိၣ်ထီၣ်ထီထီၣ် နီၢ်သးအဂံၢ်အဘါအခါ နက “လ့ၣ်ကွၢ်, ဒီးထံၣ်လၢယွၤမ့ၢ်တၢ်ဂ့ၤန့ၣ်” လီၤ. (စံးထီၣ်ပတြၢၤ ၃၄:၈) ဖဲနပာ်ဖျါထီၣ် နတၢ်အဲၣ်ယဟိဝၤယွၤအဆၢကတီၢ် မ့မ့ၢ်တၢ်လၢအဆံးကိာ်ဖိဒၣ်လဲာ် ယဟိဝၤယွၤပာ်လုၢ်ပာ်ပှ့ၤဝဲလီၤ.—လူၤကၣ် ၂၁:၁-၄.
“တၢ်ဟ့ၣ်ဂံၢ်ဟ့ၣ်ဘါလၢ ယမုၢ်လၢ်တ့ၢ်အီၤ”
ဒီပုၢ်ဝဲၢ်မုၣ်ကၠူၣ် ကဟဲက့ၤကဒါက့ၤလၢ ယဟိဝၤယွၤအအိၣ်အဂီၢ် ကစၢ်မၤစၢၤအီၤဒ်လဲၣ်. အဝဲစံးဝဲလၢ– “ယဆဲးဃ့ဘါထုကဖၣ်လၢ ယဟိဝၤယွၤအအိၣ် ဒ်သိးအဝဲကမၤစၢၤယၤလီၤ. ယဒဲၣ်မုၣ်တဲဘၣ်ယၤလၢ ကဝီၤအတၢ်အိၣ်ဖှိၣ် ကအိၣ်လၢယဝ့ၢ်ပူၤလီၤ. ယပာ်လီၤယသးလၢ ယကလဲၤထီၣ်ကဝီၤအတၢ်အိၣ်ဖှိၣ်တသီလီၤ. ဖဲယလဲၤထီၣ်ကဝီၤတၢ်အိၣ်ဖှိၣ်လၢ ယဟိဝၤယွၤအပှၤဂီၢ်မုၢ်အကျါ အဆၢကတီၢ်န့ၣ် မ့ၢ်တၢ်လၢ အမၤသူၣ်မံသးမုာ်ယၤဒိၣ်မးလီၤ. ကဝီၤအတၢ်အိၣ်ဖှိၣ်တခါအံၤ မ့ၢ်တၢ်ဟ့ၣ်ဂံၢ်ဟ့ၣ်ဘါလၢ ယမုၢ်လၢ်တ့ၢ်အီၤဖးယံာ်လံ. ခဲအံၤ ယမၤကဒီးယဟိဝၤယွၤအတၢ်မၤ လၢတၢ်သးခုအပူၤလီၤ. ဒီးယသ့ၣ်ညါလၢယအိၣ်ဒၣ်ယတၢ် ဒီးမၤဖဲဒၣ်ယကျိာ်ယကျာ်န့ၣ်တသ့ဘၣ်. တၢ်ဆၢကတီၢ်အိၣ်တ့ၢ်ဒံးလၢယဂီၢ် ဒ်သိးယကဟဲက့ၤကဒါက့ၤအဃိ ယသးခုစံးဘျုးဘၣ်ကစၢ်ယွၤဒိၣ်မးလီၤ.