တၢ်ကတိၤကျၢၢ်တံၢ်
လၢညါ ဖဲနရ့လိာ်မုာ်လိာ်နသးဒီး ယဟိဝၤယွၤအခ့အပှၤတဖၣ် ဒ်သိးဒီး တၢ်အိၣ်ဖှိၣ်ရိဖှိၣ်လၢ အဟ့ၣ်ဂံၢ်ဟ့ၣ်ဘါပှၤမ့ၢ်ဂ့ၤ တၢ်အိၣ်ဖှိၣ်ဖးဒိၣ်လၢ အလီၤသူၣ်ပိၢ်သးဝးမ့ၢ်ဂ့ၤ တၢ်လဲၤခီဖျိလၢ တၢ်စံၣ်တဲၤတဲလီၤတၢ်အပူၤမ့ၢ်ဂ့ၤ မ့တမ့ၢ် တၢ်ကတိၤသကိးတၢ်ဒီး ပှၤစူၢ်တၢ်နာ်တၢ်ကဒဲကဒဲမ့ၢ်ဂ့ၤ မ့ၢ်နသ့ၣ်နီၣ်ထီၣ်ဒံးဧါ. နီၢ်နီၢ်န့ၣ် နတသးပ့ၤနီၣ် ယဟိဝၤယွၤဘၣ်. ဒီးအဝဲစ့ၢ်ကီး တသးပ့ၤနီၣ်နၤဘၣ်. ကစၢ်သ့ၣ်နီၣ်ထီၣ်ဝဲလၢ နမၤအတၢ်မၤလၢ တၢ်သးတီအပူၤလီၤ. ဒီးအသးအိၣ်မၤစၢၤနၤလၢ နကဟဲက့ၤကဒါက့ၤ ဆူအအိၣ်လီၤ.
“ကစၢ်ယွၤစံးဒ်အံၤ ကွၢ်ကွၢ်, ယဲဒၣ်အံၤ ယၤဒၣ်လဲာ်, ယကဃုယသိတဖု, ဒီးယကချုအီၤ” ဒီး “ဒ်ပှၤကွၢ်သိဃုအသိတဖုလၢ မုၢ်တနံၤလၢအအိၣ်လၢ အသိလၢအလီၤပြံလီၤပြါ အကျါအသိးန့ၣ် ယကဃုယသိတဖုဒ်န့ၣ်သိး, ဒီးမၤပူၤဖျဲးအီၤလၢ ကယဲၢ်တၢ်အလီၢ်လၢ အလီၤပြံလီၤပြါ” န့ၣ်လီၤ.—ယဃ့းစက့လး ၃၄:၁၁, ၁၂.
