၁. ဖး ကတိၤဒိ ၁၃:၂၀.

• ဘၣ်မနုၤအဃိ အရ့ဒိၣ်လၢ နကဘၣ်ဃုထၢ နသကိးတဖၣ် လီၤတံၢ်လီၤဆဲးလဲၣ်.

  (ကွၢ် တၢ်မၤလိ ၄၈.)

၂. လံာ်စီဆှံ အတၢ်ဟ့ၣ်ကူၣ် အိၣ်လၢ

• ဝၤဒီးမါအဂီၢ် ဒ်လဲၣ်.

• မိပါဒီးဖိတဖၣ်အဂီၢ် ဒ်လဲၣ်.

  (ကွၢ် တၢ်မၤလိ ၄၉ ဒီး ၅၀.)

၃. ယဟိဝၤယွၤ ဘၣ်သူၣ်ဘၣ်သးဝဲ တၢ်ကတိၤဒ်လဲၣ် တကလုာ်လဲၣ်. ယဟိဝၤယွၤ တဘၣ်သူၣ်ဘၣ်သးဝဲ တၢ်ကတိၤ ဒ်လဲၣ်တကလုာ်လဲၣ်.

၄. ဖဲပဃုထၢလၢ ပကကူတၢ်ကၤတၢ်ဒ်လဲၣ် ဒီးပကမၤဃံမၤလၤထီၣ်ပသး ဒ်လဲၣ်အခါ ပကြၢးမၤထွဲ လံာ်စီဆှံ အတၢ်ဟံးစုနဲၣ်ကျဲ မနုၤတဖၣ်လဲၣ်.

၅. နဃုထၢ တၢ်မၤမုာ်မၤဖှံသး လၢအမၤသးခု ယဟိဝၤယွၤအသး ကသ့ဒ်လဲၣ်.

၆. ဖး မးသဲ ၂၄:​၄၅-၄၇.

• “ကုၢ်လၢအတီ ဒီးအကူၣ်တၢ်သ့” န့ၣ်မ့ၢ်မတၤလဲၣ်.

  (ကွၢ် တၢ်မၤလိ ၅၄.)

၇. ပဆီၣ်ထွဲတၢ်အိၣ်ဖှိၣ် ခီဖျိ ပကျိၣ်စ့မ့ၢ်ဂ့ၤ, ပတၢ်ဆၢကတီၢ်မ့ၢ်ဂ့ၤ ဒီးပဂံၢ်ပဘါမ့ၢ်ဂ့ၤ ကသ့ဒ်လဲၣ်.

၈. ဖး စံးထီၣ်ပတြၢၤ ၁၃၃:၁.

• ဒ်သိး တၢ်အိၣ်ဖှိၣ် ကအိၣ်ဒီး တၢ်ဃူတၢ်ဖိးအဂီၢ် နမၤကသ့ဒ်လဲၣ်.

  (ကွၢ် တၢ်မၤလိ ၅၆.)

၉. ပမ့ၢ်မၤဘၣ် တၢ်ကမၣ်ဖးဒိၣ်န့ၣ် ပဒိးန့ၢ်ဘၣ် ယဟိဝၤယွၤ အတၢ်မၤစၢၤ ကသ့ဒ်လဲၣ်.

၁၀. ဖး ၁ ကွဲးနီၣ်တၢ် ၂၈:၉.

• ဖဲပှၤဂၤပာ်တ့ၢ်ကွံာ် တၢ်မ့ၢ်တၢ်တီ မ့တမ့ၢ် ထီဒါဝဲ တၢ်ဘူၣ်တၢ်ဘါ အမ့ၢ်အတီအခါ နပာ်ဖျါထီၣ်လၢ နဘူၣ်ထီၣ်ဘါထီၣ် ယဟိဝၤယွၤ “လၢနသးဒီဖျၢၣ်” ကသ့ဒ်လဲၣ်.

• ဒ်သိး နကဆဲးသးတီဒီး ယဟိဝၤယွၤ ဒီးဒ်သိးနတမၤဘၣ်ဃး နသးဒီး တၢ်ဘူၣ်တၢ်ဘါကမၣ် လၢၤတဂ့ၤအဂီၢ် တၢ်လၢနဘၣ်ပတုာ်န့ၣ် အိၣ်တမံၤမံၤဧါ.

  (ကွၢ် တၢ်မၤလိ ၅၈.)

၁၁. နအိၣ်ကတဲာ်ကတီၤပာ်စၢၤနသး လၢတၢ်မၤအၢမၤနးအဂီၢ် ကသ့ဒ်လဲၣ်.

၁၂. ဒ်သိး နကဆဲးမၤဂၢၢ်ကျၢၤထီၣ် နတၢ်ရ့လိာ်သးဒီး ယဟိဝၤယွၤအဂီၢ် နပာ်လီၤသးလၢ နကမၤမနုၤလဲၣ်.