ယ့ၣ်ၡူးမၤဝဲဒ်လဲၣ်

ပမၤလိန့ၢ်တၢ်လၢ ယ့ၣ်ၡူးအအိၣ်ဒ်လဲၣ်

၂. ပမ့ၢ်စးထီၣ်တဲတၢ်ဂ့ၢ်လၢ အကထုးန့ၢ်ပှၤဂၤအသးန့ၣ် ဘၣ်သ့ၣ်သ့ၣ် တၢ်ခွဲးတၢ်ယာ် ကအိၣ်ထီၣ်လၢ ပကတဲသကိးဘၣ်တၢ်ဒီးပှၤဂၤ.

 ကွၢ်လိမၤဒိးယ့ၣ်ၡူး

၃. ဆီတလဲသးဒ်တၢ်အိၣ်သးအိၣ်ဝဲအသိး. တဘၣ်စးထီၣ်တဲထဲ တၢ်ဂ့ၢ်လၢ နဆိကမိၣ်ပာ်လၢ နကတဲအီၤန့ၣ်တဂ့ၤ. တဲတၢ်ဂ့ၢ်လၢ ပှၤသူၣ်အိၣ်သးအိၣ်ဝဲတက့ၢ်. သံကွၢ်လီၤနသးလၢ–

1.   က. ‘တနံၤညါအံၤန့ၣ် တၢ်ကစီၣ်အသီအိၣ်မနုၤလဲၣ်.’

2.  ခ. ‘ပှၤလၢယခိၣ်ယဃၢၤ, ယသကိးလၢတၢ်မၤလီၢ် ဒီးတံၤသကိးလၢကၠိတဖၣ် တဲဝဲဘၣ်ဃးဒီး တၢ်ဂ့ၢ်မနုၤလဲၣ်.’

၄. ပာ်သူၣ်ပာ်သး တၢ်အိၣ်လၢနခိၣ်နဃၢၤ. သံကွၢ်လီၤနသးလၢ–

1.   က. ‘ပှၤတဂၤန့ၣ် မၤတၢ်မနုၤလဲၣ် ဒီးအဝဲဆိကမိၣ်တၢ်မနုၤလဲၣ်.’

2.  ခ. ‘ပှၤတဂၤအံၤ အတၢ်ကူတၢ်ကၤ, အတၢ်အိၣ်ထီၣ်အိၣ်လီၤဒီးအဟံၣ်အဃီန့ၣ် ပာ်ဖျါထီၣ်လၢ အတၢ်စူၢ်တၢ်နာ် ဒီးအတၢ်ဆဲးတၢ်လၤအိၣ်ဒ်လဲၣ်.’

3.  ဂ. ‘အခဲအံၤ ယမ့ၢ်တဲသကိးတၢ်ဒီး ပှၤတဂၤအံၤန့ၣ် မ့ၢ်အကြၢးဝဲဘၣ်ဝဲလံဧါ.’

၅. ဒိကနၣ်တၢ်ထံထံ.

1.   က. တဘၣ်တဲတၢ်အါအါတဂ့ၤ.

2.  ခ. ဟ့ၣ်ဂံၢ်ဟ့ၣ်ဘါပှၤဂၤလၢ အကတဲဖျါထီၣ် အတၢ်ထံၣ်. မ့ၢ်ကြၢးမ့ၢ်ဘၣ်န့ၣ် သံကွၢ်အီၤတၢ်သံကွၢ်တဖၣ်.