က့ၤကဒါက့ၤလၢအဝဲသ့ၣ်အိၣ်
တၢ်မၤလိ ၇
ဂုာ်ကျဲးစၢးမၤစၢၤပှၤဂၤ
တၢ်ဂ့ၢ်လၢအရ့ဒိၣ် “အဝဲသ့ၣ်ဆဲးသိၣ်လိတၢ် ဒီးစံၣ်တဲၤတဲလီၤ တၢ်သးခုကစီၣ်.”—မၤတၢ် ၅:၄၂.
စီၤပီလူးမၤဝဲဒ်လဲၣ်
၁. ကွၢ် တၢ်ဂီၤမူ ဒီး ဖး မၤတၢ် ၁၉:၈-၁၀. ဝံၤဒီးတဲသကိး တၢ်သံကွၢ်လၢလာ်တဖၣ်အံၤ–
ပမၤလိန့ၢ်တၢ်လၢ စီၤပီလူးအအိၣ်ဒ်လဲၣ်
၂. ပကဘၣ်ဟ့ၣ်လီၤ ပတၢ်ဆၢကတီၢ် ဒီးထဲးဂံၢ်ထဲးဘါ ဒီးက့ၤကဒါက့ၤလၢ ပှၤသးအိၣ်ဒိကနၣ်တၢ်အအိၣ် ဒ်သိး ကစးထီၣ်မၤလိအဝဲသ့ၣ် လံာ်စီဆှံအဂီၢ်.
ကွၢ်လိမၤဒိးစီၤပီလူး
၃. ဃုထၢတၢ်ဆၢကတီၢ် ဖဲပှၤဂၤချုးအခါ. သံကွၢ်လီၤနသးလၢ ‘ပှၤတဂၤအံၤ အတဲသကိးတၢ်ဒီးယၤ ကချုးအခါဖဲလဲၣ် ဒီးတၢ်လီၢ်ဖဲလဲၣ်.’ ဆၢကတီၢ်လၢအချုးန့ၣ် မ့ၢ်ကီလၢနဂီၢ်ဘၣ်ဆၣ် ကျဲးစၢး မၤချုးနသး.
၄. ပာ်ပနီၣ်ဃာ်တၢ်ဆၢကတီၢ်လၢ နကက့ၤကဒါလၢအအိၣ်. ဖဲနတဲသကိးတၢ်ဒီး ပှၤတဂၤဝံၤအခါ တဲလီၤတံၢ်အီၤ တၢ်ဆၢကတီၢ်လၢ နကဟဲက့ၤလၢအအိၣ်. ဒီးမ့ၢ်သ့န့ၣ် က့ၤကဒါက့ၤလၢအအိၣ် ဒ်နပာ်ပနီၣ်ဃာ် တၢ်ဆၢကတီၢ်အသိး.
၅. အိၣ်ဒီးတၢ်ထံၣ်လၢအဂ့ၤ. တဘျီတခီၣ် ပကဆိမိၣ်ဘၣ်လၢ ပှၤတဂၤအံၤ တအိၣ်လၢဟံၣ်ကြီကြီဘၣ် ဒီးအတၢ်မၤအါအဃိ အတသးအိၣ် တၢ်မ့ၢ်တၢ်တီဘၣ်. ဘၣ်ဆၣ် ပတဘၣ်ဆိကမိၣ်ဒ်န့ၣ် တဘျီဃီဘၣ်. (၁ ကရံၣ် ၁၃:၄, ၇) ပကဘၣ်အိၣ်ဒီး တၢ်ထံၣ်လၢအဂ့ၤ ဘၣ်ဆၣ် ဒ်သိး ပတၢ်ဆၢကတီၢ် တလၢာ်ကလီတဂ့ၤအဂီၢ် ပကဘၣ်အိၣ်ဒီးတၢ်ကူၣ်သ့.—၁ ကရံၣ် ၉:၂၆.