• စံး ၁၇:၈—လံာ်စီဆှံ တဲဝဲလၢ “နမဲာ်ပှာ်ဖိ” န့ၣ် အဲၣ်ဒိးတဲဝဲ အခီပညီဒ်လဲၣ်. (it-2 ၇၁၄)

  ကွဲးလီၤတၢ်စံးဆၢ

• တၢ်ဖးလံာ်စီဆှံလၢ တနွံအံၤအဂီၢ်န့ၣ် နမၤလိန့ၢ်ဘၣ် တၢ်လုၢ်ဒိၣ်ပှ့ၤဒိၣ်မနုၤလဲၣ်.

  ကွဲးလီၤတၢ်စံးဆၢ

ပအဲၣ်ဒိးမၤထွဲ ယ့ၣ်ၡူးအတၢ်မၤလိာ်အဃိ ဖဲ မုၢ်အိၣ်ဘှံးနံၤ, လါမၢ်ၡး ၂၄ သီန့ၣ် ပကမၤ တၢ်သ့ၣ်နီၣ်ထီၣ်က့ၤ ယ့ၣ်ၡူးအတၢ်သံအမူး ဒ်သိး ပကပာ်ဖျါထီၣ်လၢ ပသ့ၣ်နီၣ် ယဟိဝၤယွၤ ဒီးယ့ၣ်ၡူး အတၢ်အဲၣ်လၢအဒိၣ်အယိာ်. (လူၤ ၂၂:၁၉; ယိၤ ၃:၁၆; ၁၅:၁၃) ပအိၣ်ကတဲာ်ကတီၤသးလၢ မူးပွဲလၢ အလီၤဆီအံၤအဂီၢ် ကသ့ဒ်လဲၣ်.

• ဖဲခဲၣ်ဖ့ ဘၣ်ဝဲအခါ ပၣ်ဃုာ်လၢ တၢ်သူၣ်ဆူၣ်သးဆူၣ်အပူၤ. နီၤလီၤ လံာ်ကွဲမုာ်လၢ လံာ်က့မ့ၢ်ဂ့ၤ လၢအံၣ်လဲးထြီနံးအပူၤမ့ၢ်ဂ့ၤ ဒီးကွဲမုာ်ပှၤဂၤလၢ ကဟဲထီၣ် တၢ်စံၣ်တဲၤတဲလီၤလီၤဆီ ဒီးတၢ်သ့ၣ်နီၣ်ထီၣ်က့ၤအမူး. ကွဲးလီၤ ပှၤလၢနကကွဲမုာ်အီၤတဖၣ်အမံၤ. ဒီးအဝဲသ့ၣ် မ့ၢ်တအိၣ်လၢ နလီၢ်ကဝီၤပူၤဘၣ်န့ၣ် ဒုးနဲၣ်အဝဲသ့ၣ် jw.org ဒ်သိး အကဃုထံၣ်န့ၢ် တၢ်ဆၢကတီၢ် ဒီးတၢ်လီၢ်တၢ်ကျဲ လၢပှၤကမၤဝဲ တၢ်သ့ၣ်နီၣ်ထီၣ်အမူးလၢ အဝဲသ့ၣ် အဟီၣ်ကဝီၤပူၤ

• ဖဲလါမၢ်ၡး ဒီးလါအ့ဖြ့ၣ်န့ၣ် မၤအါထီၣ် တၢ်စံၣ်တဲၤတဲလီၤတၢ်မၤ. နမၤပှၤလဲၤလၢညါ မၤစၢၤတၢ်လၢ ၁၅ နၣ်ရံၣ် မ့တမ့ၢ် အနၣ်ရံၣ် ၃၀ ကသ့ဧါ.

• ဖဲ လါမၢ်ၡး ၁၈ သီန့ၣ် စးထီၣ်ဖး တၢ်မၤအသး ဖဲယ့ၣ်ၡူးအိၣ်မူလၢ ဟီၣ်ခိၣ်ချၢ အလီၢ်ခံကတၢၢ်တနွံအဂ့ၢ်. ဖဲလံာ်ကဘျံးပၤ ၆-၇ န့ၣ်အိၣ်ဝဲဒီး “တၢ်ဖးလံာ်စီဆှံ အတၢ်ရဲၣ်တၢ်ကျဲၤလၢ ၂၀၂၄ တၢ်သ့ၣ်နီၣ်ထီၣ်က့ၤအမူးအဂီၢ်.” တနံၤဘၣ်တနံၤန့ၣ် နကဖး လံာ်စီဆှံအဆၢတဖၣ်အံၤ ထဲလဲၣ်န့ၣ် နဃုထၢလၢ နနီၢ်ကစၢ်သ့

• ဖဲတၢ်သ့ၣ်နီၣ်ထီၣ်က့ၤအမူး တနံၤန့ၣ် ကွၢ်ဂီၤခီတၢ်ဘါ အတၢ်စံၣ်တဲၤတဲလီၤလီၤဆီ လၢတၢ်သ့ၣ်နီၣ်ထီၣ်က့ၤအမူး အဂီၢ်လၢ jw.org အပူၤ

• ပှၤအသီတဖၣ် ဒီးပှၤလၢအပတုာ် ဟးစံၣ်တဲၤတဲလီၤတၢ်တဖၣ် မ့ၢ်ဟဲထီၣ်တၢ်အိၣ်ဖှိၣ်န့ၣ် တူၢ်လိာ်မုာ်အဝဲသ့ၣ်ဂ့ၤဂ့ၤ. ဒီးအဝဲသ့ၣ် မ့ၢ်သံကွၢ်တၢ်သံကွၢ်န့ၣ် ဟံးန့ၢ်တၢ်ဆၢကတီၢ် လၢနကစံးဆၢ အဝဲသ့ၣ်. ဒီးရဲၣ်လီၤကျဲၤလီၤလၢ နကလဲၤအိၣ်သကိး မ့တမ့ၢ် ကီးအဝဲသ့ၣ်လၢ လီတဲစိ ဒ်သိး အဝဲသ့ၣ် ကမၤလိအါထီၣ်ဘၣ်တၢ်အဂီၢ်

• တချုးလၢ တၢ်သ့ၣ်နီၣ်ထီၣ်က့ၤအမူး တုၤဒံးဘၣ် ဒီးတၢ်သ့ၣ်နီၣ်ထီၣ်က့ၤအမူး ဝံၤအလီၢ်ခံ ဆိကမိၣ်ထံ ဘၣ်ဃးတၢ်ပှ့ၤက့ၤအဂ့ၢ်

ကွၢ် တၢ်ဂီၤမူလၢအမ့ၢ် သ့ၣ်နီၣ်ထီၣ်က့ၤ ယ့ၣ်ၡူးအတၢ်သံ. ဝံၤဒီးသံကွၢ် ဒီပုၢ်ဝဲၢ်တဖၣ်လၢ–

ဖဲတၢ်သ့ၣ်နီၣ်ထီၣ်က့ၤအမူး အခဲၣ်ဖ့ အဆၢကတီၢ် နသူတၢ်ဂီၤမူအံၤ ကသ့ဒ်လဲၣ်