လါအ့ဖြ့ၣ် ၂၉–လါမ့ၤ ၅
စံးထီၣ်ပတြၢၤ ၃၄-၃၅
တၢ်သးဝံၣ် ၁၀ ဒီးတၢ်ဃ့ထုကဖၣ် | တၢ်ကတိၤအိးထီၣ် (၁ မံးနံး)
၁. “စံးထီၣ်ပတြၢၤ ယဟိဝၤယွၤ ကိးဆၢကတီၢ်ဒဲး”
(၁၀ မံးနံး)
ဖဲစီၤဒၤဝံး ထံၣ်ဘၣ်တၢ်ကီတၢ်ခဲ အခါဒၣ်လဲာ် အစံးထီၣ်ပတြၢၤ ယဟိဝၤယွၤ (စံး ၃၄:၁; တၢး၀၇ ၃/၁ ၂၂ ¶၁၁)
စီၤဒၤဝံး စံးထီၣ်ပတြၢၤ ယဟိဝၤယွၤ, အဝဲ တပတြၢၤလီၤအသးဘၣ် (စံး ၃၄:၂-၄; တၢး၀၇ ၃/၁ ၂၂ ¶၁၃)
စီၤဒၤဝံး စံးထီၣ်ပတြၢၤ ယဟိဝၤယွၤအဃိ ကဲထီၣ်တၢ်ဂံၢ်တၢ်ဘါ လၢအသကိးတဖၣ်အဂီၢ် (စံး ၃၄:၅; တၢး၀၇ ၃/၁ ၂၃ ¶၁၅)
ဖဲစီၤဒၤဝံး ပူၤဖျဲးထီၣ်လၢ စီၤအဘံၤမ့လ့း အစုပူၤဝံၤအလီၢ်ခံ ပှၤပိာ်ခွါ အဂၤ ၄၀၀ လၢတအဲၣ်ဒိးအိၣ်လၢ စီၤစီလူး အတၢ်ပၢဖီလာ်န့ၣ် လဲၤအိၣ်ဒီးစီၤဒၤဝံးလၢ ပှၢ်မုၢ်ကနၢ. (၁ မူၤ ၂၂:၁, ၂) ဖဲအဝဲကွဲးဝဲ ထါစံးထီၣ်ပတြၢၤအံၤအခါ လီၤဂာ်လၢ အဝဲဆိကမိၣ်ဘၣ်ဝဲ ပှၤပိာ်ခွါတဖၣ်အံၤအဂ့ၢ်.—စံး ၃၄, တၢ်ကတိၤအိးထီၣ်.
သံကွၢ်လီၤနသးလၢ ‘လၢခံတဘျီ ယမ့ၢ်လဲၤထီၣ်တၢ်အိၣ်ဖှိၣ်န့ၣ် ဖဲယတဲတၢ်ဒီး ပှၤတဂၤဂၤအခါ ယစံးထီၣ်ပတြၢၤ ယဟိဝၤယွၤ ကသ့ဒ်လဲၣ်.’
၂. နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
(၁၀ မံးနံး)
-
စံး ၃၅:၁၉—စီၤဒၤဝံး တဲဝဲလၢ တဘၣ်ပျဲ ပှၤလၢအသးဟ့အီၤတဖၣ် “ကွၢ်တကျ့” အီၤတဂ့ၤန့ၣ် အဲၣ်ဒိးတဲဝဲ အခီပညီဒ်လဲၣ်. (တၢး၀၆ ၅/၁၅ ၂၀ ¶၂)
-
တၢ်ဖးလံာ်စီဆှံလၢ တနွံအံၤအဂီၢ်န့ၣ် နမၤလိန့ၢ်ဘၣ် တၢ်လုၢ်ဒိၣ်ပှ့ၤဒိၣ်မနုၤလဲၣ်.
၃. တၢ်ဖးလံာ်စီဆှံ
(၄ မံးနံး) စံး ၃၄:၁-၂၂ (th တၢ်မၤလိ ၅)
၄. စးထီၣ်တဲသကိးတၢ်ဒီးပှၤဂၤ
(၂ မံးနံး) တၢ်စံၣ်တဲၤတဲလီၤတၢ် တပူၤလၢ်လၢ်. တၢ်တဲသကိးတၢ် ဝံၤဝဲဘၣ်ဆၣ် နတစံၣ်တဲၤတဲလီၤဘၣ်အီၤဘၣ်. (lmd တၢ်မၤလိ ၁ တၢ်ဂ့ၢ် ၄)
၅. က့ၤကဒါက့ၤလၢအဝဲသ့ၣ်အိၣ်
(၄ မံးနံး) တၢ်စံၣ်တဲၤတဲလီၤတၢ် တပူၤလၢ်လၢ်. (lmd တၢ်မၤလိ ၂ တၢ်ဂ့ၢ် ၄)
၆. တဲပၠးပှၤဂၤလၢ နတၢ်စူၢ်တၢ်နာ်အဂ့ၢ်
(၅ မံးနံး) တၢ်ဒုးနဲၣ်တၢ်အဒိ. lff တၢ်မၤလိ ၄၄ တၢ်ဂ့ၢ် ၁-၃—တၢ်ဂ့ၢ်မိၢ်ပှၢ်– နံၤသဘျ့ မူးပွဲတခါဂ့ၤတခါဂ့ၤ ပဝဲယဟိဝၤ ပှၤအုၣ်အသးတဖၣ် ပမၤအီၤ ကြၢးဧါတကြၢးဧါန့ၣ် ပဆၢတဲာ်ဒ်လဲၣ်. (th တၢ်မၤလိ ၁၇)
တၢ်သးဝံၣ် ၅၉
၇. ကျဲသၢဘိ လၢပစံးထီၣ်ပတြၢၤ ယဟိဝၤယွၤသ့ လၢတၢ်အိၣ်ဖှိၣ်အပူၤ
(၁၅ မံးနံး) တၢ်တဲသကိးတၢ်.
ဖဲပထီၣ်တၢ်အိၣ်ဖှိၣ်အခါ ပအိၣ်ဒီးတၢ်ခွဲးတၢ်ယာ်အါမး လၢပကစံးထီၣ်ပတြၢၤ ယဟိဝၤယွၤ. ပကတဲသကိး ကျဲသၢဘိလၢ ပစံးထီၣ်ပတြၢၤ ယဟိဝၤယွၤသ့.
တဲသကိးတၢ်ဒီးပှၤဂၤ– ဖဲနတဲသကိးတၢ်ဒီးပှၤဂၤအခါ တဲယဟိဝၤယွၤ အတၢ်ဂ့ၤတၢ်ဝါတဖၣ်. (စံး ၁၄၅:၁, ၇) နနၢ်ဟူဘၣ် မ့တမ့ၢ် ဖးဘၣ်တၢ်ဂ့ၢ်တမံၤမံၤ လၢအကဲဘျုးလၢနဂီၢ်ဧါ. လၢတၢ်စံၣ်တဲၤတဲလီၤတၢ်မၤအပူၤ နတၢ်လဲၤခီဖျိလၢအဂ့ၤ အိၣ်တမံၤမံၤဧါ. နဒိးန့ၢ်ဘၣ် တၢ်ဂံၢ်တၢ်ဘါလၢ ပှၤတဂၤဂၤ အတၢ်ကတိၤ မ့တမ့ၢ် အတၢ်မၤန့ၣ် အိၣ်တမံၤမံၤဧါ. နထံၣ်ဘၣ် ကစၢ်ယွၤ အတၢ်ဘၣ်တ့လၢ အလီၤကမၢကမၣ် အိၣ်တမံၤမံၤဧါ. တၢ်သ့ၣ်တဖၣ်အံၤ ခဲလၢာ်န့ၣ် အမ့ၢ်ဝဲ ယဟိဝၤယွၤ အတၢ်ဟ့ၣ်အဃိ နတဲသကိး တၢ်ဂ့ၢ်တဖၣ်အံၤသ့ဝဲ. (ယၤ ၁:၁၇) ဒ်သိး နကတဲဘၣ်တၢ်ဒီးပှၤဂၤအဂီၢ် လဲၤတုၤဆိလၢ တၢ်အိၣ်ဖှိၣ်လီၢ်တစဲး.
ဟ့ၣ်တၢ်စံးဆၢ– ဖဲနထီၣ်တၢ်အိၣ်ဖှိၣ်အခါ ဂုာ်ကျဲးစၢး ဒ်သိး နကဟ့ၣ်ဘၣ် တၢ်စံးဆၢ အစှၤကတၢၢ်တဖျၢၣ်. (စံး ၂၆:၁၂) နဟ့ၣ်တၢ်စံးဆၢ လိၤလိၤလၢ အဘၣ်ဃးဒီး တၢ်သံကွၢ်သ့ မ့တမ့ၢ် နတဲဖျါထီၣ် တၢ်ဂ့ၢ်အဂၤလၢ လံာ်အဆၢပူၤသ့. နဟ့ၣ်တၢ်စံးဆၢ ဘၣ်ဃးဒီး လံာ်စီဆှံအဆၢ, တၢ်ဂီၤ မ့တမ့ၢ် နန့ၢ်ဘၣ်တၢ်မၤလိဒ်လဲၣ်သ့. ပှၤဂၤနာ်က့ ကဟ့ၣ်ဝဲ တၢ်စံးဆၢအဃိ ကတဲာ်ကတီၤပာ်စၢၤ တၢ်စံးဆၢအါဖျၢၣ်. နမ့ၢ်ဟ့ၣ်တၢ်စံးဆၢ စှၤန့ၢ်ဒံး အစဲးကး ၃၀ န့ၣ်ပှၤအါဂၤ ကဟ့ၣ်ဘၣ် တၢ်စံးဆၢ.—ဧ့ၤ ၁၃:၁၅.
သးဝံၣ်တၢ်သးဝံၣ်– သးဝံၣ်ဘီမုၢ် အတၢ်သးဝံၣ်လၢ တၢ်သးဆူၣ်အပူၤ. (စံး ၁၄၇:၁) လီၤဆီဒၣ်တၢ် တၢ်အိၣ်ဖှိၣ်လၢ ပှၤအိၣ်အါန့ၣ် ဘၣ်သ့ၣ်သ့ၣ် နတဟ့ၣ်ဘၣ် တၢ်စံးဆၢ ကိးနွံဒဲးဘၣ်. ဘၣ်ဆၣ် မ့မ့ၢ် တၢ်သးဝံၣ်န့ၣ် နသးဝံၣ်အီၤသ့ထီဘိ. နမ့ၢ်ဆိကမိၣ်လၢ နကလုၢ်တမုာ်ဘၣ် သနာ်က့ နမ့ၢ်သးဝံၣ်တၢ်လၢ နသးဒီဖျၢၣ်န့ၣ် ယဟိဝၤယွၤ ဘၣ်သူၣ်ဘၣ်သးဝဲ. (၂ ကရံၣ် ၈:၁၂) နကၠီးလိဆိပာ်စၢၤနသး လၢဟံၣ်သ့ဝဲစ့ၢ်ကီး.
ကွၢ် တၢ်ဂီၤမူလၢအမ့ၢ် တၢ်စံၣ်စိၤတဲစိၤ—တၢ်ဟ့ၣ်လၢအမ့ၢ် တၢ်သူၣ်ဝံၣ်သးဆၢ အကူာ် ၁. ဝံၤဒီးသံကွၢ် တၢ်သံကွၢ်လၢ–
လၢအပူၤကွံာ် ဖးယံာ်လံၤလံၤ ပတၢ်ကရၢကရိထံၣ်ဝဲ တၢ်စံးထီၣ်ပတြၢၤ ယဟိဝၤယွၤ ဒ်တၢ်လၢအရ့ဒိၣ်န့ၣ် အပာ်ဖျါထီၣ်ဝဲဒ်လဲၣ်.
၈. တၢ်အိၣ်ဖှိၣ်တၢ်မၤလိ လံာ်စီဆှံ
(၃၀ မံးနံး) bt တၢ်မၤလိ ၉ ¶၁-၇, တၢ်ကတိၤအိးထီၣ်လၢ အကူာ် ၃ အဂီၢ် ဒီးတၢ်လွံၢ်နၢၣ်လၢ ကဘျံးပၤ ၇၀
