လါအ့ဖြ့ၣ် ၈-၁၄
စံးထီၣ်ပတြၢၤ ၂၆-၂၈
တၢ်သးဝံၣ် ၃၄ ဒီးတၢ်ဃ့ထုကဖၣ် | တၢ်ကတိၤအိးထီၣ် (၁ မံးနံး)
၁. စီၤဒၤဝံး မၤဂၢၢ်ကျၢၤထီၣ် အတၢ်ဆၢတဲာ်လၢ ကမၤကစၢ်ယွၤ အတၢ်ဘၣ်သး
(၁၀ မံးနံး)
စီၤဒၤဝံး ဃ့ယဟိဝၤယွၤ ဒ်သိးကမၤစၢၤအီၤ လၢကကဲထီၣ်ပှၤလၢ အဂ့ၤဒိၣ်န့ၢ်အလီၢ် (စံး ၂၆:၁, ၂; တၢး၂၀.၀၂ ၁၅ ¶၉)
စီၤဒၤဝံးဟးဆှဲး သကိးလၢ အတဂ့ၤဘၣ်တဖၣ် (စံး ၂၆:၄, ၅; တၢး၁၈.၁၀ ၇ ¶၁၅)
စီၤဒၤဝံး ဘူၣ်ထီၣ်ဘါထီၣ် ယဟိဝၤယွၤမုာ်မး (စံး ၂၆:၈; တၢး၁၆.၀၄ ၁၇-၂၀ ¶၆, ၁၃, ၁၈)
စီၤဒၤဝံး မၤတၢ်ကမၣ်သနာ်က့ လံာ်စီဆှံ ပာ်ဖျါထီၣ်ဝဲလၢ အ “လဲၤတၢ်လၢ . . . တၢ်သးတီ” အပူၤ. (၁ စီၤပၤ ၉:၄) စီၤဒၤဝံး အဲၣ်ယဟိဝၤယွၤ ဒီးမၤကစၢ်ယွၤ အတၢ်မၤလၢ သးဒီဖျၢၣ်အဃိ ပှၤသ့ၣ်ညါလၢ အကဲပှၤလၢအအိၣ်ဒီးတၢ်သးတီ.
၂. နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
(၁၀ မံးနံး)
-
စံး ၂၇:၁၀—ပမ့ၢ်တူၢ်ဘၣ်လၢ ပသကိးလၢ အဘူးဒီးပှၤတဖၣ် ပာ်တ့ၢ်ပှၤန့ၣ် လံာ်စီဆှံ တဆၢအံၤ မၤမုာ်ထီၣ်ပသးသ့ဒ်လဲၣ်. (တၢး၀၆ ၇/၁၅ ၂၈ ¶၁၅)
-
တၢ်ဖးလံာ်စီဆှံ လၢတနွံအံၤအဂီၢ်န့ၣ် နမၤလိန့ၢ်ဘၣ် တၢ်လုၢ်ဒိၣ်ပှ့ၤဒိၣ် မနုၤလဲၣ်.
၃. တၢ်ဖးလံာ်စီဆှံ
(၄ မံးနံး) စံး ၂၇:၁-၁၄ (th တၢ်မၤလိ ၂)
၄. စးထီၣ်တဲသကိးတၢ်ဒီးပှၤဂၤ
(၂ မံးနံး) တဟံၣ်ဘၣ်တဟံၣ်. သူလံာ်ဖိလၢ အအိၣ်လၢ တၢ်ပီးတၢ်လီလၢ တၢ်သိၣ်လိနဲၣ်လိတၢ်အဂီၢ်အပူၤ. (th တၢ်မၤလိ ၃)
၅. က့ၤကဒါက့ၤလၢအဝဲသ့ၣ်အိၣ်
(၄ မံးနံး) တဟံၣ်ဘၣ်တဟံၣ်. တဲသကိးတၢ်သံကွၢ်လၢ နပာ်တ့ၢ်အီၤ လၢအပူၤကွံာ်တဘျီ လၢအအိၣ်ဖဲ လံာ်ဖိအလီၢ်ခံတကပၤ. ပၠးအီၤ jw.org ဒီးဃုပၠးအီၤ တၢ်ဂ့ၢ်တနီၤ. (lmd တၢ်မၤလိ ၉ တၢ်ဂ့ၢ် ၃)
၆. တၢ်စံၣ်တဲၤတဲလီၤတၢ်
(၅ မံးနံး.) lmd တၢ်ဂ့ၢ်ဘၣ်ထွဲလိာ်သး က တၢ်ဂ့ၢ် ၃—တၢ်ဂ့ၢ်မိၢ်ပှၢ်– ဟီၣ်ခိၣ်ကဘၣ်တၢ်မၤဂ့ၤထီၣ်က့ၤအီၤ. (th တၢ်မၤလိ ၁၃)
တၢ်သးဝံၣ် ၁၂၈
၇. ပှၤဒိၣ်ထီၣ်သီတဖၣ် လၢအပၢၤဃာ် တၢ်သကဲာ်ပဝး လၢအကဆှီ
(၁၅ မံးနံး) တၢ်တဲသကိးတၢ်.
ခရံာ်ဖိသးစၢ်တဖၣ်န့ၣ် ကဘၣ်ဂုာ်ကျဲးစၢး ဟးဆှဲးဝဲ တၢ်မၤကမၣ်မုၣ်ကမၣ်ခွါ. အဝဲသ့ၣ် မ့ၢ်ပှၤလၢ အတလၢတပှဲၤဘၣ် ဒီးဖဲအသးစၢ်အဆၢကတီၢ် အတၢ်သးကတၢ အသဟီၣ်ဆူၣ်ဒိၣ်မး အဃိ အဝဲသ့ၣ် ကမၤတၢ်လၢအဘၣ်အဂီၢ် တညီဝဲဘၣ်. (ရိ ၇:၂၁; ၁ ကရံၣ် ၇:၃၆) တကးဒံးဘၣ် ပှၤကဆီၣ်သနံး အဝဲသ့ၣ်လၢ ကမံဃုာ်ဒီးပှၤဂၤ မ့တမ့ၢ် ကမံဃုာ်ဒီး မုၣ်သကိးမုၣ် ခွါသကိးခွါ. (အ့း ၂:၂) ပှၤလၢအဆဲးပၢၤဃာ် အတၢ်သးတီတဖၣ်န့ၣ် ပစံးပတြၢၤ အဝဲသ့ၣ်ဒိၣ်မး.
ကွၢ်တၢ်ဂီၤမူ လၢအမ့ၢ် ယသးစၢ်အခါ—ယဟးဆှဲး တၢ်ဆီၣ်သနံးလၢ တၢ်မံဃုာ်လၢ တချုးဖျီသးဒံးဘၣ် ကသ့ဒ်လဲၣ်. ဒီးသံကွၢ် တၢ်သံကွၢ်လၢ–
-
ခိရံၤ ဒီးခဲမရဲၤ ထံၣ်ဘၣ်ဒီး အသကိးတဖၣ် အတၢ်ဆီၣ်သနံး ဒ်လဲၣ်.
-
တၢ်မနုၤ မၤစၢၤအဝဲသ့ၣ် ဒ်သိး ကဆဲးအိၣ်ဒီး တၢ်သးတီအဂီၢ်လဲၣ်.
-
ဒ်သိး နလဲၤခီဖျိ တၢ်မၤကွၢ်ဒ်အံၤတဖၣ် ကန့ၢ်အဂီၢ် လံာ်စီဆှံ အတၢ်ဟံးစုနဲၣ်ကျဲ မနုၤတဖၣ် မၤစၢၤနၤသ့လဲၣ်.
၈. တၢ်အိၣ်ဖှိၣ်တၢ်မၤလိ လံာ်စီဆှံ
(၃၀ မံးနံး) bt တၢ်မၤလိ ၈ ¶၅-၁၂