ပှၤ​လိာ်ကွဲ​ဖိ​တဂၤ က​​​ဘၣ်​ဆဲး​ကၠီးလိ​အသး ဒ်သိး​ဆဲး​ပၢၤဃာ် အ​တၢ်​သ့​​​ဘၣ်​က​န့ၢ်​အဂီၢ်​လီၤ. ဒ်​န့ၣ်​အသိး ပ​က​​​ဘၣ်​ဆဲး​ဂုာ်ကျဲးစၢး မၤလိ​သ့​ထီၣ်​ပသး​လၢ ပ​က​ဆိကမိၣ်​ထံ​တၢ်​အဂီၢ်​လီၤ. (ဧ့ၤ. ၅:၁၄) ညီ​လၢ​ပ​က​မၤ​ဒ် ပှၤဂၤ​အ​တၢ်​ဆၢတဲာ်​အသိး​လီၤ. ဘၣ်ဆၣ်​ ပ​က​​​ဘၣ်​မၤလိ​ပသး​လၢ ပ​က​ဆိကမိၣ်​ထံ​တၢ် ဒီး​ဆၢတဲာ်​တၢ်​လၢ ပ​နီၢ်ကစၢ်​ဒၣ်​​ဝဲ​လီၤ. ​​ဘၣ်​မနုၤ​အဃိ​လဲၣ်. မ့ၢ်​လၢ​ပ​​ဝဲ​တဂၤ​စုာ်စုာ် ပ​က​​​ဘၣ်​ဟ့ၣ်​တၢ်​စံးဆၢ​လၢ ပ​နီၢ်ကစၢ်​အ​တၢ်​ဆၢတဲာ်​အဃိ​လီၤ.—ရိ. ၁၄:၁၂

ခီဖျိ​လၢ ပ​ဒိး​ဘျၢထံ​အ​နံၣ်​ယံာ်​လံ​အဃိ ပ​တ​ကြၢး​ဆိကမိၣ်​လၢ ပ​တၢ်​ဆၢတဲာ်​န့ၣ်​ က​ဘၣ်​​ဝဲ​ထီဘိ​ဘၣ်. ဒ်သိး​ပ​ဆၢတဲာ်​တၢ်​လၢ တၢ်​ကူၣ်သ့​အ​ပူၤ​က​သ့​အဂီၢ် ပ​က​​​ဘၣ်​သန့ၤ​ပသး​လၢ ယဟိဝၤ​ယွၤ, အ​ကလုၢ်​ကထါ ဒီး​အ​တၢ်​ကရၢကရိ​လီၤ.—ၡူ. ၁:၇, ၈; ကတိၤ. ၃:၅, ၆; မး. ၂၄:၄၅.

ကွၢ်​တၢ်ဂီၤမူ​လၢ​အမ့ၢ် “ပၢၤဃာ်​န​သး​လၢ​အ​သ့ၣ်ညါ​ဒၣ်တၢ်” ဒီး​စံးဆၢ​တၢ်​သံကွၢ်​တဖၣ်​အံၤ–

• အဲ​မၣ်ကဘၣ်​ မၤ​​ဝဲ​တၢ်​ဆၢတဲာ်​မနုၤ​လဲၣ်.

• ​​ဘၣ်​မနုၤ​အဃိ ပ​က​​​ဘၣ်​ဟးဆှဲး တၢ်​ပာ်ဖျါ​ထီၣ်​ ပ​တၢ်​ထံၣ်​လၢ တၢ်ဂ့ၢ်​လၢ​ဘၣ်ဃး​ဒီး ပှၤဂၤ​အသး​လၢ​အ​သ့ၣ်ညါ​ဒၣ်တၢ်​န့ၣ်​လဲၣ်.

• ပှၤ​နီၢ်​ဒီမါဝၤ​ခံဂၤ ဟ့ၣ်​​​ဝဲ​အဲ​မၣ်​ တၢ်​ဟ့ၣ်ကူၣ်​ မနုၤ​လဲၣ်.

• တၢ်ဂ့ၢ်​တၢ်ကျိၤ​လၢ အ​မၤစၢၤ​အီၤ​လၢ ဘၣ်ဃး​ဒီး အ​တၢ်အိၣ်သး​န့ၣ်​ အဲ​မၣ်​ ထံၣ်​န့ၢ်​​ဝဲ​ဖဲလဲၣ်.