ဒ်သိး​ပ​သိၣ်လိ​တၢ် က​သ့​ဂ့ၤဂ့ၤ​အဂီၢ် ယဟိဝၤ​ယွၤ ဟ့ၣ်​ပှၤ​တၢ်ပီး​တၢ်လီ ဒ်သိး​ဒီး တၢ်ဂီၤမူ, လံာ်ဖိ, မဲးကစံ, လံာ်လဲၢ်​တဖၣ်​ ဒီး တၢ်ပီး​တၢ်လီ​လၢ​အရ့ဒိၣ်​ကတၢၢ်​န့ၣ်​ မ့ၢ်​​ဝဲ​လံာ်စီဆှံ​လီၤ. (၂ တံၤ. ၃:၁၆) တကး​ဒံးဘၣ်​ အ​​ဝဲ​ကတဲာ်​ကတီၤ​န့ၢ်​ပှၤ တၢ်ပီး​တၢ်လီ​လၢ တၢ်​ဃု​သ့ၣ်ညါ​တၢ်​အဂီၢ် ဒ်သိး​က​မၤစၢၤ​ပှၤလၢ ပ​တဲ​နၢ်ပၢၢ် လံာ်စီဆှံ​အခီ​ပညီ​က​သ့​အဂီၢ်​လီၤ. တၢ်​သ့ၣ်​တဖၣ်​အံၤန့ၣ်​ ပၣ်ဃုာ်​ဒီး Watchtower Library, JW Library^® app, တၢးထီခိးတၢ် ONLINE လံာ်ရိဒၢး ဒီး လံာ်​နဲၣ်ကျဲ​လၢ ယဟိဝၤ​ပှၤအုၣ်​အသး​တဖၣ်​ က​ဃု​သ့ၣ်ညါ​တၢ်​အဂီၢ်​လီၤ.

ဖဲ​န​သူ​တၢ်ပီး​တၢ်လီ​လၢ န​ဒိးန့ၢ်​​​ဘၣ်​အီၤ​သ့​တဖၣ်​ ဒီး​ဃု​သ့ၣ်ညါ​လံာ်စီဆှံ အ​တၢ်ဂ့ၢ်​လၢ အဒိၣ်​အယိာ်​တဖၣ်​အခါ န​က​သးခု​လီၤ. သိၣ်လိ​နပှၤ​မၤလိ လံာ်စီဆှံ​ဖိ​တဖၣ်​လၢ က​သူဝဲ တၢ်ပီး​တၢ်လီ​တဖၣ်​အံၤ​အဂီၢ်​တက့ၢ်. ဖဲ​အဝဲသ့ၣ်​ ဃုထံၣ်​န့ၢ်ဝဲ တၢ်​စံးဆၢ​လၢ လံာ်စီဆှံ​အ​ပူၤ လၢ​ဘၣ်ဃး​ဒီး​အ​နီၢ်ကစၢ် အ​တၢ်​သံကွၢ်​တဖၣ်​အခါ အဝဲသ့ၣ်​က​သးခု​​​ဝဲ​လီၤ.

ကွၢ်​တၢ်ဂီၤမူ​လၢ​အမ့ၢ် ဒ်သိး​န​ကအိၣ်​ဒီး တၢ်​သူၣ်ခု​သးခု​လၢ တၢ်​လဲၤ​ဒုး​ကဲထီၣ်​ပှၤဂၤ​လၢ ခရံာ်​အပျဲၢ်​အဘီၣ်​အဂီၢ်— တူၢ်လိာ်​ယဟိဝၤ​ယွၤ​အ​တၢ်​မၤစၢၤ— သူ​တၢ်ပီး​တၢ်လီ​လၢ တၢ်​ဃု​သ့ၣ်ညါ​တၢ်​အဂီၢ် ဒီး​စံးဆၢ​တၢ်​သံကွၢ်​တဖၣ်​အံၤ

• ဖီဒ့ၣ်ညါ တ​တူၢ်လိာ်​ဝဲ တၢ်ဂ့ၢ်​လၢ​ဘၣ်ဃး​ဒီး တၢ်​​ဘၣ်​တ့​န့ၣ်​ လၢ​တၢ်ဂ့ၢ်​မနုၤ​အဃိ​လဲၣ်.

• တၢ်ဂ့ၢ်​တၢ်ကျိၤ​လၢ နံထၣ်​တဲသကိး​​​ဝဲ​ဒီး ဖီဒ့ၣ်ညါ​န့ၣ်​ အ​​ဝဲ​ဃုထံၣ်​န့ၢ်​​ဝဲ​ဖဲလဲၣ်.

• အ​​ဝဲ​ဃုထၢ​ဝဲ တၢ်ဂ့ၢ်​တၢ်ကျိၤ​လၢ အ​ကဲဘျုး​လၢ ဖီဒ့ၣ်ညါ​အဂီၢ်​ဒ်လဲၣ်.

• နံထၣ်​သူဝဲ တၢ်ပီး​တၢ်လီ​လၢ တၢ်​ဃု​သ့ၣ်ညါ​တၢ်​အဂီၢ်​အံၤန့ၣ်​ အဘျုး​အိၣ်​လၢ​အဂီၢ်​ဒ်လဲၣ်.