• စံး ၉၂:၅—လံာ်စီဆှံတဆၢအံၤ ပာ်ဖျါထီၣ်ဝဲ ယဟိဝၤယွၤ အတၢ်ကူၣ်သ့အဂ့ၢ် ဒ်လဲၣ်. (cl-E ၁၇၆ ¶၁၈)

  ကွဲးလီၤ​တၢ်စံးဆၢ

• တၢ်ဖးလံာ်စီဆှံလၢ တနွံအံၤအဂီၢ်န့ၣ် နမၤလိန့ၢ်ဘၣ် တၢ်လုၢ်ဒိၣ်ပှ့ၤဒိၣ်မနုၤလဲၣ်.

  ကွဲးလီၤ​တၢ်စံးဆၢ

ပှၤလၢအဘူၣ်ထီၣ်ဘါထီၣ် ယဟိဝၤယွၤတဖၣ်န့ၣ် အအိၣ်ဒီး တၢ်သူၣ်ကိၢ်သးဂီၤ ဒ်သိးဒီး ပှၤဂၤစ့ၢ်ကီး. အဒိ စီၤဒၤဝံးန့ၣ် လၢအတၢ်အိၣ်မူပူၤ အသူၣ်ကိၢ်သးဂီၤတၢ် အိၣ်ဝဲတဘျုးဘျီညါ. ဒီးပဒီပုၢ်ဝဲၢ်မုၣ်ခွါလၢ မုၢ်မဆါတနံၤအံၤနာ်က့ အတူၢ်ဘၣ်ဝဲ ဒ်န့ၣ်စ့ၢ်ကီး. (စံး ၁၃:၂; ၁၃၉:၂၃) ဒီးပှၤသးစၢ်တဖၣ်စ့ၢ်ကီးန့ၣ် အအိၣ်ဒီး တၢ်သူၣ်ကိၢ်သးဂီၤ. တဘျီတခီၣ် အဝဲသ့ၣ် ကဘၣ်မၤဝဲ အတၢ်မၤလၢ မုၢ်ဆ့ၣ်မုၢ်ဂီၤအဂီၢ်န့ၣ် အဝဲသ့ၣ် သူၣ်ကိၢ်သးဂီၤတၢ်ဒံး. အဒိ အဝဲသ့ၣ် သူၣ်ကိၢ်သးဂီၤတၢ် လၢကဘၣ်လဲၤထီၣ်ကၠိ မ့တမ့ၢ် ကဘၣ်လဲၤထီၣ် တၢ်အိၣ်ဖှိၣ်အဂီၢ်. ဒီးတဘျီတခီၣ်န့ၣ် အဝဲသ့ၣ် သူၣ်ကိၢ်သးဂီၤတၢ် ဒိၣ်တလၢအဃိ အဝဲသ့ၣ် ပျံၤတၢ်ဖုးတၢ် မ့တမ့ၢ် အဲၣ်ဒိးမၤသံလီၤအသး.

နမ့ၢ်သူၣ်ကိၢ်သးဂီၤတၢ် အါတလၢန့ၣ် တဲသကိးတၢ်ဒီး နမိနပါ မ့တမ့ၢ် ပှၤလၢအဒိၣ်တုာ်ခိၣ်ပှဲၤ တဂၤဂၤ. တကးဒံးဘၣ် ဃ့ယဟိဝၤယွၤ အတၢ်မၤစၢၤ. (ဖံလံး ၄:၆) အဝဲကမၤစၢၤနၤ. (စံး ၉၄:၁၇-၁၉; ၡါ ၄၁:၁၀) ပကကွၢ်သကိး စတံၣ် အဂ့ၢ်.

ကွၢ်တၢ်ဂီၤမူ လၢအမ့ၢ် ယဟိဝၤယွၤ ကဟုကယာ်ယၤ. ဝံၤဒီးသံကွၢ် ဒီပုၢ်ဝဲၢ်တဖၣ်လၢ–

• လံာ်စီဆှံအဆၢ လၢအမၤစၢၤဝဲ စတံၣ်န့ၣ် မ့ၢ်မနုၤလဲၣ် ဒီးအမၤစၢၤအီၤဒ်လဲၣ်.

• ယဟိဝၤယွၤ ကွၢ်ထွဲအီၤ ဒ်လဲၣ်.

နမ့မ့ၢ်မိပါန့ၣ် မၤစၢၤနဖိတဖၣ် ဒ်သိးအလဲၤခီဖျိ အတၢ်သူၣ်ကိၢ်သးဂီၤ ကန့ၢ်အဂီၢ်. နမၤစၢၤအီၤသ့ ခီဖျိ ဒိကနၣ်န့ၢ်အီၤ လၢတၢ်သးစူၤအပူၤ, ပာ်ဖျါထီၣ်တၢ်အဲၣ် ဒီးမၤစၢၤအီၤ ဒ်သိးအတၢ်နာ် ယဟိဝၤယွၤ ကဒိၣ်ထီၣ်အဂီၢ်. (တံ ၂:၄; ယၤ ၁:၁၉) ဒ်သိး နပာ်နသးမုာ်မုာ်ခုၣ်ခုၣ်ကသ့ ဒီးနကအိၣ်ဒီး တၢ်ဂံၢ်တၢ်ဘါ လၢနကမၤစၢၤနဖိအဂီၢ် သန့ၤနသးလၢ ယဟိဝၤယွၤ.

လၢပတၢ်အိၣ်ဖှိၣ်အပူၤ မတဂၤ အိၣ်ဒီးတၢ်သူၣ်ကိၢ်သးဂီၤ ဖးဒိၣ်လဲၣ်န့ၣ် ဘၣ်သ့ၣ်သ့ၣ် ပတသ့ၣ်ညါဘၣ် မ့တမ့ၢ် အဝဲသ့ၣ်တူၢ်ဘၣ်တၢ် ဒ်လဲၣ်န့ၣ် ပတနၢ်ပၢၢ်ဘၣ်. သနာ်က့ လၢတၢ်အိၣ်ဖှိၣ်အပူၤ နမ့ၢ်ပာ်ဖျါထီၣ်လၢ နအဲၣ် ပှၤကိးဂၤဒဲး ဒီးနၢ်ပၢၢ်စၢၤ အဝဲသ့ၣ်န့ၣ် ကကဲထီၣ် တၢ်မၤစၢၤလၢ အဝဲသ့ၣ်အဂီၢ်.—ကတိၤ ၁၂:၂၅; ဧ့ၤ ၁၀:၂၄.