တၢ်အဒိလၢ တၢ်နီၤလီၤလံာ်လဲၢ်အဂီၢ်
တၢးထီခိးတၢ်
တၢ်သံကွၢ်– တဘျီတခီၣ် ပဝဲခဲလၢာ် ပသးအဂံၢ်အဘါလီၤစၢ်အဃိ ဒ်သိးပသးကမုာ်ထီၣ်အဂီၢ် ပဃုထံၣ်န့ၢ်တၢ်မၤစၢၤကသ့ဖဲလဲၣ်.
လံာ်စီဆှံအဆၢ– ၂ ကရံၣ်. ၁:၃, ၄
တၢ်ဟ့ၣ်ကူၣ်– တၢးထီခိးတၢ်တဘ့ၣ်အံၤ ပာ်ဖျါထီၣ်ဝဲ ကစၢ်ယွၤကမၤမုာ်ထီၣ်ပသးဒ်လဲၣ် အဂ့ၢ်န့ၣ်လီၤ.
တၢးထီခိးတၢ် (အလီၢ်ခံကတၢၢ်တကဘျံး)
တၢ်သံကွၢ်– ပှၤတနီၤနီၤဆိကမိၣ်ဝဲလၢ ယွၤအဘီအမုၢ်န့ၣ် အိၣ်လၢပသးပူၤ. ဒီးတနီၤနီၤန့ၣ် ဆိကမိၣ်ဝဲလၢ ယွၤအဘီအမုၢ်န့ၣ် ကဟဲကဲထီၣ်အသးခီဖျိလၢ ပှၤဟီၣ်ခိၣ်ဖိအတၢ်ဂုာ်ကျဲးစၢး ဒုးအိၣ်ထီၣ်ဟီၣ်ခိၣ်အတၢ်မုာ်တၢ်ခုၣ်လီၤ. နဲနဆိကမိၣ်ဒ်လဲၣ်.
လံာ်စီဆှံအဆၢ– ဒၤ. ၂:၄၄
တၢ်ဟ့ၣ်ကူၣ်– လံာ်စီဆှံပာ်ဖျါထီၣ်ဝဲလၢ ယွၤအဘီအမုၢ်န့ၣ် မ့ၢ်တၢ်ပၢတၢ်ပြးနီၢ်ကီၢ်တခါလီၤ. တၢ်မၤလိတခါအံၤ ပာ်ဖျါထီၣ်ဝဲ လံာ်စီဆှံအတၢ်ကတိၤတဖၣ်လၢ ဘၣ်ဃးဒီးယွၤအဘီအမုၢ်အဂ့ၢ်.
သိၣ်လိတၢ်မ့ၢ်တၢ်တီတက့ၢ်
တၢ်သံကွၢ်– ကစၢ်ယွၤသူၣ်အိၣ်သးအိၣ်နၤ သပှၢ်ကတၢၢ်န့ၣ် နသ့ၣ်ညါကသ့ဒ်လဲၣ်.
လံာ်စီဆှံအဆၢ– ၁ ပ့း. ၅:၇
တၢ်မ့ၢ်တၢ်တီ– မ့ၢ်လၢကစၢ်ယွၤသူၣ်အိၣ်သးအိၣ်ပှၤအဃိ ကွဲမုာ်ပှၤလၢပကဃ့ဘါထုကဖၣ်လၢအအိၣ်.
ကွဲးလီၤလၢ နနီၢ်ကစၢ်အတၢ်ကတိၤတက့ၢ်
သူတၢ်အဒိတဖၣ်ဒီး ကတဲာ်ကတီၤပာ်လၢ နနီၢ်ကစၢ် အတၢ်ကတိၤလၢ ဘီမုၢ်တၢ်သးခုကစီၣ် တၢ်မၤအဂီၢ်တက့ၢ်.
