ဘၣ်မနုၤအဃိအရ့ဒိၣ်လဲၣ်– တၢ်အိၣ်ဖှိၣ်ရိဖှိၣ်န့ၣ် မၤစၢၤပှၤလၢပက “စံးထီၣ်ပတြၢၤယွၤ” ဒီး “သးဝံၣ်ထီၣ်” အီၤလီၤ. (စံး. ၁၄၉:၁) လၢတၢ်အိၣ်ဖှိၣ်ရိဖှိၣ်အပူၤန့ၣ် ပတဲသကိးတၢ်ဂ့ၢ်လၢ ကကဲထီၣ်တၢ်မၤစၢၤ ဒ်သိးပကမၤထွဲ ယွၤအတၢ်ဘၣ်သးအဂီၢ်လီၤ. (စံး. ၁၄၃:၁၀) အါတက့ၢ် ပှၤလၢအသးအိၣ်တၢ်မ့ၢ်တၢ်တီဒီး ပှၤမၤလိလံာ်စီဆှံဖိတဖၣ် မ့ၢ်စးထီၣ်ထီၣ်တၢ်အိၣ်ဖှိၣ်ရိဖှိၣ်န့ၣ် အဝဲသ့ၣ်လဲၤထီၣ်လဲၤထီဝဲလၢ နီၢ်သးတခီလီၤ.

ပမၤကသ့ဒ်လဲၣ်–

• ကွဲမုာ်အီၤတဘျီဃီတက့ၢ်. ဒ်သိးနကကွဲမုာ်ပှၤဂၤအဂီၢ် တလိၣ်အိၣ်ခိးတုၤလၢ နစးထီၣ်တၢ်မၤလိလံာ်စီဆှံဒီး အဝဲသ့ၣ်ဘၣ်.—လီၣ်. ၂၂:၁၇

• တဲဘၣ်ပှၤလၢအသးအိၣ် တၢ်မ့ၢ်တၢ်တီတဂၤလၢ အဝဲမ့ၢ်ဟဲထီၣ်တၢ်အိၣ်ဖှိၣ်ရိဖှိၣ်န့ၣ် ကထံၣ်ဘၣ်ဝဲတၢ်မနုၤလဲၣ်. ဒီးကနၢ်ဟူဘၣ်ဝဲ တၢ်ဂ့ၢ်မနုၤလဲၣ်န့ၣ်တက့ၢ်. တၢ်ဂ့ၢ်လၢလာ်တဖၣ်အံၤ ကမၤစၢၤနၤ– တၢ်အိၣ်ဖှိၣ်ရိဖှိၣ် အလံာ်ကွဲမုာ်, တၢ်ဂီၤမူလၢအမ့ၢ် ဖဲဘီမုၢ်ဘျီၣ်ဒိၣ်န့ၣ် ပှၤမၤတၢ်မနုၤလဲၣ် ဒီးလံာ်လၢအမ့ၢ် မုၢ်မဆါတနံၤအံၤ မတၤတဖၣ် မၤယဟိဝၤယွၤအတၢ်ဘၣ်သးလဲၣ်, တၢ်မၤလိ ၅ ဒီး ၇

• မၤစၢၤအီၤ. မ့ၢ်နလဲၤအိၣ်အီၤလၢ ကါကသ့ဧါ. နမၤစၢၤပှၤလၢအသးအိၣ် တၢ်မ့ၢ်တၢ်တီလၢ အကဟဲကူကၤတၢ်ကူတၢ်ကၤလၢ အကြၢးအဘၣ်ကသ့ဧါ. ဆ့ၣ်နီၤဒီးအီၤဒ်သိးသိး ဒီးပၠးအီၤလံာ် ဒီးဒုးသ့ၣ်ညါအီၤဒီးပှၤအဂၤတက့ၢ်