အိၣ်မူဒ်ခရံာ်ဖိအသိး
ပမ့ၢ်ထံၣ်လိာ်သးဒီး ဖိသၣ်အခါ ပကဘၣ်မၤဒ်လဲၣ်
ဖဲပလဲၤစံၣ်တဲၤတဲလီၤတၢ်အခါ ပမ့ၢ်ထံၣ်လိာ်သးဒီးဖိသၣ်န့ၣ် ပကြၢးဃ့ကတိၤတၢ်ဒီး အမိၢ်အပၢ်လီၤ. ပမ့ၢ်မၤဒ်န့ၣ်န့ၣ် မ့ၢ်ပပာ်ဖျါထီၣ် တၢ်ယူးယီၣ်ပာ်ကဲဟံၣ်ခိၣ်လီၤ. (ကတိၤ. ၆:၂ဝ) ဖိသၣ်မ့ၢ်ကိးနုာ်ပှၤဆူအဟံၣ်ဒၣ်လဲာ် ပတကြၢးလဲၤနုာ်ဘၣ်. အမိၢ်အပၢ်မ့ၢ်တချုးဘၣ်န့ၣ် ပကြၢးက့ၤအိၣ်သကိးအီၤလၢ တၢ်ဆၢကတီၢ်အဂၤလီၤ.
နမ့ၢ်ထံၣ်လိာ်သးဒီး ပှၤလိၤဘိတဖၣ်သနာ်က့ နကြၢးဃ့ကတိၤတၢ်ဒီး အမိၢ်အပၢ်ဒံးလီၤ. မိၢ်ပၢ်မ့ၢ်တချုးဘၣ်န့ၣ် နသံကွၢ်အီၤသ့လၢ မ့ၢ်အမိၢ်အပၢ်ဟ့ၣ်အခွဲးလၢ အဝဲကဃုထၢဖးလံာ်တခါခါလၢ အနီၢ်ကစၢ်ဧါ. မိၢ်ပၢ်မ့ၢ်ဟ့ၣ်အခွဲးန့ၣ် နဟ့ၣ်လီၤအီၤလံာ်လဲၢ်ဒီး ဒုးသ့ၣ်ညါအီၤ jw.org/ksw သ့ဝဲလီၤ.
ဖဲပက့ၤကဒါက့ၤလၢ ပှၤသးစၢ်တဂၤလၢ အသးအိၣ်တၢ်မ့ၢ်တၢ်တီအအိၣ်အခါ ပကြၢးဃ့ထံၣ်လိာ်သးဒီး အမိၢ်အပၢ်လီၤ. ပမ့ၢ်မၤဒ်န့ၣ်န့ၣ်ပကဒိးန့ၢ်ဘၣ် တၢ်ခွဲးတၢ်ယာ်လၢ ပကတဲဘၣ်အဝဲသ့ၣ်လၢ ဘၣ်မနုၤအဃိ ပဟဲဆူအအိၣ်လဲၣ် ဒီးလံာ်စီဆှံအတၢ်ဟ့ၣ်ကူၣ်န့ၣ် ကဲဘျုးလၢဟံၣ်ဖိဃီဖိအဂီၢ်ဒ်လဲၣ်လီၤ. (စံး. ၁၁၉:၈၆, ၁၃၈) ပမ့ၢ်ပာ်ဖျါထီၣ် တၢ်ပာ်ကဲန့ၣ် ကစၢ်ယွၤအမံၤကဘၣ် တၢ်စံးထီၣ်ပတြၢၤအီၤ ဒီးဘၣ်သ့ၣ်သ့ၣ်ကဒုးအိၣ်ထီၣ် တၢ်ခွဲးတၢ်ယာ်လၢ ပကစံၣ်တဲၤတဲလီၤဘၣ် အဟံၣ်ဖိဃီဖိလၢ အဂၤတဖၣ်လီၤ.—၁ ပ့း. ၂:၁၂.