တၢ်သးဝံၣ်​ ၂ ဒီး​တၢ်​ဃ့​ထုကဖၣ်

တၢ်ကတိၤ​အိးထီၣ်​ (၃ မံးနံး မ့တမ့ၢ် စှၤန့ၢ်​အန့ၣ်)

“ပိာ်​ယ့ၣ်ၡူး​အခံ​လၢ တၢ်​သူၣ်ဘျၢ​သးဘျၢ”– (၁၀ မံးနံး)

• ယိၤ. ၆:၉-၁၁—ယ့ၣ်ၡူး​မၤတၢ်​လီၤလး​ဒီး ဒုးအီၣ်​ဝဲ​ပှၤ​ဂီၢ်မုၢ်​ဖးဒိၣ်​ (“ပှၤ​ဆ့ၣ်နီၤ​သန့ၤ​တၢ်​တဖၣ်​န့ၣ်, အ​တၢ်ဂံၢ် [ထဲ​ပိာ်ခွါ, ခ့ခါစှီၤကျိာ်] အိၣ်​ယဲၢ်​ကထိ​ဃၣ်ဃၣ်” တၢ်မၤနီၣ်​လၢ ယိၤ. ၆:၁၀, nwtsty)

• ယိၤ. ၆:၁၄, ၂၄—ပှၤ​ဂီၢ်မုၢ်​တဖၣ်​ သ့ၣ်ညါ​ဝဲ​လၢ ယ့ၣ်ၡူး​မ့ၢ် မ့းၡံအၤ​အဃိ လၢခံ​တနံၤ​အဝဲသ့ၣ်​ ဟး​လူၤ​ဃုဝဲ​ယ့ၣ်ၡူး (“ဝံ” တၢ်မၤနီၣ်​လၢ ယိၤ. ၆:၁၄, nwtsty)

• ယိၤ. ၆:၂၅-၂၇, ၅၄, ၆၀, ၆၆-၆၉—ပှၤ​ဂီၢ်မုၢ်​လၢ​အ​ပိာ် ယ့ၣ်ၡူး ဒီး​အ​တၢ်မၢဖိ​တဖၣ်​အခံ​န့ၣ်​ တအိၣ်​ဒီး​တၢ်​သူၣ်ဘျၢ​သးဘျၢ​အဃိ အဝဲသ့ၣ်​လီၤဃံၤ​ဝဲ​လၢ ယ့ၣ်ၡူး​အ​တၢ်ကတိၤ​အဃိ​လီၤ (“တၢ်အီၣ်​လၢ​အ​ဟးဂီၤ . . . တၢ်အီၣ်​လၢ​အ​အိၣ်ဝဲ​ဆိးဝဲ​လၢ တၢ်မူ​လီၤထူ​လီၤယိာ်” တၢ်မၤနီၣ်​လၢ ယိၤ. ၆:၂၇, nwtsty; “ပှၤလၢ​အ​အီၣ်​ယ​ညၣ် ဒီး​အီ​ယ​သွံၣ်” တၢ်မၤနီၣ်​လၢ ယိၤ. ၆:၅၄, nwtsty; တၢး​၀၅ ၉/၁ ကဘျံးပၤ ၂၁ အဆၢ ၁၃-၁၄)

ခူၣ်ထီၣ်​နီၢ်သး​အ​တၢ်​လုၢ်ဒိၣ်​ပှ့ၤဒိၣ်​တဖၣ်– (၈ မံးနံး)

• ယိၤ. ၆:၄၄—ပၢ်​န့ၣ်​ မိၤ​ဃီၤ​ဝဲ​ပှၤ​ဟီၣ်ခိၣ်​ဖိ​တဖၣ်​ ဆူ​အ​အိၣ်​ဒ်လဲၣ်. (“မိၤ” တၢ်မၤနီၣ်​လၢ ယိၤ. ၆:၄၄, nwtsty)

• ယိၤ. ၆:၆၄—စီၤ​ယူဒၤ က​ဆါ​လီၤ​အီၣ်ကွံာ်​အီၤ​န့ၣ်​ ယ့ၣ်ၡူး​သ့ၣ်ညါ​ဝဲ​လၢ “အ​ခီၣ်ထံး​လံၤ​လံၤ” န့ၣ်​အဲၣ်ဒိးစံးဝဲ​ဒ်လဲၣ်. (“မတၤ​လၢ အ​က​ဟ့ၣ်လီၤ​ကွံာ်​အီၤ​န့ၣ်​ ယ့ၣ်ၡူး​သ့ၣ်ညါ​ဝဲ,” “လၢ​အ​ခီၣ်ထံး​လံၤ​လံၤ” တၢ်မၤနီၣ်​တဖၣ်​လၢ ယိၤ. ၆:၆၄, nwtsty)

• တၢ်ဖး​လံာ်စီဆှံ​လၢ တနွံ​အံၤ​အဂီၢ်​န့ၣ်​ သိၣ်လိ​နၤ ဘၣ်ဃး​ဒီး ယဟိဝၤ​ယွၤ​အဂ့ၢ်​ဒ်လဲၣ်.

• တၢ်ဂ့ၢ်​လၢ​တၢ်ဖး​လံာ်စီဆှံ​လၢ တနွံ​အံၤ​အဂီၢ်​န့ၣ်​ န​ဃုထံၣ်န့ၢ် တၢ်​လုၢ်ဒိၣ်​ပှ့ၤဒိၣ်​ မနုၤ​တဖၣ်​လဲၣ်.

တၢ်ဖး​လံာ်စီဆှံ– (၄ မံးနံး မ့တမ့ၢ် စှၤန့ၢ်​အန့ၣ်) ယိၤ. ၆:၄၁-၅၉

တၢ်ထံၣ်​လိာ်သး​ဒီး ဟံၣ်​ကစၢ်​အဆိ​ကတၢၢ်​တဘျီ– (၂ မံးနံး မ့တမ့ၢ် စှၤန့ၢ်​အန့ၣ်) စးထီၣ်​အီၤ​လၢ တၢ်ဟ့ၣ်ကူၣ်​လၢ ပ​က​တဲသကိး​တၢ်​ဒီး​ပှၤဂၤ​အဂီၢ်. လၢ​န​ဟီၣ်ကဝီၤ​အ​ပူၤ အါတက့ၢ်​ဟံၣ်​ကစၢ် တဲ​ပ​လဲၤ​အသး ဒ်လဲၣ်​န့ၣ်​ ပာ်ဖျါ​ထီၣ်​ဒီး တဲ​ဆၢ​အီၤ​သ့​သ့​ဘၣ်​ဘၣ်​တက့ၢ်.

တၢ်​က့ၤ​အိၣ်သကိး ဟံၣ်​ကစၢ် အဆိ​ကတၢၢ်​တဘျီ– (၃ မံးနံး မ့တမ့ၢ် စှၤန့ၢ်​အန့ၣ်) စးထီၣ်​အီၤ​လၢ တၢ်ဟ့ၣ်ကူၣ်​လၢ ပ​က​တဲသကိး​တၢ်​ဒီး​ပှၤဂၤ​အဂီၢ်. ဟံၣ်​ကစၢ်​တဲဝဲ​လၢ အမ့ၢ်​ခရံာ်ဖိ.

တၢ်ဂီၤမူ​လၢ ဘၣ်ဃး​ဒီး တၢ်​က့ၤ​အိၣ်သကိး ဟံၣ်​ကစၢ်​ခံ​ဘျီတဘျီ– (၅ မံးနံး) ကွၢ်တၢ်ဂီၤမူဝံၤ ဒီး​တဲသကိး​အီၤ​တက့ၢ်.

တၢ်သးဝံၣ်​ ၃၁

န​မၤတ့ၢ်​အီၤ​ဒ်လဲၣ်– (၅ မံးနံး) တၢ်ကတိၤ​သကိး​တၢ်. ကွဲမုာ်​ဒီပုၢ်ဝဲၢ်​တဖၣ်​လၢ အဝဲသ့ၣ်​က​တဲ​ဖျါထီၣ်​ အ​တၢ်​လဲၤခီဖျိ​လၢ အ​ဘၣ်ဃး​ဒီး အဝဲသ့ၣ်​ဂုာ်ကျဲးစၢး စးထီၣ်​တဲသကိး​တၢ်​ဒီး​ပှၤဂၤ အဂ့ၢ်​န့ၣ်​တက့ၢ်.

“တၢ်​သု​တ​ဟါမၢ် နီ​တစဲး​တဂ့ၤ”– (၁၀ မံးနံး) တၢ်ကတိၤ​သကိး​တၢ်. အိးထီၣ်​တၢ်ဂီၤမူ​လၢ အ​ခိၣ်တီ​မ့ၢ် တၢ်သူၣ်ထီၣ်​လၢ အ​တ​မၤဘၣ်ဒိ​ခိၣ်ဃၢၤ​န့ဆၢၣ်​န့ၣ်​ မၤ​လၤကပီၤ ယဟိဝၤ—တၢ်ဂ့ၢ်​ဖုၣ်.

တၢ်​အိၣ်ဖှိၣ်​တၢ်​မၤလိ​လံာ်စီဆှံ– (၃၀ မံးနံး) bhs တၢ်​မၤလိ ၇ အဆၢ ၁-၁၀

တၢ်​ကွၢ်ကဒါ​က့ၤ ဝံၤဒီး​တဲ​ဖျါထီၣ်​တၢ်ဂ့ၢ်​တနီၤ​လၢ ခဲကိာ်​တနွံ အဂီၢ် (၃ မံးနံး)

တၢ်သးဝံၣ်​ ၈၉ ဒီး​တၢ်​ဃ့​ထုကဖၣ်