ဖဲ​ယ့ၣ်ၡူး​မၤတၢ်​လီၤလး ဒီး​ဟ့ၣ်​ဒုးအီၣ်​ပှၤ ၅,၀၀၀ ဃုာ်ဒီး​ပိာ်မုၣ်​ဒီး ဖိသၣ်​တဖၣ်​ တၢ်အီၣ်​ဝံၤ​အလီၢ်​ခံ အဝဲ​တဲဘၣ်​ အပျဲၢ်​အဘီၣ်​တဖၣ်​လၢ– “ဒ်သိး​တၢ်​သု​တ​ဟါမၢ် နီ​တစဲး​တဂ့ၤ​ဒီး, ထၢဖှိၣ်​က့ၤ အဘျဲၣ်​အစဲၢ်​တက့ၢ်.” (ယိၤ. ၆:၁၂) ယ့ၣ်ၡူး ပာ်ဖျါ​ထီၣ်​အ​တၢ်​စံးဘျုး​စံးဖှိၣ်​ ယဟိဝၤ​ယွၤ ခီဖျိ​တ​မၤ​လၢာ်ဂီၤ တၢ်အီၣ်​တၢ်အီ​တဖၣ်​ဘၣ်.

မုၢ်မဆါ​တနံၤ​အံၤ ပှၤပၢဆှၢတၢ်​ကမံးတံာ် ဂုာ်ကျဲးစၢး ကွၢ်လိမၤဒိး​ယ့ၣ်ၡူး ခီဖျိ​သူဝဲ တၢ်မၤဘူၣ်​တဖၣ်​လၢ တၢ်ကူၣ်သ့​အ​ပူၤ​လီၤ. အဒိ, ဖဲ​အဝဲသ့ၣ်​သူၣ်ထီၣ်​ ဝဲၤလီၢ်ခိၣ်သ့ၣ်​လၢ ဝီဝံး(ခ်), နူယီး​အခါ အဝဲသ့ၣ်​ဃုထၢ​ဝဲ တၢ်သူၣ်ထီၣ်​အက့ၢ်​အဂီၤ​လၢ အကြၢး​ဝဲ​ဘၣ်​ဝဲ ဒ်သိး​ပှၤ​သူ​တိၢ်​မၤဘူၣ်​လၢ အဂ့ၤ​ကတၢၢ်​က​သ့​အဂီၢ်​လီၤ.

ပ​ဟးဆှဲး တၢ်မၤ​လၢာ်ဂီၤ​တၢ်​က​သ့​ဒ်လဲၣ်​ . . .

• ဖဲ​ပ​ထီၣ်​ တၢ်​အိၣ်ဖှိၣ်​အခါ

• ဖဲ​ပ​ဟံးန့ၢ် လံာ်လဲၢ်​လၢ ပ​နီၢ်ကစၢ်​အဂီၢ်​အခါ (km–E 5/09 3 ¶4)

• ဖဲ​ပ​ဟံးန့ၢ်​လံာ်လဲၢ်​လၢ ပ​ကသူ​အီၤ​လၢ တၢ်​စံၣ်တဲၤ​တဲလီၤ​အဂီၢ်​အခါ (mwb၁၇.၀၂ ကဘျံးပၤ ၄ အဆၢ ၁)

• ဖဲ​ပ​ဟ့ၣ်လီၤ​ပှၤဂၤ လံာ်လဲၢ်​အခါ (mwb၁၇.၀၂ ကဘျံးပၤ ၄ အဆၢ ၂ ဒီးတၢ်လွံၢ်နၢၣ်)