၇:၁၅-၁၈, ၂၈, ၂၉; ၈:၂၉

ယ့ၣ်ၡူး​မၤ​လၤကပီၤ​အ​ပၢ်​အိၣ်​လၢ​မူခိၣ်​ ခီဖျိ​အ​တၢ်​စံး​တၢ်ကတိၤ ဒီး​အ​တၢ်ဖံး​တၢ်မၤ​ခဲလၢာ်​လီၤ. ယ့ၣ်ၡူး​အဲၣ်ဒိး​လၢ ပှၤ​က​သ့ၣ်ညါ​လၢ အ​တၢ်ကစီၣ်​တဖၣ်​န့ၣ်​ ဟဲ​လၢ​အ​ပၢ်​အ​အိၣ်​လီၤ. လၢတၢ်န့ၣ်​အဃိ အဝဲ​အ​တၢ်​သိၣ်လိ​တဖၣ်​န့ၣ်​ သန့ၤ​ထီၣ်ဝဲ​လၢ​လံာ်စီဆှံ ဒီး​ယၢၤထီၣ်​ဝဲ လံာ်စီဆှံ​အဆၢ​တဖၣ်​ ခဲအံၤ​ခဲအံၤ​လီၤ. ဖဲ​ပှၤ​စံးပတြၢၤ​အီၤ​အခါ အဝဲ​တ​တူၢ်လိာ်ဝဲ​ဘၣ်​ ဟ့ၣ်​တၢ်​လၤကပီၤ​လၢ​အ​ပၢ်​လီၤ. အဝဲ​အသး​စၢၢ်ဆၢ​ဝဲ​ထဲ က​မၤ​လၢပှဲၤ​အ​မူဒါ​လၢ ယဟိဝၤ​ယွၤ​ဟ့ၣ်လီၤ​အီၤ​လီၤ.—ယိၤ. ၁၇:၄.

ပ​ကွၢ်လိမၤဒိး ယ့ၣ်ၡူး​က​သ့​ဒ်လဲၣ် . . .

• ဖဲ​ပ​လဲၤ​သိၣ်လိ​ပှၤဂၤ လံာ်စီဆှံ မ့တမ့ၢ် စံၣ်တဲၤ​တဲလီၤ​တၢ်​လၢ ပျဲၢ်စီၢ်ခိၣ်​အခါ

• ဖဲ​ပှၤ​စံးပတြၢၤ​ပှၤ​အခါ

• ဖဲ​ပ​ဆၢတဲာ်​လၢ ပ​ကသူ​ပ​တၢ်​ဆၢကတီၢ်​ဒ်လဲၣ်​အခါ