ခရံာ်ဖိအတၢ်အိၣ်မူ ဒီးတၢ်စံၣ်တဲၤတဲလီၤတၢ်ကၠိ—ကၠိဖိလံာ်တၢ်မၤလိ လါဒံၣ်စ့ဘၢၣ် ၂၀၁၆
တၢ်အဒိလၢ တၢ်နီၤလီၤလံာ်လဲၢ်အဂီၢ်
တၢ်အဒိလၢ တၢ်နီၤလီၤ တၢးထီခိးတၢ် မဲးကစံဒီး လံာ်စီဆှံသိၣ်လိ တၢ်မ့ၢ်တၢ်တီလၢ ဝံအတၢ်စံးပာ်တဖၣ် အဘျုးအိၣ်လၢ မုၢ်မဆါတနံၤအံၤအဂီၢ်. သူတၢ်အဒိတဖၣ်ဒီး ကတဲာ်ကတီၤပာ်လၢ နနီၢ်ကစၢ် အတၢ်ကတိၤတက့ၢ်.
တၢ်လုၢ်ဒိၣ်ပှ့ၤဒိၣ်တဖၣ် လၢလံာ်စီဆှံ အပူၤ
“လဲၤထီၣ်သကိးဆူယွၤအကစၢၢ်”
ဝံယၡါယၤ ပာ်ဖျါဝဲ တၢ်စုကဝဲၤလၢ တၢ်သူအီၤလၢတၢ်ဒုးတၢ်ယၤတဖၣ်န့ၣ် ဘၣ်တၢ်မၤက့ၤအီၤလၢ တၢ်ပီးတၢ်လီလၢ တၢ်သူၣ်အီၣ်ဖျးအီၣ်တၢ် အဂီၢ်လီၤ. တၢ်ကတိၤအံၤ အဲၣ်ဒိးစံးဝဲ ယဟိဝၤယွၤ အပှၤဂီၢ်မုၢ်တဖၣ်န့ၣ် ဂုာ်ကျဲးစၢးဒုးအိၣ်ထီၣ် တၢ်ဃူတၢ်ဖိးလီၤ. (ယၡါယၤ ၂:၄)
အိၣ်မူဒ် ခရံာ်ဖိအသိး
တၢ်မၤဂ့ၤထီၣ် ပတၢ်သ့တၢ်ဘၣ် လၢတၢ်သးခုကစီၣ် တၢ်မၤအပူၤ—သူလံာ်လၢအမ့ၢ် “အိၣ်ဂၢၢ်ဆိးကျၢၤလၢ ယွၤအတၢ်အဲၣ်တၢ်ကွံအပူၤတက့ၢ်” ဒီးသိၣ်လိတၢ် ဒ်သိးကထုးန့ၢ်ပှၤဂၤအသးတက့ၢ်
လံာ်လၢအမ့ၢ် “အိၣ်ဂၢၢ်ဆိးကျၢၤလၢ ယွၤအတၢ်အဲၣ်တၢ်ကွံအပူၤတက့ၢ်” န့ၣ်ကမၤစၢၤ နပှၤမၤလိလံာ်စီဆှံဖိ ဒ်သိးကနၢ်ပၢၢ်ထီၣ်ဝဲလၢ ကစၢ်ယွၤ အတၢ်ဘျၢတဖၣ်န့ၣ် ဘၣ်ထွဲလိာ်အသးဒီး အဝဲသ့ၣ် အတၢ်အိၣ်မူဒ်လဲၣ်န့ၣ်လီၤ.
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ
မ့းၡံအၤ မၤလၢပှဲၤထီၣ် ဝံအတၢ်စံးပာ်
ဝံယၡါယၤ တဲဆိပာ်ဝဲလၢ မ့းၡံအၤကဟးစံၣ်တဲၤတဲလီၤတၢ်လၢ ကၤလံၤလါ အလီၢ်ကဝီၤလီၤ. ဖဲယ့ၣ်ၡူး ဟးစံၣ်တဲၤတဲလီၤတၢ် သးခုကစီၣ် ဒီးသိၣ်လိတၢ်လၢ တၢ်လီၢ်သကုၤဆးဒးလၢ ကၤလံၤလါအပူၤအခါ မ့ၢ်ဒၣ်အဝဲ မၤလၢထီၣ်ပှဲၤထီၣ် ဝံအတၢ်စံးပာ်အံၤလီၤ.
အိၣ်မူဒ် ခရံာ်ဖိအသိး
“ကွၢ်ကွၢ်, ယၤလီၤ. မၢလီၤယၤတက့ၢ်”
ပကွၢ်လိမၤဒိး ဝံယၡါယၤ အဒိအတဲာ်လၢ အဟ့ၣ်လီၤအသး လၢတၢ်သူၣ်အိၣ်သးအိၣ်အပူၤ ကသ့ဒ်လဲၣ်. ဟံးန့ၢ် တၢ်မၤလိလၢ ဟံၣ်ဖိဃီဖိတဒူၣ်လၢ အသုးလီၢ်သုးကျဲ ဆူတၢ်လီၢ်လၢ အလိၣ်ဘၣ်တၢ်မၤစၢၤန့ၣ်တက့ၢ်.
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ
ဟီၣ်ခိၣ်ကပှဲၤဝဲဒီး တၢ်သ့ၣ်ညါယွၤ
ဝံယၡါယၤ အတၢ်စံးပာ်လၢ ဘၣ်ဃးဒီး ဟီၣ်ခိၣ် ပၤရဒံစူးအပူၤန့ၣ် ဟဲလၢထီၣ်ပှဲၤထီၣ်လၢ အပူၤကွံာ်, မုၢ်မဆါတနံၤအံၤ, ဒီးခါဆူညါဒ်လဲၣ်
အိၣ်မူဒ် ခရံာ်ဖိအသိး
တၢ်ကူၣ်ဘၣ်ကူၣ်သ့လၢ ဟဲလၢယွၤအအိၣ်န့ၣ် မၤနၢၤကွံာ် တၢ်ကွၢ်တလီၤကလုာ်ဒူၣ်
တဘျီခါ ပှၤလၢအထီဒုၣ်ဒါလိာ်အသးခံဂၤ ခဲအံၤကဲထီၣ် ဒီပုၢ်ဝဲၢ်—တၢ်ကူၣ်ဘၣ်ကူၣ်သ့လၢ ဟဲလၢယွၤအအိၣ်န့ၣ် မၤဃူမၤဖိးတၢ်.
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ
ပမ့ၢ်သူကမၣ် ပတၢ်ခွဲးတၢ်ယာ်န့ၣ် ပတၢ်န့ၢ်စိန့ၢ်ကမီၤ ကလီၤမၢ်ကွံာ်
စီၤၡၤဘနၤကြၢးသူဝဲ အတၢ်ခွဲးတၢ်ယာ်ဒ်လဲၣ်. ဘၣ်မနုၤအဃိ ယဟိဝၤယွၤ ပာ်ထီၣ် စီၤအ့ၤလယါကံၣ် လၢစီၤၡၤဘနၤအလီၢ်လဲၣ်.
