ဝံယၡါယၤသးအိၣ် ဟ့ၣ်လီၤအသးန့ၣ် မ့ၢ်တၢ်ဒိဂ့ၤတဲာ်ဘၣ်လၢပဂီၢ်လီၤ. တၢ်လၢအဝဲကဘၣ်မၤဝဲန့ၣ် တသ့ၣ်ညါဝဲ လီၤတံၢ်လီၤဆဲးသနာ်က့ အဝဲပာ်ဖျါထီၣ် အတၢ်နာ်ဒီးတူၢ်လိာ်ဝဲ မူဒါတဘျီဃီန့ၣ်လီၤ. (ၡါ. ၆:၈) မ့ၢ်နဆီတလဲနတၢ်အိၣ်သး ဒ်သိးနလဲၤ စံၣ်တဲၤတဲလီၤ တၢ်သးခုကစီၣ်လၢ တၢ်လီၢ်လၢအလိၣ်ဘၣ် တၢ်မၤစၢၤကသ့ဧါ. (စံး. ၁၁၀:၃) ဒ်သိးပကမၤဒ်န့ၣ်အဂီၢ် ပကဘၣ် “ဂံၢ်ကွၢ်” တၢ်လၢာ်ဘူၣ်လၢာ်စ့ၤန့ၣ်လီၤ. (လူၤ. ၁၄:၂၇, ၂၈) ဒ်လဲၣ်ဂ့ၤဒ်လဲၣ်ဂ့ၤ ပကဘၣ်သးအိၣ် ဟ့ၣ်လီၤပသး လၢတၢ်စံၣ်တဲၤတဲလီၤတၢ်မၤအဂီၢ်လီၤ. (မး. ၈:၂၀; မၢ်. ၁၀:၂၈-၃၀) ဒ်တၢ်ဂီၤမူလၢအမ့ၢ် တၢ်သုးလီၢ်သုးကျဲဆူ တၢ်လီၢ်လၢ အလိၣ်ဘၣ်တၢ်မၤစၢၤ ပာ်ဖျါထီၣ်ဝဲအသိး တၢ်ဆိၣ်ဂ့ၤလၢပဒိးန့ၢ်ဘၣ်အီၤခီဖျိ ပမၤယဟိဝၤယွၤအတၢ်မၤန့ၣ် ဂ့ၤဒိၣ်န့ၢ်ဒံး တၢ်လၢပပာ်တ့ၢ်ကွံာ်အီၤခဲလၢာ်န့ၣ်လီၤ.

• ဒ်သိးဒီပုၢ်ဝဲၢ် ဝ့လယၢၤ(စ်) အဟံၣ်ဖိဃီဖိတဖၣ် လဲၤစံၣ်တဲၤတဲလီၤတၢ်လၢ အဲးခွံးဒီ ကသ့အဂီၢ် အဝဲသ့ၣ်တူၢ်ဆါအသးဒ်လဲၣ်.

• ဖဲအဝဲသ့ၣ် ဃုထၢတၢ်လီၢ်လၢ ကလဲၤစံၣ်တဲၤတဲလီၤတၢ်အခါ အဝဲသ့ၣ်ဆိကမိၣ်ဝဲ တၢ်ဂ့ၢ်မနုၤတဖၣ်လဲၣ်.

• အဝဲသ့ၣ် ဒိးန့ၢ်ဘၣ်တၢ်ဆိၣ်ဂ့ၤ မနုၤတဖၣ်လဲၣ်.

• ဘၣ်ဃးဒီး တၢ်လဲၤစံၣ်တဲၤတဲလီၤတၢ်လၢ တၢ်လီၢ်လၢ အလိၣ်ဘၣ်တၢ်မၤစၢၤန့ၣ် နဃုသ့ၣ်ညါအါထီၣ် တၢ်ဂ့ၢ်တၢ်ကျိၤကသ့ဖဲလဲၣ်.

• ပဟံၣ်ဖိဃီဖိဒီဒူၣ် ပၣ်ဃုာ်အါထီၣ်လၢ တၢ်စံၣ်တဲၤတဲလီၤတၢ်မၤအပူၤ ကသ့ဒ်လဲၣ် (km ၈/၁၁ ကဘျံးပၤ ၄-၆)

• ပလဲၤစံၣ်တဲၤတဲလီၤတၢ်လၢ တၢ်လီၢ်လၢအလိၣ်ဘၣ် တၢ်မၤစၢၤမ့ၢ်တသ့သနာ်က့ ပမၤစၢၤတၢ်လၢ ပတၢ်အိၣ်ဖှိၣ်အပူၤကသ့ဒ်လဲၣ်. (က၁၆.၀၃ စာမျက်နှာ ၃-၅)