ဘၣ်မနုၤအဃိ အရ့ဒိၣ်လဲၣ်– ပှၤဟီၣ်ခိၣ်ဖိတဖၣ် ကြၢးမၤလိ ယဟိဝၤယွၤ အတၢ်ဘျၢတဖၣ် ဒီးအိၣ်မူထွဲအီၤ ဒ်သိးကစၢ်ယွၤ ကတူၢ်လိာ် အတၢ်ဘူၣ်ထီၣ်ဘါထီၣ်အဂီၢ်လီၤ. (ၡါ. ၂:၃, ၄) ပတၢ်မၤလိအလံာ်ခံဘ့ၣ်တဘ့ၣ် လၢအမ့ၢ် “အိၣ်ဂၢၢ်ဆိးကျၢၤလၢ ယွၤအတၢ်အဲၣ်တၢ်ကွံအပူၤတက့ၢ်” န့ၣ်ကမၤစၢၤ နပှၤမၤလိလံာ်စီဆှံဖိ ဒ်သိးကနၢ်ပၢၢ်ထီၣ်ဝဲလၢ ကစၢ်ယွၤ အတၢ်ဘျၢတဖၣ်န့ၣ် ဘၣ်ထွဲလိာ်အသးဒီး အဝဲသ့ၣ် အတၢ်အိၣ်မူဒ်လဲၣ်န့ၣ်လီၤ. (ဧ့ၤ. ၅:၁၄) ဖဲပသိၣ်လိအဝဲသ့ၣ်အခါ ပကဘၣ်ဂုာ်ကျဲးစၢး သိၣ်လိအီၤတုၤ အနုာ်လီၤဆူအသးပူၤလီၤ. ပမ့ၢ်မၤဒ်န့ၣ်န့ၣ် ကထိၣ်ဟူးထိၣ်ဂဲၤထီၣ် အသးဒ်သိး ကဆီတလဲအတၢ်အိၣ်မူအဂီၢ်လီၤ.—ရိ. ၆:၁၇.

ပမၤကသ့ဒ်လဲၣ်–

• ကတဲာ်ကတီၤပာ်ဂ့ၤဂ့ၤ ဒီးဆိကမိၣ်ထံ နပှၤမၤလိလံာ်စီဆှံဖိ အတၢ်လိၣ်ဘၣ်တက့ၢ်. ကတဲာ်ကတီၤ တၢ်သံကွၢ် လၢကမၤစၢၤနၤဒ်သိး နကသ့ၣ်ညါ အဝဲအတၢ်တူၢ်ဘၣ် ဒီးအတၢ်ထံၣ်လၢ ဘၣ်ဃးဒီးတၢ်ဂ့ၢ်န့ၣ်တက့ၢ်.—ကတိၤ. ၂၀:၅; be ကဘျံးပၤ ၂၅၉

• သူတၢ်လွံၢ်နၢၣ်တဖၣ် လၢလံာ်အပူၤ ဒ်သိးနပှၤမၤလိ လံာ်စီဆှံဖိ ကနၢ်ပၢၢ်ထီၣ်ဝဲလၢ အဝဲမ့ၢ်မၤထွဲ လံာ်စီဆှံ အတၢ်ဘျၢတဖၣ်န့ၣ် ကကဲဘျုးလၢအဂီၢ်ဒ်လဲၣ်န့ၣ်တက့ၢ်

• တၢ်ဂ့ၢ်လၢ နပှၤမၤလိလံာ်စီဆှံဖိ ကဘၣ်ဆၢတဲာ်ဝဲလၢ အသးလၢအသ့ၣ်ညါဒၣ်တၢ် အဖီခိၣ်န့ၣ် နကြၢးမၤစၢၤအီၤဒ်သိး ဆၢတဲာ်တၢ်လၢအဘၣ် ကသ့အဂီၢ်န့ၣ်လီၤ. ဘၣ်ဆၣ် တဘၣ်ဆၢတဲာ်တၢ်လၢအဂီၢ်တဂ့ၤ.—ကလၤ. ၆:၅

• နပှၤမၤလိလံာ်စီဆှံဖိ မ့ၢ်လိၣ်ဘၣ်တၢ်မၤစၢၤလၢ ကအိၣ်မူဒ်လံာ်စီဆှံ အတၢ်ဘျၢအသိးန့ၣ် မၤစၢၤအီၤလၢ တၢ်ကူၣ်သ့အပူၤတက့ၢ်. လၢတၢ်အဲၣ်တၢ်ကွံအပူၤ ဟ့ၣ်ဂံၢ်ဟ့ၣ်ဘါအီၤလၢ အဝဲကဘၣ်ဆီတလဲအသး ခီဖျိလၢတၢ်အဲၣ် ယဟိဝၤယွၤအဃိန့ၣ်တက့ၢ်.—ကတိၤ. ၂၇:၁၁; ယိၤ. ၁၄:၃၁