ဖဲ​စီၤ​ပီလူး ဒီး​စီၤ​စံလၤ အိၣ်​လၢ​ဃိၣ်​ပူၤ​အခါ သးဝံၣ်​စံးထီၣ်​ပတြၢၤ ယဟိဝၤ​ယွၤ​လီၤ. (မၤတၢ်. ၁၆:၂၅) အဝဲသ့ၣ်​ အ​တၢ်သးဝံၣ်​န့ၣ်​ က​ကဲထီၣ်​တၢ်ဂံၢ်​တၢ်ဘါ​လၢ ကအိၣ်​ဒီး​တၢ်​တူၢ်န့ၢ်​ခီၣ်ကဲ​အဂီၢ်​လီၤ. မုၢ်မဆါ​တနံၤ​အံၤ​စ့ၢ်ကီး ဒ်​န့ၣ်​အသိး​လီၤ. ပ​တၢ်သးဝံၣ်​လၢ ပ​သူ​အီၤ​လၢ တၢ်​ဘူၣ်ထီၣ်​ဘါထီၣ်​အဂီၢ် ဒီး​တၢ်သးဝံၣ်​အဂၤ​လၢ ပ​တၢ်​ကရၢကရိ ထုးထီၣ်​ဝဲ​တဖၣ်​န့ၣ်​ ဟ့ၣ်ဂံၢ်​ဟ့ၣ်ဘါ​ပှၤ ဒီး​မၤစၢၤ​ပှၤ ဒ်သိး​ပ​ကအိၣ်​ဒီး​တၢ်သးတီ ဖဲ​ပ​ထံၣ်ဘၣ်​ တၢ်လ့ပစီ​အခါ​လီၤ. အါန့ၢ်​အန့ၣ်​ ပ​သးဝံၣ်​တၢ်​န့ၣ်​ မ့ၢ်​ပ​စံးထီၣ်​ပတြၢၤ ယဟိဝၤ​ယွၤ​လီၤ. (စံး. ၂၈:၇) ပ​ဘၣ်​တၢ်​ဟ့ၣ်ဂံၢ်​ဟ့ၣ်ဘါ​ပှၤလၢ ပ​က​ကၠီးလိ​ပ​သး​လၢ တၢ်သးဝံၣ်​တနီၤ တုၤ​ပ​တိၢ်နီၣ်​အ​ဖျၢၣ်​ဘၣ်​လီၤ. မ့ၢ်​န​မၤကွၢ်​လံဧါ. ဖဲ​ပ​မၤ​ဟံၣ်ဖိ​ဃီဖိ တၢ်​မၤလိ​လံာ်စီဆှံ​အခါ ပ​ကၠီးလိ​ပ​သး​လၢ တၢ်သးဝံၣ်​ တုၤ​ပ​တိၢ်နီၣ်​အ​ဖျၢၣ်​ဘၣ်​ သ့ဝဲ​လီၤ.

ကွၢ်​တၢ်ဂီၤမူ​လၢ အ​ခိၣ်တီ​မ့ၢ်ဝဲ ဖိသၣ်​တဖၣ် သးဝံၣ်​စံးပတြၢၤ ယဟိဝၤ​ယွၤ ဒီး​စံးဆၢ​တၢ်​သံကွၢ်​လၢ လာ်​တဖၣ်​အံၤ​တက့ၢ်–

• ပ​သးဝံၣ်​ဘီမုၢ် အ​တၢ်သးဝံၣ်​န့ၣ်​ အဘျုး​အိၣ်​လၢ​ပဂီၢ်​ဒ်လဲၣ်.

• တၢ်​ကလုၢ်​ဒီး တၢ်ဂီၤမူ​ဝဲၤကျိၤ​န့ၣ်​ ဒ်သိး​က​သွီ​ဝဲ​တၢ်သးဝံၣ်​အဂီၢ် အဝဲသ့ၣ်​ကတဲာ်​ကတီၤဝဲ​ဒ်လဲၣ်.

• ဖိသၣ်​ ဒီး​အဟံၣ်​ဖိ​ဃီဖိ​တဖၣ်​ ကတဲာ်​ကတီၤ​အသး​လၢ က​သွီ​တၢ်သးဝံၣ်​အဂီၢ်​ဒ်လဲၣ်.

• ဘီမုၢ်​အ​တၢ်သးဝံၣ်​လၢ န​ဘၣ်သူၣ်​ဘၣ်သး​အ​ဒိၣ်ကတၢၢ်​န့ၣ်​ မ့ၢ်​ဖဲလဲၣ်​တ​ယုၢ်​လဲၣ်. ဒီး​ဘၣ်​မနုၤ​အဃိ န​ဘၣ်သူၣ်​ဘၣ်သး​လဲၣ်.