ဘၣ်​မနုၤ​အဃိ အရ့ဒိၣ်– ပှၤလၢ​အဘၣ်​တၢ်ဒိးဖှူ​အီၤ​တဖၣ်​ ဒီး​သိ​အဂုၤ​အဂၤ​တဖၣ်​န့ၣ်​ ဟး​ကွဲမုာ်​ဝဲ ပှၤ​ကိး​ကလုာ်​ဒဲး​လၢ​က “ဟံးန့ၢ်​ကလီ​ထံမူ” လီၤ. (လီၣ်. ၂၂:၁၇) ထံ​အံၤန့ၣ်​မ့ၢ်ဝဲ ယဟိဝၤ​ယွၤ အ​တၢ်​ကတဲာ်​ကတီၤ​ခဲလၢာ် လၢ​က​မၤ​ထူၣ်ဖျဲး​ထီၣ်​ပှၤလၢ တၢ်သံ​ဒီး​တၢ်ဒဲးဘး​အဂီၢ်​လီၤ. အဃိ ဒ်သိး​ပ​က​မၤစၢၤ ပှၤလၢ​အ​လုၢ်လၢ် ဒီး​တၢ်ဘူၣ်​တၢ်ဘါ လီၤဆီ​လိာ်သး​တဖၣ်​အဂီၢ် ပ​က​ဘၣ်​ဃုကျဲ​လၢ ပ​က​စံၣ်တဲၤ​တဲလီၤ “တၢ်သးခု​ကစီၣ်​အထူ​အယိာ်” ဆူ​ပှၤ​တဂၤ​စုာ်စုာ်​အ​အိၣ်​လီၤ.—လီၣ်. ၁၄:၆.

ပ​မၤ​က​သ့​ဒ်လဲၣ်–

• ဃုထၢ​တၢ်ဂ့ၢ်​တၢ်ကျိၤ ဒီး​လံာ်စီဆှံ​အဆၢ​လၢ က​ထုးန့ၢ်​ပှၤလၢ န​လီၢ်ကဝီၤ​အ​ပူၤ​တဖၣ်​အသး​တက့ၢ်. န​သူ​တၢ်ဟ့ၣ်ကူၣ်​လၢ ပ​က​တဲသကိး​တၢ်​ဒီး​ပှၤဂၤ​အဂီၢ်​တခါ မ့တမ့ၢ် တၢ်ဂ့ၢ်​လၢ​န​သူ​တ့ၢ်​အီၤ​လၢ အ​ကဲဘျုး​တခါခါ​သ့​လီၤ. အဝဲသ့ၣ်​တူၢ်လိာ် တၢ်ဂ့ၢ်​ဒီး​လံာ်စီဆှံ​အဆၢ မနုၤ​လဲၣ်. တၢ်ကစီၣ်​လၢ ပှၤ​အါတက့ၢ် ဆိကမိၣ်​ ဒီး​တဲသကိး​ဝဲ​န့ၣ်​ မ့ၢ်​မနုၤ​လဲၣ်. ပိာ်မုၣ်​ မ့တမ့ၢ် ပိာ်ခွါ​တဖၣ်​ ဘၣ်သူၣ်​ဘၣ်သး​ဝဲ တၢ်ဂ့ၢ်​မနုၤ​လဲၣ်.

• ဆိကမိၣ်​ဃုာ်ဒီး န​လီၢ်ကဝီၤ တၢ်ကတိၤ​ဆၢဂ့ၤ​ဆၢဝါ ဒီး​လုၢ်လၢ်​တဖၣ်​တက့ၢ်.—၂ ကရံၣ်. ၆:၃, ၄.

• ဒ်သိး န​မၤစၢၤ​ပှၤလၢ အသး​အိၣ်​တၢ်​တဖၣ်​က​သ့​အဂီၢ် မၤလိ​သ့​ထီၣ်​န​သး​လၢ န​ကသူ​လံာ်လဲၢ် ဒီး​တၢ်ဂီၤမူ​လၢ အ​အိၣ်​လၢ တၢ်ပီးတၢ်လီ​လၢ တၢ်​သိၣ်လိ​နဲၣ်လိ​တၢ်​အဂီၢ်​တဖၣ်​တက့ၢ်

• ဒီလိး တၢ်ဂ့ၢ်​တၢ်ကျိၤ ဒီး​ကျိာ်​လၢ ပှၤလၢ​န​က​ထံၣ်ဘၣ်​လၢ န​လီၢ်ကဝီၤ​အ​ပူၤ​တဖၣ်​သူဝဲ​တက့ၢ်

• ဆီတလဲ​တၢ်ဂ့ၢ်​တၢ်ကျိၤ​လၢ က​လီၤပလိာ်​ဒီး ဟံၣ်​ကစၢ်​အ​တၢ်လိၣ်ဘၣ်​တက့ၢ်. (၁ ကရံၣ်. ၉:၁၉-၂၃) အဒိ န​မ့ၢ်​ထံၣ်​ဒီး ဟံၣ်​ကစၢ်​လၢ အဟံၣ်​ဖိ​ဃီဖိ​တဂၤ သံသဒၣ်​ကွံာ်​အီၤ​န့ၣ်​ န​က​တဲ​အီၤ​တၢ်ဂ့ၢ်​မနုၤ​လဲၣ်.

ကွၢ်တၢ်ဂီၤမူ ဒီး​စံးဆၢ​တၢ်​သံကွၢ်​လၢ လာ်​တဖၣ်​အံၤ​တက့ၢ်–

• ပှၤ​စံၣ်တဲၤ​တဲလီၤ​တၢ်ဖိ​န့ၣ်​ စးထီၣ်​တဲသကိး​တၢ်​ဒီး ဟံၣ်​ကစၢ်​လၢ တၢ်ဂ့ၢ်​မနုၤ​လဲၣ်.

• တၢ်မနုၤ​ကဲထီၣ်​အသး​လၢ ဟံၣ်​ကစၢ် အ​တၢ်အိၣ်မူ​အ​ပူၤ​လဲၣ်.

• လံာ်စီဆှံ​အဆၢ ဖဲလဲၣ်​တ​ဆၢ ကြၢး​ဝဲ​ဘၣ်​ဝဲ​ဒီး တၢ်အိၣ်သး​အံၤ​လဲၣ်​ ဒီး​ဘၣ်​မနုၤ​အဃိ​လဲၣ်.

• ဒ်သိး​ပှၤလၢ​အ​အိၣ်​လၢ န​ဟီၣ်ကဝီၤ​အ​ပူၤ​တဖၣ်​ က​သးစၢၢ်ဆၢ​ဝဲ တၢ်ကစီၣ်​လၢ န​တဲ​အီၤ​တဖၣ်​အဂီၢ် န​ဆီတလဲ​တဲ တၢ်ဂ့ၢ်​တၢ်ကျိၤ​တဖၣ်​က​သ့​ဒ်လဲၣ်.