လၢ​ပှၤ​ဟီၣ်ခိၣ်​ဖိ အ​တၢ်စံၣ်စိၤတဲစိၤ​အ​ပူၤ​န့ၣ်​ ပဒိၣ်​တဖၣ်​ မၤစၢၤဝဲ​ယဟိဝၤ​ယွၤ အ​ပှၤ​ဂီၢ်မုၢ်​တဖၣ်​အိၣ်ဝဲ​လီၤ. (ဧ့. ၆:၁-၁၂; အ့ၤ. ၈:၁၀-၁၃) မုၢ်မဆါ​တနံၤ​အံၤ​စ့ၢ်ကီး “ဟီၣ်ခိၣ်” လၢ​အမ့ၢ် ဟီၣ်ခိၣ်​ပဒိၣ်​ပပှၢ်​လၢ အ​ပဲာ်ထံ​နီၤဖး​တၢ်​သ့​တဖၣ်​ ယူၢ်လီၤ​ဝဲ “ထံ” လၢ​ပယိၤ​ပှဲာ်​ထီၣ်ဝဲ​လၢ​အမ့ၢ် တၢ်​မၤနး​မၤဖှီၣ်​လီၤ. (လီၣ်. ၁၂:၁၆) “တၢ်​အုၣ်က့ၤ​ခီၣ်က့ၤ” ကစၢ်​ယဟိဝၤ​ယွၤ​န့ၣ်​ တဘျီတခီၣ်​ ထိၣ်ဟူး​ထိၣ်ဂဲၤ​ထီၣ်ဝဲ ဟီၣ်ခိၣ်​ပဒိၣ်​ပပှၢ်​တဖၣ်​ ဒ်သိး​က​မၤစၢၤ အ​ပှၤ​ဂီၢ်မုၢ်​အဂီၢ်​လီၤ.—စံး. ၆၈:၂၀; ကတိၤ. ၂၁:၁.

ပှၤ​မ့ၢ်​ဖၢနုာ်​နၤ​လၢ ဃိာ်ပူၤ​ခီဖျိ​လၢ န​တၢ်စူၢ်​တၢ်နာ်​အဃိ​န့ၣ်​ န​က​မၤ​ဒ်လဲၣ်. န​နာ်​သ့​သပှၢ်​ကတၢၢ်​လၢ ယဟိဝၤ​ယွၤ ကကွၢ်​လီၤ​နၤ​လီၤ. (၁ မိၤ. ၃၉:၂၁-၂၃; စံး. ၁၀၅:၁၇-၂၀) ယဟိဝၤ​ယွၤ က​ဆိၣ်ဂ့ၤ​န​တၢ်နာ် ဒီး​န​နာ်​သ့ သပှၢ်​ကတၢၢ်​လၢ န​တၢ်သးတီ​န့ၣ်​ က​ကဲထီၣ်​တၢ်​ဟ့ၣ်ဂံၢ်​ဟ့ၣ်ဘါ​လၢ ဒီပုၢ်ဝဲၢ်​လၢ​ဟီၣ်ခိၣ်​ဒီဘ့ၣ်​အဂီၢ်​လီၤ.—ဖံး​လံး. ၁:၁၂-၁၄; လီၣ်. ၂:၁၀.

ကွၢ်​တၢ်ဂီၤမူ​လၢ အ​ခိၣ်တီ​မ့ၢ်ဝဲ ခိၣ်ရံယါ ဒီပုၢ်ဝဲၢ်​ခွါ​တဖၣ် ပှၤ​ပျၢ်​ထီၣ်​ကွံာ်​အဝဲသ့ၣ် လၢ​ဃိာ်ပူၤ ဒီး​စံးဆၢ​က့ၤ တၢ်​သံကွၢ်​လၢ လာ်​တဖၣ်​အံၤ​တက့ၢ်–

• လၢ​အ​နံၣ်​တဖၣ်​အ​နံၣ်​အတီၢ်ပူၤ ပ​ဒီပုၢ်ဝဲၢ်​ခွါ​လၢ​အ​ကထိ လၢ​အ​အိၣ်​လၢ ခိၣ်ရံယါ​တဖၣ်​ ဘၣ်​မနုၤ​အဃိ လီၤ​ဘၣ်​လၢ​ဃိာ်ပူၤ​လဲၣ်.

• ရူ​အ​တၢ်​ဆၢတဲာ်​မနုၤ​အဃိ ပ​ဒီပုၢ်ဝဲၢ်​တနီၤ ဟးထီၣ်​ဘၣ်​လၢ ဃိာ်ပူၤ​ဆိ​ဆိ​လဲၣ်.

• ပ​ဒီပုၢ်ဝဲၢ်​လၢ​အ​အိၣ်​လၢ​ဟီၣ်ခိၣ်​ဒီဘ့ၣ်​ လၢ​အ​လီၤ​ဘၣ်​လၢ​ဃိာ်ပူၤ ခီဖျိ​တၢ်နာ်​အဃိ​တဖၣ်​န့ၣ်​ ပ​မၤစၢၤ​အီၤ​က​သ့​ဒ်လဲၣ်.

• ဖဲ​ပ​အိၣ်ဒီး​တၢ်သဘျ့​အခါ ပ​ကြၢး​သူ​အီၤ​ဒ်လဲၣ်.

• ရူ​အ​တၢ်မၤနၢၤ​တဖၣ်​န့ၣ်​ လၢ​မတၤ​အဃိ​လဲၣ်.