၁၃:၄, ၅, ၄၅, ၄၆, ၅၂, ၅၇

တၢ်မၤလိာ်​လၢ ဘၣ်ဃး​ဒီး ပှၤ​ဘၣ်​တၢ်ဆါအၢ​တဖၣ်​န့ၣ်​ သိၣ်လိ​ပှၤ ဘၣ်ဃး​ဒီး ပ​က​​ဘၣ်​ဒီသဒၢ ပ​တၢ်​ရ့လိာ်သး​ဒီး ယဟိဝၤ​ယွၤ လၢ​ကျဲ​ဒ်လဲၣ်.

• ယဟိဝၤ​ယွၤ သိၣ်လိ​ဝဲ ပှၤလုၢ်တၢ်​ဒိၣ်​တဖၣ်​ ဒ်သိး က​သ့ၣ်ညါ​​ဝဲ​လၢ က​​ဘၣ်​ပာ်ဖျါ​ထီၣ်ဝဲ ပှၤ​ဘၣ်​တၢ်ဆါအၢ​တဖၣ်​ လၢ​အဆိ​အချ့​ဒ်လဲၣ်​န့ၣ်​လီၤ. ဆၢကတီၢ်​ခဲအံၤ​စ့ၢ်ကီး ပှၤ​ကွၢ်သိ​တဖၣ်​ ပာ်သူၣ်​ပာ်သး​ဝဲ ပှၤလၢ​အ​လိၣ်​ဘၣ်​တၢ်မၤစၢၤ​လၢ အ​တၢ်​ရ့လိာ်သး​ဒီး ယဟိဝၤ​ယွၤ​က​ဂ့ၤ​အဂီၢ်​န့ၣ်​လီၤ.—ယၤ. ၅:၁၄, ၁၅

• ဒ်သိး​တၢ်ဆါအၢ သု​တ​ဘၣ်ကူ​ဘၣ်ဂာ် ပှၤအဂၤ​တဂ့ၤ​အဂီၢ် ပှၤ​အံၣ်စရ့လး​ဖိ​တဖၣ်​ က​​ဘၣ်​ဒွဲၣ်အူ​ကွံာ် တၢ်ပီး​တၢ်လီ​လၢ အိၣ်ဒီး​တၢ်ဆါ​ဃၢ်​တဖၣ်​လီၤ. ခရံာ်ဖိ​တဖၣ်​စ့ၢ်ကီး တၢ်​လၢ​မ့မ့ၢ် တၢ်​လုၢ်ဒိၣ်​ပှ့ၤဒိၣ်​လၢ​အဂီၢ်​ဒၣ်လဲာ် မ့ၢ်​ဆီၣ်ထွဲ​အဝဲသ့ၣ်​လၢ က​မၤ​​ဘၣ်​တၢ်ကမၣ်​အဂီၢ်​န့ၣ်​ က​ဘၣ်​ပာ်တ့ၢ်​ကွံာ်​ဝဲ​လီၤ. (မး. ၁၈:၈, ၉) တၢ်​သ့ၣ်​တဖၣ်​န့ၣ်​ ပၣ်ဃုာ်ဒီး လုၢ်လၢ်, တၢ်​ရ့​တံၤ​ရ့​သကိး ဒီး​တၢ်​မၤမုာ်​မၤ​ဖှံ​သး​တဖၣ်

ခရံာ်ဖိ​တဂၤ အသး​အိၣ်​တူၢ်လိာ် ယဟိဝၤ​ယွၤ အ​တၢ်မၤစၢၤ​န့ၣ်​ ပာ်ဖျါ​ထီၣ်​ဝဲ​က​သ့​ဒ်လဲၣ်.