န​မ့ၢ်​ပှၤလၢ အ​မၤ​တၢ်သးခု​ကစီၣ်​တၢ်မၤ​လၢ ဆၢကတီၢ်​လၢပှဲၤ​လၢ အသး​အိၣ်​ ၂၃ နံၣ်​ဒီး ၆၅ နံၣ်​အ​ဘၢၣ်စၢၤ​ဧါ. န​မ့ၢ်​ပှၤလၢ အ​တၢ်​အိၣ်ဆူၣ်​အိၣ်ချ့​ဂ့ၤ ဒီး​လဲၤ​စံၣ်တဲၤ​တဲ​လီၤ​တၢ်​လၢ တၢ်လီၢ်​လၢ​အ​လိၣ်​ဘၣ်​တၢ်မၤစၢၤ လၢ​တၢ်လီၢ်​တတီၤ​ဂ့ၤ​တတီၤ​ဂ့ၤ​သ့ဧါ. န​မ့ၢ်​စံးဆၢ တၢ်​သံကွၢ်​တဖၣ်​အံၤ​လၢ မ့ၢ်​န့ၣ်​ မ့ၢ်​န​ဆိကမိၣ်​ထီၣ်​ဘၣ်​လၢ န​က​တီၣ်ထီၣ်​ လံာ်ပတံထီၣ်​လၢ ပှၤ​စိာ်​ဘီမုၢ်​တၢ်သးခု​ကစီၣ်​ဖိ​အ​ကၠိ​အဂီၢ်​န့ၣ်​ဧါ. လၢ​အဆိ​ကတၢၢ်​တဘျီ​လံၤ​လံၤ​န့ၣ်​ ပှၤ​နီၢ်​ဒီမါဝၤ, ဒီပုၢ်ဝဲၢ်​မုၣ်​သဘျ့ ဒီး​ဒီပုၢ်ဝဲၢ်​ခွါ​သဘျ့ အဂၤ​လၢ​အ​ကထိ တီၣ်ထီၣ်​လံာ်ပတံထီၣ်​လီၤ. ဘၣ်ဆၣ်​ ပ​လိၣ်​ဘၣ်​အါထီၣ်​ ဒီပုၢ်ဝဲၢ်​ခွါ​သဘျ့​တဖၣ်​လီၤ. ဃ့​ယဟိဝၤ​ယွၤ​လၢ ကမၤ​အါထီၣ်​ နတၢ်​သးအိၣ်​မၤ​အ​တၢ်ဘၣ်သး ဒီး​န​က​ကွၢ်လိမၤဒိး အ​ဖိခွါ​အဂီၢ်​တက့ၢ်. (စံး. ၄၀:၈; မး. ၂၀:၂၈; ဧ့ၤ. ၁၀:၇) ဒီး​ဒ်သိး​န​က​တုၤထီၣ်​ထီၣ်ဘး​အဂီၢ် ဃုကျဲ​လၢ န​က​မၤ​​လီၤ​စှၤ ဟီၣ်ခိၣ်​တၢ်ဖံး​တၢ်မၤ ဒီး​န​မူဒါ​တဖၣ်​တက့ၢ်.

ပှၤလၢ​အ​ဖျိထီၣ်​ကၠိတဖၣ်​ ဒိးန့ၢ်​ဘၣ်​မူဒါ​မနုၤ​တဖၣ်​သ့​လဲၣ်. ပှၤ​တနီၤ​န့ၣ်​ က​​ဘၣ်​လဲၤ​စံၣ်တဲၤ​တဲ​လီၤ​တၢ်​လၢ ပှၤလၢ​အ​ကတိၤ​ကျိာ်​အဂၤ​တဖၣ်​အိၣ်​အလီၢ်, က​​ဘၣ်​လဲၤ​မၤဝဲ တၢ်​စံၣ်တဲၤ​တဲ​လီၤ​တၢ်​လီၤဆီ​လၢ ဝ့ၢ်​ဖးဒိၣ်​တဖၣ်​လီၤ. အဂၤ​တနီၤ​န့ၣ်​ လၢခံ​ကဲထီၣ်​ဝဲ ကဝီၤ​အပှၤကွၢ်တၢ်​အ​ခၢၣ်စး, ကဝီၤ​အပှၤကွၢ်တၢ်​တဖၣ်​ ဒီး​မံးၡ့ၣ်နရ့ၣ်​တဖၣ်​လီၤ. ဖဲ​န​ဆိကမိၣ်​ထီၣ်​ တၢ်ဂ့ၢ်​ဘၣ်ဃး​ဒီး န​က​မၤ​ယဟိဝၤ​ယွၤ​အ​တၢ်မၤ​အခါ မ်​န​အိၣ်ဒီး တၢ်​ပာ်သူၣ်​ပာ်သး ဒ်​ဝံ​ယၡါယၤ​လၢ အ​တဲဝဲ– “ကွၢ်ကွၢ်, ယၤ​လီၤ. မၢ​လီၤ​ယၤ” အသိး​န့ၣ်​တက့ၢ်.—ၡါ. ၆:၈.

ကွၢ်​တၢ်ဂီၤမူ​လၢ​အ​ခိၣ်တီ​မ့ၢ် မံးၡ့ၣ်နရ့ၣ်​လၢ အမ့ၢ် ပှၤ​ကူးတၢ်​ဖိ​တဖၣ်​ ဒီး​စံးဆၢ​တၢ်​သံကွၢ်​လၢ​လာ်​တဖၣ်​အံၤ–

• မံးၡ့ၣ်နရ့ၣ်​တဖၣ်​န့ၣ်​ ​ဘၣ်​တၢ်​ဃုထၢ​ထီၣ်​အီၤ​ဒ်လဲၣ်.

• မံးၡ့ၣ်နရ့ၣ်​တဖၣ်​ မၤ​ဝဲ​တၢ်မၤ​မနုၤ​တဖၣ်​လဲၣ်.

• မံးၡ့ၣ်နရ့ၣ်​တၢ်မၤ အ​တၢ်ဆိၣ်ဂ့ၤ​တဖၣ်​န့ၣ်​ မ့ၢ်​မနုၤ​လဲၣ်.