အိၣ်မူဒ် ခရံာ်ဖိအသိး
ပမၤ တၢ်အိၣ်ဖှိၣ်ရိဖှိၣ်လၢ တၢ်စံၣ်တဲၤတဲလီၤတၢ်အဂီၢ် လၢအဂ့ၤကတၢၢ်ကသ့ဒ်လဲၣ်
ဒ်တၢ်အိၣ်ဖှိၣ်ရိဖှိၣ်အဂၤတဖၣ်အသိး တၢ်အိၣ်ဖှိၣ်ရိဖှိၣ်လၢ တၢ်စံၣ်တဲၤတဲလီၤတၢ်အဂီၢ်စ့ၢ်ကီး မ့ၢ်ဝဲ ယဟိဝၤယွၤ အတၢ်ကတဲာ်ကတီၤတခါလၢ ပကထိၣ်ဟူးထိၣ်ဂဲၤထီၣ်လိာ်သး လၢပကပာ်ဖျါထီၣ် တၢ်အဲၣ်တၢ်ကွံ ဒီးမၤတၢ်မၤလၢအဂ့ၤအဂီၢ်လီၤ. (ဧ့ၤ. ၁၀:၂၄, ၂၅) တၢ်နီၤဖးလီၤ ကရူၢ်, တၢ်လီၢ် ဒီးတၢ်ဃ့ထုကဖၣ်အဂီၢ်န့ၣ် ကြၢးယံာ်ဝဲ ယဲၢ်မံးနံး တုၤလၢ နွံမံးနံးလီၤ. (တၢ်အိၣ်ဖှိၣ်ရိဖှိၣ်လၢတၢ်စံၣ်တဲၤတဲလီၤတၢ်အဂီၢ် ပှၤမ့ၢ်မၤအီၤဖဲ တၢ်အိၣ်ဖှိၣ်ဝံၤအလီၢ်ခံန့ၣ် ပှၤကြၢးမၤအီၤဖုၣ်န့ၢ်အန့ၣ်လီၤ) ပှၤလၢကဖီၣ်မူဒါတဂၤန့ၣ် ကြၢးကတဲာ်ကတီၤဝဲ တၢ်ဂ့ၢ်လၢအကဲဘျုးတခါလၢ ပှၤလၢကလဲၤစံၣ်တဲၤတဲလီၤတၢ်တဖၣ်အဂီၢ်လီၤ. အဒိ ဒီပုၢ်ဝဲၢ်လၢ အဟးစံၣ်တဲၤတဲလီၤဘၣ်တၢ်ထဲ မုၢ်ဃုနံၤတနံၤ အိၣ်ဝဲမ့ၢ်အါန့ၣ် အဝဲပာ်ဖျါထီၣ်ဝဲ တၢ်အဒိလၢအကဲဘျုးထဲတခါသ့လီၤ. ပတဲသကိးတၢ်ဂ့ၢ်အဂၤမနုၤတဖၣ် သ့ဒ်လဲၣ်.
တၢ်ဟ့ၣ်ကူၣ်လၢ ပကတဲသကိးတၢ်ဒီးပှၤဂၤအဂီၢ်တခါလၢ အအိၣ်လၢ ခရံာ်ဖိအတၢ်အိၣ်မူဒီး တၢ်စံၣ်တဲၤတဲလီၤတၢ်ကၠိ— ကၠိဖိလံာ်တၢ်မၤလိ အပူၤ
နကသူ တၢ်ဂ့ၢ်ဘၣ်ဃးဒီး တၢ်ကဲထီၣ်အသး မ့တမ့ၢ် တၢ်ကစီၣ်အသီတခါ ဒီးစးထီၣ်တဲသကိးတၢ်ဒီးပှၤဂၤဒ်လဲၣ်
နကတဲဆၢက့ၤ ပှၤလၢအတဲပူၤဖျဲးအသးတဂၤဒ်လဲၣ်
နမ့ၢ်ထံၣ်ဘၣ်ဒီး ပှၤလၢအနာ်လၢယွၤတအိၣ်ဘၣ်, ပှၤလၢအနာ် သးသမူအတၢ်လဲလိာ်အသး တဆီဘၣ်တဆီ, ပှၤလၢအကတိၤကျိာ်အဂၤ မ့တမ့ၢ် ပှၤလၢတၢ်ဘူၣ်တၢ်ဘါတဂၤလၢ တအိၣ်အါအါလၢ နလီၢ်ကဝီၤအပူၤန့ၣ် တကတဲဆၢက့ၤဒ်လဲၣ်
နကသူ တၢ်ဂ့ၢ်တမံၤမံၤ လၢအအိၣ်လၢ ပပှာ်ယဲၤသန့ jw.org, JW Library® app, မ့တမ့ၢ် လၢလံာ်စီဆှံအပူၤ ဒ်လဲၣ်
နကသူ တၢ်ပီးတၢ်လီလၢ အအိၣ်လၢတၢ်ပီးတၢ်လီလၢ တၢ်သိၣ်လိနဲၣ်လိတၢ်အဂီၢ်အပူၤ ဒ်လဲၣ်
နကပၣ်ဃုာ်လၢ တၢ်စံၣ်တဲၤတဲလီၤတၢ် အကျိၤအကျဲ ဒ်သိးဒီး တၢ်စံၣ်တဲၤတဲလီၤတၢ်လၢ လီတဲစိ, တၢ်ကွဲးလံာ်, တၢ်စံၣ်တဲၤတဲလီၤတၢ်လၢ ကမျၢၢ်အမဲာ်ညါ, တၢ်က့ၤအိၣ်သကိးဟံၣ်ကစၢ် မ့တမ့ၢ် တၢ်မၤလိလံာ်စီဆှံဒီးပှၤဂၤ ဒ်လဲၣ်
တၢ်ဟ့ၣ်ပလီၢ်တဖၣ်လၢ ဘၣ်ဃးဒီး တၢ်ဘၣ်ဒိဘၣ်ထံး သုတကဲထီၣ်တဂ့ၤအဂီၢ်, ကမၤတၢ်ဆီတလဲ, ကအိၣ်ဒီးလုၢ်လၢ်သကဲာ်ပဝးလၢအဂ့ၤ, အိၣ်ဒီးတၢ်ထံၣ်လၢအဂ့ၤ မ့တမ့ၢ် တၢ်အဂၤလၢအလီၤဂာ်ဒ်သိးအံၤတဖၣ်
တၢ်ဂ့ၢ် မ့တမ့ၢ် တၢ်ဂီၤမူတခါလၢ အအိၣ်လၢ ဂုာ်ကျဲးစၢးမၤဂ့ၤထီၣ် နတၢ်ဖးလံာ်ဖးလဲၢ် ဒီး နတၢ်သိၣ်လိတက့ၢ် အပူၤ
နကဟ့ၣ်ဂံၢ်ဟ့ၣ်ဘါ ဒီးမၤစၢၤ ပှၤလၢအလဲၤစံၣ်တဲၤတဲလီၤတၢ် ဒီးနၤဒ်လဲၣ်
လံာ်စီဆှံအဆၢတဆၢ ဘၣ်ထွဲလိာ်အသးဒီး တၢ်စံၣ်တဲၤတဲလီၤတၢ်မၤ မ့တမ့ၢ် တၢ်လဲၤခီဖျိလၢ နဒိးန့ၢ်ဘၣ်လၢ တၢ်စံၣ်တဲၤတဲလီၤတၢ်မၤအပူၤ လၢအဟ့ၣ်ဂံၢ်ဟ့ၣ်ဘါပှၤဂၤ
