• စံး ၁၀၈:၉—ဘၣ်မနုၤအဃိ ယဟိဝၤယွၤ ထိၣ်သတြီၤဝဲ ပှၤမိၤအးဖိတဖၣ်ဒ် “သပၢၤလၢ တၢ်သ့ဃၢၤတၢ်အဂီၢ်” လဲၣ်. (it-2-E ၄၂၀ ¶၄)

  ကွဲးလီၤ​တၢ်စံးဆၢ

• တၢ်ဖးလံာ်စီဆှံလၢ တနွံအံၤအဂီၢ်န့ၣ် နမၤလိန့ၢ်ဘၣ် တၢ်လုၢ်ဒိၣ်ပှ့ၤဒိၣ်မနုၤလဲၣ်.

  ကွဲးလီၤ​တၢ်စံးဆၢ

ဖဲယဟိဝၤယွၤ မၤပူၤဖျဲး ပှၤအံၣ်စရ့လးဖိတဖၣ် လၢအဲၤကူပတူး အသုးမုၢ်သံၣ်ဘိ အစုပူၤ လၢပီၣ်လဲၣ်ဂီၤ ဝံၤအလီၢ်ခံ ပှၤအံၣ်စရ့လးဖိတဖၣ် ပာ်ဖျါထီၣ်လၢ အစံးဘျုး ယဟိဝၤယွၤ ခီဖျိ သးဝံၣ်စံးပတြၢၤအီၤ. (၂ မိၤ ၁၅:၁-၁၉) ဒီးပိာ်ခွါတဖၣ်န့ၣ် စးထီၣ်သးဝံၣ်ဝဲ တၢ်သးဝံၣ်အသီတဖျၢၣ်အံၤ. (၂ မိၤ ၁၅:၂၁) ယ့ၣ်ၡူး ဒီးခရံာ်ဖိလၢ တၢ်မၢဖိအစိၤတဖၣ်န့ၣ် သးဝံၣ်စံးထီၣ်ပတြၢၤ ကစၢ်ယွၤ. (မး ၂၆:၃၀; ကလီး ၃:၁၆) ပဝဲစ့ၢ်ကီး ပဆဲးပာ်ဖျါထီၣ် တၢ်စံးဘျုးစံးဖှိၣ် ယဟိဝၤယွၤ ခီဖျိ ပသးဝံၣ်တၢ် ဖဲပထီၣ်တၢ်အိၣ်ဖှိၣ်, ကဝီၤတၢ်အိၣ်ဖှိၣ် ဒီးတၢ်အိၣ်ဖှိၣ်ဖးဒိၣ်တဖၣ်အခါ. အဒိ ဖဲမကိာ်န့ၣ် ပသးဝံၣ် တၢ်သးဝံၣ် “ပစံးဘျုးနၤ ယဟိဝၤ” ဒီးတၢ်သးဝံၣ်တဖျၢၣ်အံၤ ပသးဝံၣ်အီၤ စးထီၣ်လၢ ၁၉၆၆ နံၣ်န့ၣ်လံ.

လၢတၢ်လီၢ်တနီၤနီၤန့ၣ် ပိာ်ခွါတဖၣ် သးဝံၣ်တၢ်လၢ ပှၤမဲာ်ညါတဘူၣ်ဘၣ်. ဒီးပှၤအဂၤတနီၤန့ၣ် ဆိကမိၣ်ဝဲလၢ အကလုၢ်တမုာ်ဘၣ်အဃိ သးဝံၣ်တၢ်တဘူၣ်ဘၣ်. ဘၣ်ဆၣ် ပကဘၣ်သ့ၣ်နီၣ်ထီၣ်လၢ ဖဲပသးဝံၣ်တၢ်လၢ တၢ်အိၣ်ဖှိၣ်အခါန့ၣ် မ့ၢ်ဝဲ ပဘူၣ်ထီၣ်ဘါထီၣ် ယဟိဝၤယွၤ. ဒီးယဟိဝၤယွၤ အတၢ်ကရၢကရိန့ၣ် ဂုာ်ကျဲးစၢးဝဲဆူၣ်ဆူၣ် ဒ်သိး ကကွဲးဝဲတၢ်သးဝံၣ် ဒီးဃုထၢဝဲ တၢ်သးဝံၣ်လၢ အကြၢးဒီး တနွံဘၣ်တနွံ တၢ်အိၣ်ဖှိၣ် အတၢ်ရဲၣ်တၢ်ကျဲၤအဂီၢ်. မ့မ့ၢ် ပဝဲန့ၣ် ပတလိၣ်မၤနီတမံၤဘၣ် အိၣ်ဒၣ်ပကဘၣ်သးဝံၣ်တၢ် လၢပသးဒီဖျၢၣ် ဒ်သိးပကပာ်ဖျါထီၣ်လၢ ပစံးဘျုး ယဟိဝၤယွၤ.

ကွၢ်တၢ်ဂီၤမူ လၢအမ့ၢ် ပတၢ်စံၣ်စိၤတဲစိၤ အတၢ်လဲၤထီၣ်လဲၤထီ တဆီဘၣ်တဆီ—တၢ်ဟ့ၣ်လၢအမ့ၢ် တၢ်သူၣ်ဝံၣ်သးဆၢ အကူာ် ၂. ဝံၤဒီးသံကွၢ် ဒီပုၢ်ဝဲၢ်တဖၣ်လၢ–

• ဖဲ ၁၉၄၄ န့ၣ် တၢ်မနုၤ လီၤလီၤဆီဆီ ကဲထီၣ်အသးလဲၣ်.

  ကွဲးလီၤ​တၢ်စံးဆၢ

• ပဒီပုၢ်ဝဲၢ်လၢ ဆဲးဘံရံယါတဖၣ် ပာ်လုၢ်ပာ်ပှ့ၤဝဲ တၢ်သးဝံၣ်လၢ ယဟိဝၤယွၤ ကတဲာ်ကတီၤန့ၢ်အီၤန့ၣ် အဝဲသ့ၣ် ပာ်ဖျါထီၣ်ဝဲဒ်လဲၣ်.

  ကွဲးလီၤ​တၢ်စံးဆၢ

• ဘၣ်မနုၤအဃိ တၢ်သူၣ်ဝံၣ်သးဆၢန့ၣ် အရ့ဒိၣ်လၢ ယဟိဝၤပှၤအုၣ်အသးတဖၣ်အဂီၢ်လဲၣ်.

  ကွဲးလီၤ​တၢ်စံးဆၢ