ကုၢ်​လၢ​အ​ကလုၢ်တီ ဒီး​အ​ကူၣ်တၢ်သ့​န့ၣ်​ ကတဲာ်​ကတီၤ​န့ၢ်​ပှၤ တၢ်အီၣ်​တၢ်အီ​လၢ “အဆၢ​အကတီၢ်​ဘၣ်” လီၤ. ပ​သ့ၣ်ညါ​ဘၣ်​လၢ ယဟိဝၤ​ယွၤ​လၢ အ​ဟံးစု​နဲၣ်ကျဲ​ကုၢ်​န့ၣ်​ သ့ၣ်ညါ​ဝဲ ပ​တၢ်လိၣ်ဘၣ်​လၢ​နီၢ်သး​တခီ​လီၤ. (မး. ၂၄:၄၅) ပ​ထံၣ်ဘၣ်​တၢ်​အုၣ်သး​လၢ တၢ်​အိၣ်ဖှိၣ်​ဖးဒိၣ်, နွံဖးဖီ​တၢ်​အိၣ်ဖှိၣ်​ ဒီး​တၢ်​အဂၤ​တဖၣ်​လီၤ.

ကွၢ်​တၢ်ဂီၤမူ​လၢ အ​ခိၣ်တီ​မ့ၢ်ဝဲ ၂၀၁၇ တၢ်​သိၣ်လိ​နဲၣ်လိ​ကမံးတံာ် အ​တၢ်ကွဲးနီၣ်​ကွဲးဃါ ဒီး​စံးဆၢ​က့ၤ တၢ်​သံကွၢ်​လၢ လာ်​တဖၣ်​အံၤ​တက့ၢ်–

• ပ​ထီၣ်ဘၣ်​ တၢ်​အိၣ်ဖှိၣ်​ဖးဒိၣ်​ ဘၣ်​ဆၢ​ဘၣ်​ကတီၢ်​အဃိ မတၤ​ကြၢး​ဒိးန့ၢ် တၢ်​စံးထီၣ်​ပတြၢၤ​လဲၣ်​ ဒီး ဘၣ်​မနုၤ​အဃိ​လဲၣ်.

• တၢ်ဖံး​တၢ်မၤ​လၢ ဘၣ်ဃး​ဒီး​တၢ်​အိၣ်ဖှိၣ်​ဖးဒိၣ်​တဖၣ်​န့ၣ်​ ဘၣ်​တၢ်​စးထီၣ်​အီၤ​လၢ​အခါ​ဖဲလဲၣ်.

• တၢ်​အိၣ်ဖှိၣ်​ဖးဒိၣ်​ အ​ခိၣ်တီ​န့ၣ်​ ဘၣ်​တၢ်​ဃုထၢ​ထီၣ်​အီၤ​ဒ်လဲၣ်.

• ဖဲ​ပှၤ​ကတဲာ်​ကတီၤ​တၢ်​လၢ တၢ်​အိၣ်ဖှိၣ်​ဖးဒိၣ်​အဂီၢ်​အခါ ပၣ်ဃုာ်ဒီး​တၢ်မၤ​မနုၤ​တဖၣ်​လဲၣ်.

• ဒ်​ပှၤ​မၤလိ​တၢ်​လၢ ကံးလဧၤ​ကၠိ​အသိး နွံဖးဖီ​တၢ်​အိၣ်ဖှိၣ်​စ့ၢ်ကီး ဘၣ်​တၢ်မၤ​အီၤ​ဒ်လဲၣ်.

• ဖဲ​ပှၤ​ကတဲာ်​ကတီၤ ကၠိဖိ​လံာ်​တၢ်​မၤလိ​အခါ ဝဲၤကျိၤ​တခါ​စုာ်စုာ် ပာ်ဖှိၣ်​မၤ​သကိး​တၢ်​ဒ်လဲၣ်.

ဘၣ်ဃး​ဒီး နီၢ်သး​အ​တၢ်ရဲၣ်​တၢ်ကျဲၤ​လၢ ယဟိဝၤ​ယွၤ ကတဲာ်​ကတီၤ​န့ၢ်​ပှၤ​တဖၣ်​န့ၣ်​ န​တူၢ်ဘၣ်​ဒ်လဲၣ်.