၈:၆-၉, ၁၂; ၉:၁-၅, ၂၃, ၂၄

ဖဲ​ပှၤ​ပာ်ထီၣ်​ စီၤ​အၤဟရိၣ်​ အစၢၤ​အသွဲၣ်​လၢ ပှၤလုၢ်တၢ်​အဒိၣ်​အခါ ယဟိဝၤ​ယွၤ အ​မ့ၣ်အူ​ဟဲ​လီၤ အီၣ်ကွံာ်​တၢ်​လုၢ် အဆိ​ကတၢၢ်​တဘျီ​လီၤ. တၢ်အံၤ​ပာ်ဖျါ​ထီၣ်​ဝဲ​လၢ ယဟိဝၤ​ယွၤ တူၢ်လိာ် ဒီး​ဆီၣ်ထွဲ​မၤစၢၤဝဲ တၢ်ရဲၣ်​တၢ်ကျဲၤ​အံၤ​လီၤ. ယဟိဝၤ​ယွၤ ဟ့ၣ်ဂံၢ်​ဟ့ၣ်ဘါ​ဝဲ ပှၤ​အံၣ်စရ့လး​ဖိ​လၢ အ​ဟဲ​ပာ်ဖှိၣ်​ထီၣ်​အသး ဖဲ​န့ၣ်​တဖၣ်​လၢ က​ဆီၣ်ထွဲ​မၤစၢၤဝဲ ပှၤလုၢ်တၢ်​အဒိၣ်​ အ​တၢ်ရဲၣ်​တၢ်ကျဲၤ​အံၤ လၢ​လၢပှဲၤပှဲၤ​လီၤ. ဆၢကတီၢ်​ခဲအံၤ ယဟိဝၤ​ယွၤ သူဝဲ ပှၤလုၢ်တၢ်​အခိၣ်​အဒိၣ်​ကတၢၢ် ယ့ၣ်ၡူး​ခရံာ် လၢ​အိၣ်ဒီး​အလၤကပီၤ​န့ၣ်​လီၤ. (ဧ့ၤ. ၉:၁၁, ၁၂) ဖဲ ၁၉၁၉ န့ၣ်​ ယ့ၣ်ၡူး​ပာ်ထီၣ်ဝဲ ပှၤလၢ​အ​ဘၣ်​တၢ်​ဒိ​ဖှူ​အီၤ ဆံး​ဆံး​ဖိ​တ​ကရူၢ်​ဒ် “တၢ်​အ​ကုၢ်​အ​ပှၤလၢ အ​ကလုၢ်တီ ဒီး​အ​ကူၣ်တၢ်သ့” အသိး​လီၤ. (မး. ၂၄:၄၅) ယဟိဝၤ​ယွၤ တူၢ်လိာ်, ဆိၣ်ဂ့ၤ ဒီး​ဆီၣ်ထွဲ​မၤစၢၤဝဲ ကုၢ်​လၢ​အ​ကလုၢ်တီ​န့ၣ်​ တၢ်​အုၣ်သး​မနုၤ​အိၣ်​လဲၣ်.

• လၢ​တၢ်​မၤအၢ​မၤနး​အတီၢ်ပူၤ​ဒၣ်လဲာ် ကုၢ်​လၢ​အ​ကလုၢ်တီ​န့ၣ်​ ဆဲး​ကတဲာ်​ကတီၤဝဲ တၢ်အီၣ်​​ဘၣ်​ဆၢ​​ဘၣ်​ကတီၢ်

• ဒ်​ဝံ​အ​တၢ်စံးပာ်​အသိး ပှၤ​က​စံၣ်တဲၤ​တဲလီၤ ဘီမုၢ်​အ​တၢ်ကစီၣ်​လၢ “ဟီၣ်ခိၣ်​ဒီဘ့ၣ်”—မး. ၂၄:၁၄

ပ​ဆီၣ်ထွဲ​မၤစၢၤ တၢ်​အ​ကုၢ်​အ​ပှၤလၢ အ​ကလုၢ်တီ ဒီး​အ​ကူၣ်တၢ်သ့ က​သ့​လၢ​ကျဲ​ဒ်လဲၣ်.