တၢ်အဒိလၢ တၢ်နီၤလီၤလံာ်လဲၢ်အဂီၢ်
တၢးထီခိးတၢ်
တၢ်သံကွၢ်– ပှၤခဲလၢာ်မ့ၢ်မၤပိာ်ထွဲဝဲ လံာ်စီဆှံတဆၢအံၤန့ၣ် နဆိကမိၣ်လၢ ဟီၣ်ခိၣ်အတၢ်အိၣ်သး ကဂ့ၤထီၣ်ဒံးဧါ.
လံာ်စီဆှံအဆၢ– ဧ့ၤ. ၁၃:၁၈
တၢ်ဟ့ၣ်ကူၣ်– လံာ်စီဆှံဟ့ၣ်ဂံၢ်ဟ့ၣ်ဘါပှၤလၢ ပကမၤတၢ်ဂ့ၤလၢ တၢ်ကိးမံၤဒဲးအပူၤလီၤ. အဃိ လၢတၢ်ဂ့ၢ်ဆံးဆံးဖိဒၣ်လဲာ် ပကဘၣ်မၤတၢ်တီတီလိၤလိၤလီၤ. လံာ်တဘ့ၣ်အံၤ ပာ်ဖျါထီၣ်ဝဲတၢ်ဂ့ၢ်မိၢ်ပှၢ်အံၤန့ၣ်လီၤ.
တၢးထီခိးတၢ် (လံာ်ကဘျံးပၤ ၅ ဒီး ၆)
တၢ်သံကွၢ်– ပှၤအါဂၤစံးဝဲလၢ ပကအိၣ်တီတီလိၤလိၤ ကိးဆၢကိးကတီၢ်ဒဲးန့ၣ် တညီဘၣ်. နဆိကမိၣ်ဒ်လဲၣ်.
လံာ်စီဆှံအဆၢ– ၁ မိၤၡ့ ၈:၂၁
တၢ်ဟ့ၣ်ကူၣ်– လံာ်စီဆှံပာ်ဖျါဝဲလၢ ပှၤဟီၣ်ခိၣ်ဖိန့ၣ် အဲၣ်ဒိးမၤတၢ်အၢတၢ်သီလီၤ. လံာ်စီဆှံသိၣ်လိပှၤလၢ ပမၤတၢ်တီတီလိၤလိၤကသ့ဒ်လဲၣ်အဂ့ၢ်န့ၣ် မဲးကစံတဘ့ၣ်အံၤ ပာ်ဖျါထီၣ်န့ၢ်ပှၤလီၤ.
စူၢ်ယွၤအကလုၢ်တက့ၢ်
တၢ်သံကွၢ်– နအဲၣ်ဒိးအိၣ်မူဘၣ်လၢ ဟီၣ်ခိၣ်လၢအလီၤဂာ်ဒီး တၢ်ဂီၤအံၤဧါ. [ဒုးနဲၣ်အီၤ လံာ်ကဘျံးပၤ ၂–၃, ဒီး အိၣ်ခိးတၢ်စံးဆၢတက့ၢ်.]
လံာ်စီဆှံအဆၢ– ယံး. ၂၉:၁၁
တၢ်ဟ့ၣ်ကူၣ်– လံာ်တဘ့ၣ်အံၤ ပာ်ဖျါထီၣ်ဝဲလၢ ပဒိကနၣ်ယွၤအကလုၢ်ကသ့ဒ်လဲၣ် ဒီးဒ်သိးပကအိၣ်ဒီး တၢ်သူၣ်ခုသးခုလၢခါဆူညါအဂီၢ် ကစၢ်ယွၤကတဲာ်ကတီၤန့ၢ်ပှၤ တၢ်မနုၤတဖၣ်လဲၣ်န့ၣ်လီၤ. [သမံသမိး လံာ်ကဘျံးပၤ ၄–၅ တက့ၢ်.]
ကွဲးလီၤလၢ နနီၢ်ကစၢ်အတၢ်ကတိၤတက့ၢ်
သူတၢ်အဒိတဖၣ်ဒီး ကတဲာ်ကတီၤပာ်လၢ နနီၢ်ကစၢ် အတၢ်ကတိၤလၢ ဘီမုၢ်တၢ်သးခုကစီၣ် တၢ်မၤအဂီၢ်တက့ၢ်.
