ခရံာ်ဖိအတၢ်အိၣ်မူ ဒီးတၢ်စံၣ်တဲၤတဲလီၤတၢ်ကၠိ—ကၠိဖိလံာ်တၢ်မၤလိ လါဖ့ၤဘြူၤအါရံၤ ၂၀၁၇
တၢ်အဒိလၢ တၢ်နီၤလီၤလံာ်လဲၢ်အဂီၢ်
တၢ်အဒိလၢ တၢ်နီၤလီၤ တၢးထီခိးတၢ် မဲးကစံဒီး လံာ်စီဆှံတၢ်မ့ၢ်တၢ်တီလၢ အပာ်ဖျါထီၣ်ဝဲ ပအိၣ်ဒီး ဟံၣ်မုာ်ဃီပၢၤ သ့ဒ်လဲၣ်အဂ့ၢ်. သူတၢ်အဒိတဖၣ်ဒီး ကတဲာ်ကတီၤပာ်လၢ နနီၢ်ကစၢ် အတၢ်ကတိၤတက့ၢ်.
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ
တၢ်ဒိကနၣ် ယဟိဝၤယွၤ အကလုၢ်န့ၣ် ဒုးအိၣ်ထီၣ် တၢ်ဆိၣ်ဂ့ၤ
ပကြၢးအိၣ်မူလၢ ကျဲဒ်လဲၣ်န့ၣ် ယဟိဝၤယွၤ နဲၣ်လိပှၤလၢ တၢ်အဲၣ်တၢ်ကွံအပူၤလီၤ.
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ
ခရံာ်တူၢ် တၢ်နးတၢ်ဖှီၣ်လၢ ပဂီၢ်
ယ့ၣ်ၡူး အတၢ်သံအံၤ စံးဆၢက့ၤဝဲ မုၣ်ကီၤလံၢ် အတၢ်ကတိၤဒုၣ်ဒွဲၣ် ဘၣ်ဃးဒီး ယွၤအခ့အပှၤတဖၣ် အတၢ်သးတီ. တၢ်အံၤ ကဲထီၣ်တၢ်မၤစၢၤလၢ ကစၢ်ယွၤ အတၢ်ဘၣ်သး ကဟဲလၢပှဲၤထီၣ်အဂီၢ်.
အိၣ်မူဒ် ခရံာ်ဖိအသိး
မၤစၢၤ နဖိတဖၣ် ဒ်သိးကအိၣ်ဒီးတၢ်နာ် ဂၢၢ်ဂၢၢ်ကျၢၤကျၢၤလၢ တၢ်ဘၣ်တ့ကစၢ် အဖီခိၣ်
ဘၣ်ဃးဒီး သးသမူအခီၣ်ထံးခီၣ်ဘိန့ၣ် နဖိတဖၣ် နာ်ဝဲဒ်လဲၣ်. အဝဲသ့ၣ် ကနာ်ဝဲလၢ ယဟိဝၤယွၤ မ့ၢ်တၢ်ဘၣ်တ့ကစၢ်အဂီၢ် နမၤစၢၤအီၤကသ့ဒ်လဲၣ်.
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ
“ကိးထီၣ်နံၣ် တၢ်ဘၣ်ယွၤအသး”
နံၣ်တၢ်ဘၣ်ယွၤအသး န့ၣ်မ့ၢ်နံၣ်အနီၢ်ကီၢ်ဧါ. တၢ်ဆၢကတီၢ်အံၤ ဘၣ်ထွဲလိာ်သးဒီး တၢ်စံၣ်တဲၤတဲလီၤ ဘီမုၢ်တၢ်သးခုကစီၣ်ဒ်လဲၣ်.
အိၣ်မူဒ် ခရံာ်ဖိအသိး
သူလံာ်လဲၢ်လၢ တၢ်ကူၣ်သ့အပူၤတက့ၢ်
ပလံာ်လဲၢ်တဖၣ် ပကထုးထီၣ်ရၤလီၤအီၤ ဆူဟီၣ်ခိၣ်ဒီဘ့ၣ်အဂီၢ် ပဘၣ်ဂုာ်ကျဲးစၢးအါမးဒီး တၢ်လၢာ်ဘူၣ်လၢာ်စ့ၤ အိၣ်ဝဲအါမးလီၤ. ဖဲနနီၤလီၤ လံာ်လဲၢ်တဖၣ်ဆူ ပှၤဂၤအအိၣ်ခါ အိၣ်ဒီးတၢ်သ့ပဲာ်ဖးနီၤဖးတက့ၢ်.
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ
ခီဖျိလၢ မူခိၣ်အသီဒီး ဟီၣ်ခိၣ်အသီအဃိ ပကဒိးန့ၢ်ဘၣ် တၢ်သူၣ်ခုသးခုဖးဒိၣ်
ကစၢ်ယွၤ အတၢ်စံးပာ်လၢ မူခိၣ်အသီဒီး ဟီၣ်ခိၣ်အသီန့ၣ် မုၢ်မဆါတနံၤအံၤအဂီၢ် အဲၣ်ဒိးစံးဝဲ တၢ်မနုၤလဲၣ်.
အိၣ်မူဒ် ခရံာ်ဖိအသိး
လၢတၢ်မုၢ်လၢ်အပူၤန့ၣ် သးခုတက့ၢ်
တၢ်မုၢ်လၢ်န့ၣ် လီၤဂာ်ဒ် နီၣ်သက့ၤလီၤ. ပမ့ၢ်ဆိကမိၣ်ထံ ကစၢ်ယွၤ အတၢ်စံးပာ်တဖၣ်န့ၣ် ကမၤစၢၤပှၤ ဒ်သိးပဆဲးပၢၤဃာ် တၢ်သူၣ်ခုသးခုဒီး တၢ်သးတီ ဖဲပကွၢ်ဆၢၣ်မဲာ်ဘၣ် တၢ်မၤကွၢ်လၢ အလီၤဂာ်ဒ် ကလံၤမုၢ်အခါ ကန့ၢ်အဂီၢ်လီၤ.
