တၢ်ဘၣ်တ့​တဖၣ်​ ပာ်ဖျါ​ထီၣ်​ ယဟိဝၤ​ယွၤ အလၤကပီၤ​လီၤ. (စံး. ၁၉:၁-၄; ၁၃၉:၁၄) ဘၣ်ဆၣ်​ ဟီၣ်ခိၣ်​လၢ မုၣ်ကီၤလံၢ်​ပၢ​အီၤ​အံၤ ဆီၣ်ထွဲ​ဝဲ တၢ်သိၣ်​တၢ်သီ ဘၣ်ဃး​ဒီး သးသမူ အ​ခီၣ်ထံး​ခီၣ်ဘိ​လၢ မၤဘၣ်ဒိ ယွၤ​အလၤကပီၤ​န့ၣ်​လီၤ. (ရိ. ၁:၁၈-၂၅) ဒ်သိး တၢ်နာ်​ဒ်အံၤ​တဖၣ်​ အဂံၢ် သု​တ​စဲၤလီၤ​အသး​လၢ န​ဖိ​တဖၣ်​ အသး​ပူၤ​တဂ့ၤ​အဂီၢ် န​မၤ​က​သ့​ဒ်လဲၣ်. လၢ​အ​နီၢ်ဆံး​လံၤ​လံၤ​န့ၣ်​ သိၣ်လိ​အီၤ ဒ်သိး​က​နာ်ဝဲ​လၢ ယဟိဝၤ​ယွၤ​အိၣ်ဝဲ ဒီး​ကဟုကယာ်​ပှၤ တဂၤ​စုာ်စုာ်​န့ၣ်​တက့ၢ်. (၂ ကရံၣ်. ၁၀:၄, ၅; အ့း. ၆:၁၆) ဃု​သ့ၣ်ညါ အဝဲသ့ၣ်​ အ​တၢ်​ဆိကမိၣ်​ ဘၣ်ဃး​ဒီး​တၢ်​လၢ အ​မၤလိ​ဘၣ်​လၢ​ကၠိ ဒီး​သူ တၢ်ပီးတၢ်လီ​တဖၣ်​ ဒ်သိး န​တၢ်​သိၣ်လိ​က​နုာ်လီၤ​ဆူ အသး​ပူၤ​န့ၣ်​တက့ၢ်.—ကတိၤ. ၂၀:၅; ယၤ. ၁:၁၉.

ကွၢ်​တၢ်ဂီၤမူ​လၢ​အမ့ၢ် န​သကိး​သးစၢ်​တဖၣ်​စံး​ဝဲ—ဘၣ်ဃး​ဒီး တၢ်နာ်​ကစၢ်​ယွၤ​အဂ့ၢ်, မ့ၢ်ဝံၤ သမံသမိး​ကွၢ် တၢ်​သံကွၢ်​တဖၣ်​လၢ လာ်အံၤ​တက့ၢ်–

• ဘၣ်ဃး​ဒီး တၢ်နာ်​ကစၢ်​ယွၤ​န့ၣ်​ ပှၤ​အါဂၤ​စံး​ဝဲ တၢ်မနုၤ​လဲၣ်.

• လၢ​န​ကၠိ ပှၤ​သိၣ်လိ တၢ်မနုၤ​လဲၣ်.

• ဘၣ်​မနုၤ​အဃိ န​နာ်​လၢ ယဟိဝၤ​ယွၤ အိၣ်ဝဲ​လဲၣ်.

• ဒ်သိး​ပှၤအဂၤ က​နာ်ဝဲ​လၢ​ယွၤ​မ့ၢ် တၢ်ဘၣ်တ့​ကစၢ်​န့ၣ်​ န​မၤစၢၤ​က​သ့​ဒ်လဲၣ်.