တၢ်​မုၢ်လၢ်​န့ၣ်​ လီၤဂာ်​ဒ် နီၣ်သက့ၤ​လီၤ. (ဧ့ၤ. ၆:၁၉) ဖဲ​ပ​ကွၢ်ဆၢၣ်မဲာ်​ဘၣ်​ ကလံၤမုၢ်​လၢ ပီၣ်လဲၣ်​ပူၤ​အခါ တၢ်​မုၢ်လၢ်​န့ၣ်​ က​မၤစၢၤ​ပှၤ ဒ်သိး​ပ​နီၢ်သး​ကဘီ သု​တ​ဟးဂီၤ​ကွံာ် တဂ့ၤ​အဂီၢ်​န့ၣ်​လီၤ. (၁ တံၤ. ၁:၁၈, ၁၉) ကလံၤမုၢ်​တဖၣ်​န့ၣ်​ က​မ့ၢ်ဝဲ တၢ်​သူၣ်​ဟးဂီၤ သးဟးဂီၤ, တၢ်ဖိ​တၢ်လံၤ လီၤမၢ်​ကွံာ်, တၢ်ဆါ​ယံာ်​ယံာ်​ထၢ​ထၢ ဒီး​ပှၤလၢ​ပ​အဲၣ်ဘၣ်​အီၤ​တဂၤ သံ​အခါ မ့တမ့ၢ် တၢ်​အဂၤ​တဖၣ်​လၢ ကဲထီၣ်​တၢ်​မၤကွၢ်​လၢ ပ​တၢ်သးတီ​န့ၣ်​လီၤ.

တၢ်နာ်​ဒီး တၢ်​မုၢ်လၢ် က​မၤစၢၤ​ပှၤ​ဒ်သိး ပ​က​ထံၣ်​ဖျါ တၢ်​ဆိၣ်ဂ့ၤ​လၢ ကစၢ်​ယွၤ​စံးပာ်ဝဲ န့ၣ်​လီၤ. (၂ ကရံၣ်. ၄:၁၆-၁၈; ဧ့ၤ. ၁၁:၁၃, ၂၆, ၂၇) အဃိ ပ​မ့ၢ်​မုၢ်လၢ်​လၢ ပ​က​ဒိးန့ၢ်​ဘၣ်​ တၢ်မူ​လၢ မူခိၣ်​မ့ၢ်ဂ့ၤ, ဟီၣ်ခိၣ်​မ့ၢ်ဂ့ၤ ထီဘိ​ပ​က​ဘၣ်​မၤ​ဒိၣ်ထီၣ်​ ပ​တၢ်နာ်​ဒီး ပ​တၢ်​မုၢ်လၢ် ခီဖျိ ပ​ဆိကမိၣ်​ထံ တၢ်​အၢၣ်လီၤ​အီလီၤ​တဖၣ်​လၢ ကစၢ်​ယွၤ အ​ကလုၢ်​ကထါ​အ​ပူၤ​လီၤ. ပ​မ့ၢ်​မၤ​ဒ်​န့ၣ်​န့ၣ်​ ဖဲ​ပ​တူၢ်ဘၣ်​ တၢ်ကီ​တၢ်ခဲ​ဒီး တၢ်​မၤကွၢ်​အခါ ပ​ဆဲး​ပၢၤဃာ် ပ​တၢ်သးခု​သ့ဝဲ​လီၤ.—၁ ပ့း. ၁:၆, ၇.

ကွၢ်​တၢ်ဂီၤမူ​လၢ​အမ့ၢ် လၢ​တၢ်​မုၢ်လၢ်​အ​ပူၤ​န့ၣ်​ သးခု​တက့ၢ်, ဝံၤဒီး​စံးဆၢ​တၢ်​သံကွၢ်​တဖၣ်​လၢ လာ်အံၤ​တက့ၢ်–

• ဘၣ်​မနုၤ​အဃိ ပ​ကြၢး​ကွၢ်လိမၤဒိး စီၤ​မိၤၡ့ အ​ဒိဂ့ၤတဲာ်ဘၣ်​လဲၣ်.

• ဟံၣ်ခိၣ်​တဖၣ်​န့ၣ်​ အိၣ်ဒီး​မူဒါ​လၢ က​ဘၣ်​မၤ​တၢ်မနုၤ​လဲၣ်.

• လၢ​ဟံၣ်ဖိ​ဃီဖိ တၢ်​မၤလိ​လံာ်စီဆှံ​အ​ပူၤ န​ရဲၣ်​လီၤ​ကျဲၤလီၤ​ဃာ်​လၢ န​က​တဲ​တၢ်ဂ့ၢ်​မနုၤ​လဲၣ်.

• တၢ်​မုၢ်လၢ် မၤစၢၤ​နၤ​ဒ်သိး န​လဲၤခီဖျိ တၢ်ကီ​တၢ်ခဲ​လၢ တၢ်နာ်​အ​ပူၤ က​သ့​ဒ်လဲၣ်.

• န​အိၣ်ခိး​ကွၢ်လၢ် တၢ်မနုၤ​လဲၣ်.