ဖဲ ခ.န ၃၂ တချုး​လၢ​ဘူၣ်လဲၤကပာ်​ဘၣ်​ဒံး​ဘၣ်​န့ၣ်​ ယ့ၣ်ၡူး မၤဝဲ​တၢ်​လီၤလး​တမံၤ, ဒီး​မ့ၢ်ဝဲ​တၢ်​လီၤလး​တခါ​လၢ ပှၤ​ကွဲးတၢ်​သးခု​ကစီၣ်​ ကိးဂၤ​ဒဲး​ကွဲးနီၣ်​ပာ်ဝဲ​လီၤ.

ခီဖျိ​လၢ တၢ်​လီၤလး​အံၤန့ၣ်​ ယ့ၣ်ၡူး​ပာ်လီၤ တၢ်အဒိ​လၢ အ​မၤထွဲ​ဝဲ တုၤလၢ​ပစိၤ​ခဲအံၤ.

၁၄:၁၆-၂၁

• ယ့ၣ်ၡူး​အပျဲၢ်​အဘီၣ်​တဖၣ်​ အ​တၢ်အီၣ်​အိၣ်​ဒၣ်ထဲ ကိၣ်​ယဲၢ်​ဖျၢၣ်​ဒီး​ညၣ်​ခံဘ့ၣ်​သနာ်က့ ယ့ၣ်ၡူး​မၢဝဲ​အပျဲၢ်​အဘီၣ်​တဖၣ်​ လၢ​က​ဒုးအီၣ်​ပှၤ​ဂီၢ်မုၢ်​တၢ်အီၣ်

• ယ့ၣ်ၡူး ဟံးန့ၢ်​ကိၣ်​ဒီး​ညၣ်​ ဒီး​ဃ့​ဘါ​ထုကဖၣ်​ဝဲ​ဝံၤ​အလီၢ်​ခံ နီၤလီၤ​ဝဲ​ဆူ အပျဲၢ်​အဘီၣ်​တဖၣ်​အ​အိၣ်​ ဒီး​အပျဲၢ်​အဘီၣ်​တဖၣ်​ နီၤလီၤ​က​ဒီး​ဝဲ​ဆူ ပှၤ​ဂီၢ်မုၢ်​တဖၣ်​အ​အိၣ်

• လီၤ​ကမၢ​ကမၣ်​ဒိၣ်မး​လၢ ပှၤ​အီၣ်​ဘျဲးအီၣ်​ (လၢ​အီၣ်) ကိးဂၤ​ဒဲး​ဒီး တၢ်အီၣ်​အိၣ်တ့ၢ်​ဝဲ​ဒံး. ယ့ၣ်ၡူး ဒုးအီၣ်​ဝဲ​ပှၤလၢ​အ​ကထိ​တဖၣ်​ ခီဖျိ​လၢ အပျဲၢ်​အဘီၣ်​စှၤဂၤ

• ယ့ၣ်ၡူး​တဲဆိ​ပာ်ဝဲ​လၢ လၢ​မုၢ်နံၤခံကတၢၢ်​အတီၢ်ပူၤ က​ပာ်ထီၣ်ဝဲ ပှၤ​တ​ကရူၢ်​လၢ က​ဒုးအီၣ်​ဒုးအီ​နီၢ်သး​အ​တၢ်အီၣ်​လၢ “အဆၢ​အကတီၢ်​ဘၣ်” အဂီၢ်.”—မး. ၂၄:၄၅

• ဖဲ ၁၉၁၉ န့ၣ်​ ယ့ၣ်ၡူး​ဃုထၢ​ထီၣ်ဝဲ “တၢ်​အ​ကုၢ်​အ​ပှၤလၢ အ​ကလုၢ်တီ​ဒီး အ​ကူၣ်တၢ်သ့” လၢ​အမ့ၢ်​ဒီပုၢ်ဝဲၢ်​စှၤဂၤ​လၢ ဘၣ်​တၢ်ဒိးဖှူ​အီၤ​တ​ဖုလီၤ. အဝဲသ့ၣ်​ကဲထီၣ်​ယ့ၣ်ၡူး “အ​ပှၤ​ဟံၣ်ဖိ” အခိၣ်​ ဒီး​ဘၣ်​လုၢ်အီၣ်​ဝဲ ပှၤ​ဟံၣ်ဖိ​တဖၣ်

• ယ့ၣ်ၡူး​မၤထွဲ​ဝဲ​ဒ် တၢ်အဒိ​လၢ အ​ပာ်လီၤ​ဝဲ​ဖဲ တၢ်မၢဖိ​အ​စိၤ​အသိး ခီဖျိ ဒီပုၢ်ဝဲၢ်​စှၤဂၤ​လၢ ဘၣ်​တၢ်ဒိးဖှူ​အီၤ​တဖု ဒုးအီၣ်​ဒုးအီ​ပှၤ​အါဂၤ

ပှၤ​တ​ကရူၢ်​လၢ ယ့ၣ်ၡူး​သူဝဲ​လၢ က​လုၢ်အီၣ်​ပှၤလၢ နီၢ်သး​အဂီၢ်​အံၤ ယ​တူၢ်လိာ်​ဒီး ယ​ပာ်ကဲ​အီၤ​န့ၣ်​ ယ​ပာ်ဖျါ​ထီၣ်​က​သ့​လၢ​ကျဲ​ဒ်လဲၣ်