ယ့ၣ်ၡူး​သူဝဲ​တၢ်အဒိ​လၢ က​သိၣ်လိ​ပှၤ​ဘၣ်ဃး တၢ်မၤ​လီၤဃံၢ်​ပှၤဂၤ​ဒီး​ပ​နီၢ်ကစၢ်​န့ၣ်​ မ့ၢ်​တၢ်​လီၤဘၣ်ယိၣ်​နီၢ်နီၢ်.

၁၈:၆, ၇

• “တၢ်​အ​လီၤဃံၤ အလီၢ်​တဖၣ်” န့ၣ်​အဲၣ်ဒိး​တဲဝဲ လုၢ်လၢ်​သကဲာ်ပဝး​တခါခါ မ့တမ့ၢ် တၢ်အိၣ်​အသး​တမံၤမံၤ​လၢ က​ဆှၢ​ပှၤ​ဆူ ကျဲ​လၢ​အ​တ​ကြၢး​တဘၣ်, တၢ်ကမၣ်​လၢ​အ​လီၤရၢၢ်​လီၤစၢၢ် မ့တမ့ၢ် တၢ်​လၢ​အ​ဆီၣ်ထွဲ​ပှၤလၢ ပ​က​မၤ​တၢ်ဒဲးဘး​အဂီၢ်

• ပှၤလၢ​အ​မၤ​လီၤဃံၢ်​ပှၤဂၤ​န့ၣ်​ မ့ၢ်​ဘၣ်​တၢ်​စၢ​ထီၣ်​အ​ကိာ် လၢ​ဆၢၣ်ဂူာ်​လၢၢ်​ဒီး ဘၣ်​တၢ်​တ့ၢ်လီၤ​အီၤ​ဆူ​ပီၣ်လဲၣ်​ပူၤ​န့ၣ်​ ဂ့ၤဒိၣ်​န့ၢ်ဒံး​အ​မၤ​လီၤဃံၢ်​ပှၤဂၤ

၁၈:၈, ၉

• ယ့ၣ်ၡူး​တဲဘၣ်​ အပျဲၢ်​အဘီၣ်​တဖၣ်​လၢ တၢ်​လၢ​အ​မၤ​လီၤဃံၢ် အဝဲသ့ၣ်​န့ၣ်​ မ့မ့ၢ်​တၢ်​လၢ​အလုၢ်​ဒိၣ်​ပှ့ၤဒိၣ်​ ထဲသိးဒီး​အ​စု မ့တမ့ၢ် အ​မဲာ်ချံ​ဒၣ်လဲာ် အဝဲသ့ၣ်​က​ဘၣ်​ဒီၣ်တဲာ်​ကွံာ်ဝဲ​လီၤ

• ပ​တူၢ်ၡူ​ကွံာ် တၢ်​လၢ​အလုၢ်​ဒိၣ်​ပှ့ၤဒိၣ်​တဖၣ်​အံၤ​ဒီး လဲၤနုာ်​ဆူ​ယွၤ​အဘီ​အမုၢ်​ပူၤ​န့ၣ်​ ဂ့ၤဒိၣ်​န့ၢ်ဒံး ပ​ဟံးဃာ်​တၢ်​သ့ၣ်​တဖၣ်​အံၤ​ဒီး လဲၤ​လီၤ​ဆူ ကဟဲနၢ် လၢ​အမ့ၢ် တၢ်​ဟးဂီၤ​လီၤ​လီၤထူ​လီၤယိာ်​အ​ပူၤ​လီၤ

လၢ​ယ​တၢ်အိၣ်မူ​အ​ပူၤ တၢ်​လၢ​က​မၤ​လီၤဃံၢ်​ယၤ​န့ၣ်​ မ့ၢ်​မနုၤ​လဲၣ်. ဒ်သိး​ယ​သု​တ​လီၤဃံၢ် ဒီး​ယ​သု​တ​မၤ​လီၤဃံၢ်​ပှၤဂၤ​တဂ့ၤ​အဂီၢ် ယ​က​ဘၣ်​မၤ​ဒ်လဲၣ်