၅:၈, ၁၈, ၂၁

ယဟိဝၤ​ယွၤ အ​တၢ်ဟ့ၣ်​လၢ​အမ့ၢ် တၢ်ပှ့ၤက့ၤ​န့ၣ်​ မ့ၢ်​တၢ်​အရ့ဒိၣ်​လၢ ယဟိဝၤ​ယွၤ​အ​မံၤ က​ဘၣ်​တၢ်​ပာ်စီဆှံ​အီၤ​အဂီၢ်, က​ဟ့ၣ်ထီၣ်​တၢ်​အုၣ်သး​လၢ အဝဲ​အိၣ်ဒီး တၢ်ခွဲး​တၢ်ယာ်​လၢ​က​ပၢတၢ် ဒီး​အ​တၢ်ပၢ​န့ၣ်​ မ့ၢ်​တၢ်ပၢ​လၢ​အဂ့ၤ​ကတၢၢ်​အဂီၢ်​လီၤ. တကးဒံးဘၣ်​ မၤစၢၤ​စ့ၢ်ကီး​ပှၤလၢ ဆၢကတီၢ်​ခဲအံၤ ပ​က​ကဲထီၣ်​ ယဟိဝၤ​ယွၤ အ​တံၤသကိး ဒီး​ပှၤလၢ​အိၣ်ဒီး တၢ်​ဒိကနၣ်​တဖၣ်​ က​အိၣ်မူ​ဘၣ်​ လီၤထူ​လီၤယိာ်​လီၤ.

ပ​စံးဘျုး​စံးဖှိၣ်​ တၢ်ဟ့ၣ်​လၢ​အမ့ၢ် တၢ်ပှ့ၤက့ၤ​န့ၣ်​ ပ​ပာ်ဖျါ​ထီၣ်​အီၤ က​သ့​ဒ်လဲၣ်.

• တၢ်ဟ့ၣ်​လုၢ်ထီၣ်​သး ဒီး​တၢ်ဒိး​ဘျၢထံ​န့ၣ်​ ပာ်ဖျါ​ထီၣ်ဝဲ​လၢ ပ​နာ်​တၢ်ပှ့ၤက့ၤ ဒီး​ပ​အဲၣ်ဒိး​ဘူၣ်ထီၣ်​ဘါထီၣ်​ ယဟိဝၤ​ယွၤ

• တၢ်​စံၣ်တဲၤ​တဲလီၤ ဘီမုၢ်​တၢ်သးခု​ကစီၣ်​န့ၣ်​ ပာ်ဖျါ​ထီၣ်ဝဲ​လၢ ပ​ကွၢ်လိမၤဒိး ယဟိဝၤ​ယွၤ လၢ​အ​အဲၣ်​ ပှၤ​ကိး​ကလုာ်​ဒဲး​လီၤ.—မး. ၂၂:၃၉; ယိၤ. ၃:၁၆

ယ​စံးဘျုး​စံးဖှိၣ်​ ယဟိဝၤ​ယွၤ အ​တၢ်ဟ့ၣ်​လၢ​အမ့ၢ် တၢ်ပှ့ၤက့ၤ​န့ၣ်​ ယ​ပာ်ဖျါ​ထီၣ်​အီၤ​က​သ့​လၢ ကျဲ​အဂၤ​ဒ်လဲၣ်.