ဖဲ​ပ​က့ၤ​အိၣ်သကိး​ဟံၣ်​ကစၢ်​အခါ မ့တမ့ၢ် ပ​မၤလိ​လံာ်စီဆှံ​ဒီး​ပှၤဂၤ​အခါ ပ​က​​ဘၣ်​မၤစၢၤ ပ​ပှၤ​ဒိကနၣ်​တၢ်ဖိ​တဖၣ်​လၢ က​နၢ်ပၢၢ်ထီၣ်​ဝဲ တၢ်ဂ့ၢ်​အရ့ဒိၣ်​တဖၣ်​လီၤ. န​မ့ၢ်​သူ​တၢ်​အဒိ​လၢ က​ပာ်ဖျါ​ထီၣ်​ တၢ်ဂ့ၢ်​လၢ​အရ့ဒိၣ်​အဂီၢ်​န့ၣ်​ က​ထုးန့ၢ်​အသး ဒီး​က​မၤစၢၤ​အီၤ​လၢ က​သ့ၣ်နီၣ်​ထီၣ်​ တၢ်ဂ့ၢ်​တဖၣ်​အဂီၢ်​လီၤ.

ဖဲ​န​ကတဲာ်​ကတီၤ​န​သး​လၢ တၢ်​က့ၤ​အိၣ်သကိး​ဟံၣ်​ကစၢ် မ့တမ့ၢ် တၢ်​မၤလိ​လံာ်စီဆှံ ဒီး​ပှၤဂၤ​အဂီၢ်​အခါ ဃုထၢ​တၢ်ဂ့ၢ်​လၢ​အရ့ဒိၣ်​တဖၣ်​ လၢ​န​ကသူ​တၢ်​အဒိ​အဂီၢ်​တက့ၢ်. မ့မ့ၢ်​တၢ်ဂ့ၢ်​ဆံး​ဆံး​ဖိ​တဖၣ်​အဂီၢ်​န့ၣ်​ တ​လိၣ်​န​သူ​တၢ်​အဒိ​ဘၣ်. ဃုထၢ​တၢ်​အဒိ​ယိယိ​ဖိ​လၢ ပှၤ​ထံၣ်​ညီနုၢ်​အီၤ​ကိးနံၤဒဲး​တဖၣ်​တက့ၢ်. (မး. ၅:၁၄-၁၆; မၢ်. ၂:၂၁; လူၤ. ၁၄:၇-၁၁) ဆိကမိၣ်​ နပှၤ​ဒိကနၣ်​တၢ်ဖိ အ​တၢ်အိၣ်သး ဒီး​အ​တၢ်ဖံး​တၢ်မၤ​တဖၣ်​တက့ၢ်. (လူၤ. ၅:၂-၁၁; ယိၤ. ၄:၇-၁၅) ဖဲ​န​ထံၣ်​ဘၣ်​လၢ အ​ဝဲ​နၢ်ပၢၢ်​ဝဲ တၢ်ဂ့ၢ်​အရ့ဒိၣ်​ ဒီး​သးခု​​ဝဲ​အခါ နၤ​စ့ၢ်ကီး န​က​သးခု​လီၤ.

ကွၢ်​တၢ်ဂီၤမူ​လၢ​အမ့ၢ် ဒ်သိး​န​ကအိၣ်​ဒီး တၢ်​သူၣ်ခု​သးခု​လၢ တၢ်​လဲၤ​ဒုး​ကဲထီၣ်​ပှၤဂၤ​လၢ ခရံာ်​အပျဲၢ်​အဘီၣ်​အဂီၢ်—မၤဂ့ၤ​ထီၣ်​န​တၢ်​သ့​တၢ်​ဘၣ်​တဖၣ်—သူ​တၢ်​အဒိ​လၢ က​ပာ်ဖျါ​ထီၣ်​ တၢ်ဂ့ၢ်​လၢ​အရ့ဒိၣ်​အဂီၢ် ဒီး​စံးဆၢ​တၢ်​သံကွၢ်​လၢ လာ်​တဖၣ်​အံၤ-

• ​ဘၣ်​မနုၤ​အဃိ ပှၤ​မၤလိ​လံာ်စီဆှံ​ဖိ လိၣ်​ဘၣ်​တၢ်​မၤစၢၤ​လၢ က​နၢ်ပၢၢ် လံာ်​စီ​ဆှီ​အဂီၢ်​လဲၣ်.

• ဒ်သိး​ပှၤ​က​နၢ်ပၢၢ် တၢ်မ့ၢ်​တၢ်တီ​လၢ ရိမ့ၤ ၅:၁၂ ပူၤ​အဂီၢ် နံထၣ်​သူ​ဝဲ​တၢ်​အဒိ​ဒ်လဲၣ်.

• ပ​မ့ၢ်​သူ​တၢ်​အဒိ​ဂ့ၤဂ့ၤ​န့ၣ်​ က​ကဲဘျုး​လၢ ပ​ပှၤ​ဒိကနၣ်​တၢ်ဖိ​အဂီၢ်​ဒ်လဲၣ်.

• လၢ​တၢ်​စံၣ်တဲၤ​တဲ​လီၤ​တၢ်မၤ​အ​ပူၤ​န့ၣ်​ ​ဘၣ်​မနုၤ​အဃိ ပ​ကြၢး​သူ တၢ်ဂီၤမူ ဒီး​တၢ်ပီး​တၢ်လီ​လၢ တၢ်​ကရၢကရိ ကတဲာ်​ကတီၤ​န့ၢ်​ပှၤ​တဖၣ်​လဲၣ်.